iɛbrin 1:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ iban gis lmjd n‑rbbi, ig ṣṣurt n‑rruḥ‑ns, iḥkam ġ‑kullu ma‑illan s‑tḥkimt n‑wawal‑ns. ġakud lliġ issitti ddnub f‑bnadm iskiws f‑ufasi n‑rbbi l‑lmjd ġ‑tattuyt n‑ignwan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيبان گيس لمجد ن‑ربّي، ءيگ صّورت ن‑رّوح‑نس، ءيحكام غ‑كولّو ما‑يلّان س‑تحكيمت ن‑واوال‑نس. غاكود لّيغ ءيسّيتّي دّنوب ف‑بنادم ءيسكيوس ف‑وفاسي ن‑ربّي لّمجد غ‑تاتّويت ن‑يگنوان.

iɛbrin 1:3 Iomraidhean Croise

matta 22:24

«way‑amslmd, inna musa ‹iġ‑immut kra n‑yan ifl‑d tamġart‑ns bla tarwa, illa f‑gʷmas n‑urgaz‑an a‑stt‑itahl a‑dids‑iskr tarwa f‑ism n‑gʷmas lli‑immutn.›

marqus 16:19

siditnnġ yasuɛ, tiġurdin n‑ma‑srsn‑isawl, ityalal s‑ignna iskiws f‑ufasi n‑rbbi.

yuḥanna 1:14

awal‑an iwrri iga bnadm, izdġ ġ‑gratnnġ, nẓr lmjd‑ns. iga lmjd n‑walli igan yan dar babas, tigat gis lbaraka d‑lḥqq.

yuḥanna 1:29

ndid azkka iẓr‑n yuḥanna yasuɛ ifta‑d s‑dars, yini fllas: «han alqqaġ n‑rbbi lli‑ra‑issitti ddnub n‑ddunit.

yuḥanna 1:4

awal‑an a‑ġ‑tlla tudrt, tg‑tudrt‑an tifawt i‑mddn.

irqqasn 2:33

ityalal ilmma s‑ufasi n‑rbbi babatnnġ, yamẓ zġ‑dars rruḥ lqudus lli‑f‑inna rad‑aġ‑t‑ifk. izzugz‑t‑id fllannġ ġilad ġmkad tẓram ar‑as‑tsflidm.

irqqasn 7:56

yini: «hati ẓriġ‑n ignwan rẓmn, ẓrġ yus n‑bnadm ibidd f‑ufasi n‑rbbi.»

ruma 1:16

ur‑a‑tḥšamġ s‑lh̬bar‑ad ifulkin, ašku iga taḥkimt itjhhdn n‑rbbi lli‑s‑a‑ijjnjam kullu wanna yumnn, ayt‑yudaya imzwura ula ayt‑tmizar yaḍni.

ruma 8:34

ma‑iẓḍarn a‑yini nʷh̬šn? han lmasiḥ yasuɛ a‑fllannġ‑immutn, inkr‑d‑nnit zġ‑lmut yili f‑ufasi n‑rbbi, ar‑t‑fllannġ‑itḍalab.

2 kurintus 4:4

ntni ur‑uminn ašku iblis lli‑iḥkamn ddunit‑ad issbukḍ lɛaql‑nsn a‑ur‑ẓrn tifawt l‑lh̬bar l‑lmjd l‑lmasiḥ lli‑igan ṣṣurt n‑rbbi.

kulussi 3:1

s‑tnkra l‑lmasiḥ a‑s‑kʷn‑d‑issnkr rbbi zġ‑lmut. mayan a‑f‑kʷn‑d‑iqqan a‑bdda‑trarm lɛaql s‑ma‑igan win ignna, ašku ġin a‑ġ‑illa lmasiḥ, iskiws f‑ufasi n‑rbbi.

tiṭus 2:14

ifka ih̬f‑ns ad‑aġ‑ifru zġ‑kullu ma‑yʷh̬šnn, issġus‑aġ baš a‑ng mddn‑ns lli‑bahra‑ittirin ad‑skarn ma‑ifulkin.

iɛbrin 1:13

ur‑jju‑inni rbbi i‑kra l‑lmalak: «skiws f‑ufasiy‑inu ard gġ inuwwašn‑nnk ġ‑ddu iḍarn‑nnk.»

iɛbrin 10:12

imma lmasiḥ, yat‑twal a‑n‑isrs yat‑tġrsi f‑ddnub n‑kullu tasutin, iskiws ilmma f‑ufasi n‑rbbi

iɛbrin 12:2

illa fllannġ a‑n‑ntmnad ġ‑yasuɛ lli‑aġ‑iskrn aġaras‑ad s‑numn, rad‑aġ‑gis‑yawi ar ttmi. iṣbr nttan i‑lmut f‑uggjdi, ur‑tt‑yiwi ġ‑tdallit, ašku iẓra‑n lfrḥ lli‑rad‑as‑yili tigira. iskiws ilmma f‑ufasi l‑lɛrš n‑rbbi.

iɛbrin 4:14

illa fllannġ a‑nzga ġ‑liman‑ad ġ‑numẓ, ašku illa‑yaġ yan‑unmġur ihiyyan lli‑ikšmn s‑ignna, a‑t‑igan d‑yasuɛ yus n‑rbbi.

iɛbrin 7:27

ur‑igi zund inmġurn n‑ššrɛ, ašku ur‑t‑ih̬ṣṣa a‑n‑issakmur tiġrsiw i‑rbbi ass f‑wass f‑ddnub‑ns ntta ula f‑ddnub n‑mddn yaḍni. ašku yasuɛ, yat‑tġrsi a‑n‑issakmur yat‑twal f‑ddnub‑nnġ kullwaġ lliġ ifka ih̬f‑ns immt.

iɛbrin 8:1

kullu mayad imla‑yaġ is‑darnnġ anmġur ihiyyan lli‑nḥtajja, iskiws f‑ufasi l‑lɛrš n‑rbbi l‑lmjd ġ‑ignna.

iɛbrin 9:16

nssn luṣit nna‑illan f‑lwrt is‑ur‑ẓḍarn ad‑srs‑skrn mddn ard issann is‑immut ġwalli yuṣṣan f‑lwrt.

iɛbrin 9:26

ašku ur‑t‑id‑iqqan a‑immt kigan d‑twaliw zġ‑lliġ ttyawh̬laq ddunit. walaynni yat‑twal a‑d‑yuška ġ‑isiggʷra n‑ddunit, baš a‑immt issitti ddnub f‑bnadm.

1 bṭrus 1:21

hati f‑ssibt l‑lmasiḥ a‑s‑tumnm s‑rbbi lli‑t‑id‑issnkrn zġ‑lmut issattuy‑t s‑lmjd. d‑ġmkad a‑s‑izga liman‑nnun d‑rrja‑nnun ġ‑rbbi.

1 bṭrus 3:22

nttan a‑ikšmn ilmma s‑ignna, iskiws ġilad f‑ufasi n‑rbbi, ilin kullu lmalayka d‑ssulṭat d‑lquwwat n‑ignwan ġ‑ddu‑ufus‑ns.

2 bṭrus 1:16

ur‑a‑nbnnu f‑kra n‑tḥajiyin tyawskarnin s‑lɛaql n‑bnadm ġakud lliġ‑awn‑nsawl f‑mamnk a‑d‑yuška siditnnġ yasuɛ lmasiḥ s‑tḥkimt itjhhdn. ašku nkkʷni nẓra timuġra‑ns,

2 bṭrus 1:17

nili dids f‑uwrir amẓlay, nsfld i‑wawal zġ‑ignwan lliġ‑d‑issbayyn rbbi babatnnġ lmjd l‑lmasiḥ d‑lhibt‑ns. isawl‑d‑wawal zġ‑lmjd n‑tattuyt inna: «ġwad iga iwi iɛzzan. frḥġ srs bahra.»

1 yuḥanna 1:7

walaynni iġ‑a‑nttidu ġ‑tifawt ġmklli illa ntta ġ‑tifawt, tlla darnnġ tamunt i‑ngratnnġ, ar‑aġ‑ssġusn idammn n‑yasuɛ yus n‑rbbi zġ‑kullu ddnub nna‑ginnġ‑illan.

1 yuḥanna 3:5

tssnm kunni is‑d‑yuška lmasiḥ baš a‑fllannġ‑issitti ddnub‑nnġ, tissanm is‑ur‑jju‑iskir kra n‑ddnub ntta.

anurẓm 3:21

kullu wanna inran, rad‑as‑fkġ a‑didi‑iskiws f‑lɛrš‑inu ġmklli nriġ nkki skiwsġ d‑baba rbbi f‑lɛrš‑ns.

anurẓm 4:11

«wa‑rbbi siditnnġ, kiyi a‑isthllan lmjd d‑ttuqir d‑lḥukm, ašku kiyi a‑ih̬lqn kullu ma‑illan. hati ityawh̬laq yili, ašku kiyi a‑t‑iran.»