anurẓm 3:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ swangm‑d ma‑tlmdt ula maylli mi‑tsfldt ġayd izrin. skar srs, twrrid‑d zġ‑ddnub‑nnk. iġ‑ur‑trurt lɛaql, hati ra‑n‑srk‑aškġ zund amh̬h̬ar, ur‑ra‑tissant man tasaɛt ġ‑ra‑k‑in‑lkmġ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ سوانگم‑د ما‑تلمدت ءولا مايلّي مي تسفلدت غايد ءيزرين. سكار سرس، توورّيد‑د زغ‑دّنوب‑نّك. ءيغ‑ور‑ترورت لعاقل، هاتي را‑ن‑سرك‑اشكغ زوند امخّار، ءور‑را‑تيسّانت مان تاساعت غ‑را‑ك‑ين‑لكمغ.

anurẓm 3:3 Iomraidhean Croise

matta 25:13

izayd yasuɛ yini‑asn: «ḍufat ašku ur‑tssinm man ass ula man tasaɛt a‑rad‑d‑aškġ.

marqus 13:33

rarat lɛaql‑nnun tḍufm ašku ur‑tssinm managu a‑ra‑d‑iruḥ‑uzmz‑an.

marqus 13:36

ḍufat a‑ur‑d‑yašk ġ‑kra n‑tasaɛt lli‑ur‑tġalm yaf‑kʷn‑d tgnm.

1 tasaluniki 5:2

ašku tssnm izd zund amh̬h̬ar n‑iyḍ a‑s‑ra‑d‑ilkm‑wass n‑siditnnġ.

1 timutaws 6:20

wa‑timutaws, gabl lamant lli‑ak‑ifka rbbi. anf i‑tjmmaɛt ih̬wan d‑imjaḥadn n‑willi ur‑ssinnin rbbi. ar‑ttinin is‑darsn lfhmt walaynni ur‑fhimn yat.

2 timutaws 1:13

amẓ‑bdda ġ‑ulmmud yʷġẓann lli‑mi‑dari‑tsfldt, tɛmmrt s‑liman d‑lḥnant lli‑aġ‑illan ġ‑tamunt l‑lmasiḥ yasuɛ.

iɛbrin 2:1

mayan a‑s‑fllannġ‑illa a‑stt‑ntawi s‑uggʷar ġ‑ma‑mi‑nsfld, a‑ur‑njlu zġ‑uġaras.

2 bṭrus 1:13

ašku swangmġ is‑išwa a‑bdda‑ssrġaġ ma‑illan ġ‑ih̬f‑nnun kullu mad‑sulġ ġ‑uh̬iyyam‑ad lli‑igan ddat‑inu.

2 bṭrus 3:1

way‑aytma ɛzzanin, tabrat‑ad tga tis snat‑tbratin lli‑awn‑in‑uriġ. ssktiġ‑awn‑d srsnt tiġawsiwin‑ad baš a‑tswingimm ġ‑ma‑yʷġẓann.

2 bṭrus 3:10

walaynni ass n‑siditnnġ ra‑d‑yašk zund amh̬h̬ar. rad‑ittin ignwan s‑ijjij itjhhdn, ifnu kullu ma‑gisn‑illan s‑lɛafit, tjdr akal ula kullu ma‑gis‑skrn mddn.

anurẓm 16:15

inna siditnnġ: «hati ra‑n‑aškġ zund amh̬h̬ar. ambarki a‑ra‑ig wanna iḍufn yawi dids timlsa‑ns a‑ur‑iffuġ bla yat iḥšm ġ‑lgddam n‑mddn.»

anurẓm 2:25

ġir amẓat ġ‑ma‑darun‑illan ard‑n‑aškġ.

anurẓm 2:5

swangm‑d manizġ‑n‑tḍrt. wrri‑d zġ‑ddnub‑nnk ar‑tskart ġmklli tskart ġ‑isizwar. iġ‑ur‑di‑twrrit zġ‑ddnub‑nnk, ra‑n‑srk‑aškġ ssittiġ‑ak lḥska‑nnk zġ‑udġar‑ns.

anurẓm 22:7

inna yasuɛ: «hati ġir yan imikk ra‑n‑aškġ.» ambarki a‑iga wanna iskarn s‑iwaliwn lli‑d‑issbayyn rbbi ġ‑warra‑yad.

anurẓm 3:11

ġir imikk ra‑n‑aškġ. amẓ ġ‑ma‑dark‑illan, a‑ur‑tadjt yan ad‑ak‑yakʷr ttaj‑nnk.

anurẓm 3:19

winna dari ɛzzanin ar‑tn‑tẓiġ ar‑tn‑trbbaġ. awi‑tt ġ‑ih̬f‑nnk ġilad, twrrid‑d zġ‑ddnub‑nnk.

anurẓm 3:2

rar lɛaql tssdust ma‑gik‑iqaman ur‑ta‑immut. ufiġ‑n maylli tskart ur‑ta‑ikmmil ġ‑iẓri n‑rbbi‑nu.