anurẓm 8:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ iddu yal‑lmalak yaḍni ibidd ġ‑tama n‑uẓru n‑tġrsi, yasi taṭṭast n‑uwrġ. ittfk‑as lbh̬ur iggutn a‑dids‑issmun tiẓulla n‑kullu‑imẓlayn n‑rbbi, baš a‑tnt‑in‑issakmur i‑rbbi f‑ṭṭbla n‑uwrġ lli‑illan ġ‑lgddam l‑lɛrš.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيدّو يا‑لّمالاك ياضني ءيبيدّ غ‑تاما ن‑وژرو ن‑تغرسي، ياسي تاطّاست ن‑وورغ. ءيتّفك‑اس لبخور ءيگّوتن ا‑ديدس‑يسّمون تيژولّا ن‑كولّو‑يمژلاين ن‑ربّي، باش ا‑تنت‑ين‑يسّاكمور ءي‑ربّي ف‑طّبلا ن‑وورغ لّي‑يلّان غ‑لگدّام لّعرش.

anurẓm 8:3 Iomraidhean Croise

anurẓm 5:8

lliġ‑d‑yusi arra, ḍrnt‑n kkuẓṭ lmh̬luqat ula sin id‑mraw d‑kkuẓ (24) n‑umġar ġ‑lgddam n‑ulqqaġ. kraygatt yan yusi lutar, asin ula taṭṭasin n‑uwrġ ɛmmrnin s‑lbh̬ur lli‑igan tiẓulla n‑imẓlayn n‑rbbi.

anurẓm 8:4

ar‑yaqlay‑waggu l‑lbh̬ur d‑tẓulla n‑imẓlayn zġ‑ufus l‑lmalak s‑lgddam n‑rbbi.

luqa 1:10

ikšm srs ġ‑tasaɛt l‑lbh̬ur, munn‑d mddn ggutnin ġ‑brra ar‑tẓallan.

anurẓm 9:13

yut wis sḍiṣ l‑lmalayka nnffar‑ns, s‑sfldġ i‑yan‑wawal isawl‑d zġ‑dar kkuẓ‑waskawn n‑tġmrin n‑ṭṭbla n‑uwrġ lli‑illan ġ‑lgddam n‑rbbi.

iɛbrin 9:4

tlla gis ṭṭbla n‑uwrġ lli‑f‑a‑tbh̬h̬arn, ula ṣṣnduq l‑lɛhd lli‑idln s‑uwrġ zġ‑kraygatt tasga. ġ‑ṣṣnduq‑an a‑ġ‑tlla yat taṭṭast n‑uwrġ tusi aġrum n‑‹manna›, ula aɛmud n‑harun lli‑imġin, ula tilwaḥ n‑uẓru lli‑f‑tyarant luṣiyat l‑lɛhd.

iɛbrin 7:25

mayad a‑f‑iẓḍar a‑ijjnjm kullu winna‑n‑issruḥ i‑rbbi ġilad ula kullu mayd‑d‑iftan, ašku iddr‑bdda a‑itḍalab rbbi fllasn.

ruma 8:34

ma‑iẓḍarn a‑yini nʷh̬šn? han lmasiḥ yasuɛ a‑fllannġ‑immutn, inkr‑d‑nnit zġ‑lmut yili f‑ufasi n‑rbbi, ar‑t‑fllannġ‑itḍalab.

anurẓm 7:2

ẓrġ‑n ilmma yal‑lmalak yaḍni iġli‑d zġ‑illiġ a‑di‑taqlay tafukt, yasi‑d ṭṭabɛ n‑rbbi bab n‑tudrt. iġr lmalak‑an s‑wawal itjhhdn i‑kkuẓ lmalayka lli‑yuṣṣa rbbi ad‑hlkn akal d‑umda,

anurẓm 6:9

ifsi‑ulqqaġ wis smmus ṭṭwabɛ, s‑ẓriġ larwaḥ n‑willi mmutnin f‑ssibt n‑tbrraḥt‑nsn s‑wawal n‑rbbi ula tugga‑nsn lli‑fllas‑fkan. ġ‑ddu‑uẓru n‑tġrsi a‑ġ‑llan,

anurẓm 10:1

ẓrġ ilmma yal‑lmalak yaḍni, itjhhd bahra igguz‑d zġ‑ignna. isutl‑as‑umdlu zund timlsit, tlulli‑tslit n‑unẓar i‑ih̬f‑ns, yisfiw‑uwdm‑ns zund tafukt, gn iḍarn‑ns zund tannalin l‑lɛafit.

anurẓm 8:5

iddu lmalak ilmma, iɛmmr taṭṭast s‑tirgin l‑lɛafit zġ‑dar ṭṭbla, iluḥ‑tt‑in f‑ddunit. immass iggig s‑uqqryan itjhhdn, utn‑uwsmann immass‑wakal.

anurẓm 14:18

iffuġ‑d ilmma yal‑lmalak yaḍni zġ‑dar ṭṭbla l‑lbh̬ur, ig ġwalli igabln lɛafit. isawl s‑walli yusin asmmawd imsadn yini‑as s‑wawal itjhhdn: «luḥ‑n asmmawd‑nnk, tssmunt tizrmin zġ‑ddalit n‑ddunit, ašku inwa‑waḍil.»