iɛbrin 1:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² imma ġ‑uwssan‑ad ggʷranin isawl‑d srnnġ f‑imi n‑yan igan yus. nttan a‑s‑ih̬lq kullu ma‑illan, iẓli‑t a‑iwrt kraygatt kra.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءيمّا غ‑ووسّان‑اد گُّرانين ءيساول‑د سرنّغ ف‑يمي ن‑يان ءيگان يوس. نتّان ا‑س‑يخلق كولّو ما‑يلّان، ءيژلي‑ت ا‑يوورت كرايگاتّ كرا.

iɛbrin 1:2 Iomraidhean Croise

matta 13:39

anuwwaš lli‑tn‑in‑iluḥn iga‑t iblis. tamgra tga isiggʷra n‑ddunit, išuwwaln gan lmalayka.

matta 17:5

sul a‑isawal s‑d‑fllasn‑tgguz yat‑tmdlut issmrġan tdl‑tn. isawl‑d yan‑wawal zġ‑tmdlut yini: «ġwad iga iwi iɛzzan. nttan a‑s‑bahra‑frḥġ. sflidat srs.»

matta 21:38

walaynni ih̬ʷmmaṣn‑an, lliġ ẓran yus mšawarn i‑ngratsn inin ‹ġwad a‑ra‑iwrt igr. aškad‑d a‑t‑nnġ ig lwrt winnġ.›

matta 26:63

imma yasuɛ ġir ifssa. isawl‑daġ‑unmġur yini‑as: «giġ‑n srk rbbi lli‑iddrn. ini‑aġ, izd kiyi a‑igan lmasiḥ yus n‑rbbi?»

matta 28:18

imma yasuɛ iruḥ‑tn yini‑asn: «hati ġ‑ufus‑inu a‑ġ‑ityawfka kullu ma‑illan ġ‑ignwan ula ġ‑wakal.

matta 3:17

isawl‑d yan‑wawal zġ‑ignwan yini: «ġwad iga iwi iɛzzan. frḥġ srs bahra.»

marqus 1:1

lh̬bar ifulkin n‑yasuɛ lmasiḥ yus n‑rbbi.

marqus 12:6

iqama‑yas yan iga yus, iɛzza dars bahra. yazn‑asn‑t ġ‑isiggʷra, yini d‑ih̬f‑ns: ‹rad‑uqqrn iwi.›

marqus 12:7

walaynni ih̬ʷmmaṣn‑an mšawarn i‑ngratsn inin: ‹ġwad a‑ra‑iwrt igr. aškad‑d a‑t‑nnġ ig lwrt winnġ.›

yuḥanna 1:10

yuška‑d s‑ddunit, d‑srs a‑s‑ttyawh̬laq ddunit, walaynni ur‑t‑ukʷzn ayt‑ddunit.

yuḥanna 1:14

awal‑an iwrri iga bnadm, izdġ ġ‑gratnnġ, nẓr lmjd‑ns. iga lmjd n‑walli igan yan dar babas, tigat gis lbaraka d‑lḥqq.

yuḥanna 1:3

srs a‑s‑ih̬lq kullu ma‑illan. ur‑illi kra ih̬lq‑t rbbi abla ityawh̬laq srs.

yuḥanna 13:3

imma yasuɛ issn is‑iga rbbi babas kullu ma‑illan ġ‑ddu‑ufus‑ns, yissan is‑d‑yuška zġ‑rbbi, d‑rbbi a‑s‑ra‑iwrri.

yuḥanna 13:32

iġ‑d‑gigi‑iban lmjd n‑rbbi, ra‑yyi‑imjjd ula nkki, ġilad a‑ra‑yyi‑imjjd.

yuḥanna 15:15

ur‑sul‑kʷn‑giġ d‑ih̬ddamn‑inu, ašku ah̬ddam ur‑issin ma‑itnawal sidis. giġ‑kʷn d‑imddukkʷal‑inu, ašku mliġ‑awn kullu ma‑mi‑sfldġ zġ‑baba.

yuḥanna 16:15

kullu ma‑iṭṭaf baba, iga winu. mayad a‑f‑awn‑nniġ ‹ra‑yamẓ awal‑inu iml‑awn‑t‑id.›

yuḥanna 17:2

ssnġ is‑tgit kullu bnadm ġ‑ddu‑ufus‑inu, ad‑fkġ tudrt idumn i‑kullu willi‑yyi‑tfkit.

yuḥanna 3:16

ašku ġunškad a‑s‑iḥnna rbbi f‑ddunit aylliġ‑d‑ifka ġwalli igan yus, a‑d‑ikkis i‑lhalak kullu wanna srs yumnn, išškšm‑tn s‑tudrt idumn.

yuḥanna 3:25

yan‑wass ar‑sawaln imḥḍarn n‑yuḥanna d‑yan‑urgaz iga gu‑yudaya, ar‑tmjaḥadn f‑usġus n‑ayt‑yudaya.

yuḥanna 5:26

ašku ġmklli tlla‑tẓḍḍart n‑tudrt dar baba, ġmkan ad‑iyi‑ifka taẓḍḍart ad‑akkaġ tudrt ula nkki lli‑igan yus.

yuḥanna 5:27

ifk‑iyi‑daġ ad‑kkatġ lḥukm f‑bnadm ašku giġ yus n‑bnadm.

yuḥanna 9:29

nssn izd rbbi a‑isawaln s‑musa, imma ġwan ur‑akkʷ‑nssin manizġ‑d‑yuška.»

irqqasn 10:36

ġmkad a‑iga‑wawal lli‑d‑yuzn rbbi i‑mddn‑ns n‑ayt‑yaɛqub, iml‑asn‑d lh̬bar ifulkin n‑sslamt ġ‑gras didsn f‑uwdm n‑yasuɛ lmasiḥ lli‑igan sidis n‑kullu ma‑illan.

irqqasn 2:17

‹ġ‑uwssan ggʷranin ra‑n‑zzugzġ rruḥ‑inu f‑kullu mddn. rad‑sawaln tarwa‑nnun d‑istitun s‑iwaliwn lli‑rad‑asn‑akkaġ. rad‑tisfiwn iɛyyaln‑nnun mad‑asn‑malaġ. rad‑twargan ifqqirn‑nnun s‑mad‑asn‑ssbayyanġ.

ruma 8:17

lliġ nga tarwa‑ns, nissan is‑ra‑nṭṭaf lwrt lli‑ra‑yili i‑mddn n‑rbbi, ra‑nkšm ġ‑lwrt l‑lmasiḥ. iġ‑dids‑nmun ġ‑urfufn, ra‑dids‑nili ġ‑lmjd.

1 kurintus 2:7

walaynni ar‑nsawal s‑tḥkimt n‑rbbi lli‑intln ġayd izrin issbayyn‑t‑id ġilad. ašku rbbi, ur‑ta‑ih̬lq ddunit, iqṣad ad‑aġ‑išškšm s‑lmjd‑ns.

1 kurintus 8:6

imma nkkʷni, yan‑rbbi ad‑darnnġ‑illan lli‑mi‑nga wins, a‑t‑igan d‑babatnnġ lli‑ih̬lqn kullu ma‑illan. d‑yan‑siditnnġ ad‑darnnġ‑illan lli‑s‑nlla, a‑t‑igan d‑yasuɛ lmasiḥ lli‑s‑ityawh̬laq kullu ma‑illan.

گالاطيّا 4:4

walaynni ġakud lliġ‑d‑iruḥ‑uzmz, rbbi yuzn‑d yus s‑ddunit. ilul‑d zġ‑waḥlig n‑yat‑tmġart, iwrri yili ula ntta ġ‑ddu ššrɛ,

afsus 1:10

yiri a‑t‑issafu ġ‑isiggʷra n‑ddunit. hati ra‑issmun kullu ma‑illan ġ‑ignna ula ġ‑ddunit, ig‑t kullu ġ‑ddu‑ufus l‑lmasiḥ.

afsus 3:9

ifk‑iyi ad‑malaġ i‑kullu mddn taġawsa‑yad ihiyyan lli‑fllasn‑intln kullu ġayd izrin, iqṣad‑stt rbbi lli‑ih̬lqn kullu ma‑illan.

iɛbrin 1:5

ašku urd kra n‑yan ġ‑lmalayka a‑mi‑inna rbbi ġ‑warra‑ns: «kiyi tgit iwi. babak ad‑giġ ġassad.» urd kra l‑lmalak a‑f‑inna: «rad‑gġ babas, ig ntta iwi.»

iɛbrin 1:8

walaynni lliġ isawl f‑yus inna: «lɛrš‑nnk a‑rbbi a‑rad‑bdda‑idum, ur‑ra‑sar‑itmmu. iga‑uɛmud n‑tgldit‑nnk aɛmud l‑lḥqq.

iɛbrin 11:3

ula nkkʷni, f‑ssibt n‑ma‑numn awal n‑rbbi a‑f‑nssn izd nttan a‑ih̬lqn kullu ma‑illan s‑wawal‑ns, iskr kullu ma‑ntmnad zġ‑ma‑ur‑ityawẓrran.

iɛbrin 2:3

imma ġilad, mamnk a‑ra‑nnjm iġ‑ur‑tt‑niwi ġ‑ujnjm‑ad ihiyyan? siditnnġ yasuɛ a‑izwarn inna‑yaġ fllas, sawln fllas ula ġwilli sfldnin i‑siditnnġ mln‑aġ is‑iga lḥqq.

iɛbrin 3:6

ula lmasiḥ issuwfa kullu ma‑gis‑ira rbbi, imma ntta iga yus n‑tgmmi, tili‑tgmmi kullutt ġ‑ddu‑ufus‑ns. imma ayt‑tgmmi‑ns, nkkʷni a‑tn‑igan iġ‑nzga nzɛm, namẓ‑bdda ġ‑rrja‑yad darnnġ illan.

iɛbrin 4:14

illa fllannġ a‑nzga ġ‑liman‑ad ġ‑numẓ, ašku illa‑yaġ yan‑unmġur ihiyyan lli‑ikšmn s‑ignna, a‑t‑igan d‑yasuɛ yus n‑rbbi.

iɛbrin 5:8

imma ntta, wah̬h̬a iga yus n‑rbbi, s‑tmmara a‑s‑a‑itlmad a‑iskar s‑wawal n‑rbbi.

iɛbrin 7:28

ḍɛfn inmġurn n‑ššrɛ ašku bnadm kad‑gan. imma yus n‑rbbi, ityawẓlay s‑ism‑ns tigira n‑ššrɛ, ikmml srs rbbi kullu ma‑srs‑iqṣad.

iɛbrin 7:3

ur‑ityara yat f‑babas nġd innas nġd imzwura‑ns, ula ityara yat f‑tlalit‑ns nġd lmut‑ns, walaynni irwas i‑yus n‑rbbi ašku iga‑bdda anmġur ibiddn ġ‑gr mddn d‑rbbi.

iɛbrin 9:26

ašku ur‑t‑id‑iqqan a‑immt kigan d‑twaliw zġ‑lliġ ttyawh̬laq ddunit. walaynni yat‑twal a‑d‑yuška ġ‑isiggʷra n‑ddunit, baš a‑immt issitti ddnub f‑bnadm.

1 bṭrus 1:20

mayad, iqṣad‑t srs rbbi lliġ ur‑ta‑ih̬lq yat, yazn‑t‑id ilmma ibayyn‑d f‑ssibt‑nnun ġ‑uwssan‑ad ggʷranin.

2 bṭrus 3:3

walaynni taġawsa ihiyyan a‑stt‑igan, a‑tissanm is‑rad‑d‑aškin kra n‑iṭnnaẓn ġ‑uwssan‑ad ggʷranin ar‑bahra‑teṭnaẓn ar‑skarn f‑kullu ma‑ttirin i‑ih̬f‑nsn

yahuda 1:18

nnan‑awn: «ġ‑uwssan ggʷranin a‑rad‑d‑aškin kra n‑iṭnnaẓn. rad‑skarn s‑lh̬ʷšant lli‑ittiri ih̬f‑nsn.»