anurẓm 2:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ssnġ is‑tzgat tṣbrt i‑tnukmut f‑ssibt n‑ism‑inu bla‑da‑ttrmayt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ سّنغ ءيس‑تزگات تصبرت ءي‑تنوكموت ف‑سّيبت ن‑يسم‑ينو بلا‑دا‑تّرمايت.

anurẓm 2:3 Iomraidhean Croise

marqus 15:21

amẓn yan‑urgaz imun‑d d‑uġaras, bḥra‑d‑yuška zġ‑brra, inin‑as a‑yasi aggjdi n‑yasuɛ. iga ism‑ns simɛan gu‑kurini, ig babas n‑alaksandrus d‑rufus.

luqa 14:27

wanna ur‑yusin aggjdi‑ns imun didi, ur‑iẓḍar a‑ig amḥḍar‑inu.

luqa 18:1

isawl yasuɛ s‑imḥḍarn‑ns, yiri ad‑asn‑iml is‑tn‑d‑iqqan a‑bdda‑tẓallan bla‑da‑trmayn. yut‑asn lmɛna‑yad,

luqa 21:19

biddat tzgam, ġmkad a‑s‑ra‑tnjmm.

luqa 5:5

isawl simɛan yini‑as: «iḍ kullut ar‑nkkat tammara a‑sidi, ur‑numẓ yat. walaynni lliġ‑ti‑tnnit kiyi ra‑n‑grġ ššbayk.»

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

yuḥanna 15:21

kullu mayad rad‑awn‑t‑skrn f‑ssibt n‑ma‑tgam winu, ašku ur‑ssinn ġwalli‑yyi‑d‑yuznn.

ruma 12:12

frḥat ġ‑rrja, tṣbrm ġ‑trfufnt, tzaydm ġ‑tẓulla.

ruma 16:12

ar‑n‑tsllamġ f‑th̬ddamin n‑siditnnġ trifina d‑trifusa. ar‑n‑tsllamġ ula f‑uwlltmatnnġ iɛzzan barsis lli‑bahra‑ith̬damn i‑siditnnġ.

ruma 2:7

llan kra n‑mddn ar‑bdda‑skarn afulki ar‑n‑trjun ġ‑dar rbbi a‑tn‑issattuy ar‑tn‑issimġur ifk‑asn tudrt idumn. ntni rad‑asn‑ifk rbbi tudrt l‑lih̬rt.

ruma 8:25

walaynni lliġ a‑ntrju ġ‑maylli ur‑ta‑nẓri, hati ar‑srs‑ntql nzga ġ‑rrja ard‑aġ‑yili.

1 kurintus 13:7

ar‑kullu‑itasi ar‑kullu‑itamn ar‑kullu‑itrju ar‑kullu‑itṣbar.

1 kurintus 16:16

ḍalbġ‑kʷn ġilad a‑tsflidm s‑mddn zund ġwid ula kullu wanna ith̬damn ar‑itnhataf didnnġ f‑twuri‑ad.

2 kurintus 10:15

ur‑akkʷ‑a‑ntalġ ih̬f‑nnġ f‑kra‑ur‑nskir ula f‑mad‑skrn wiyyaḍ, walaynni ar‑n‑ntrju ġ‑igr n‑darun a‑gis‑tigat‑tmgra lliġ a‑ttzayadm ġ‑liman.

2 kurintus 11:23

is‑gan ih̬ddamn l‑lmasiḥ? giġ ula nkki ah̬ddam l‑lmasiḥ uggʷar‑nsn. ha‑yyi ġilad ar‑sawalġ zund yan inufln. ar‑th̬damġ uggʷar n‑mddn‑an, ar‑ttiliġ ġ‑lḥbs uggʷar‑nsn. ššiġ akuray uggʷar‑nsn. mnnawt‑twal a‑n‑tmnaggarġ d‑lmut.

2 kurintus 4:1

lliġ‑aġ‑ifka rbbi tawuri‑ad ihiyyan s‑rrḥmt‑ns, ar‑gis‑ntzayad bla‑da‑ntrmay.

2 kurintus 4:16

mayan a‑f‑ur‑akkʷ‑a‑ntrmay. wah̬h̬a da‑ttḍɛaf ddat‑nnġ, ar‑itdus‑uwl‑nnġ ass f‑wass.

2 kurintus 5:9

walaynni iġ‑nqama ġ‑ddat‑ad nġd iġ‑tt‑nfl, rad‑bdda‑nskar f‑a‑nrḍu siditnnġ.

2 kurintus 6:5

ar‑aġ‑ssġurušn ar‑aġ‑n‑tluḥn ġ‑lḥbs ar‑fllannġ‑sshiyyasn mddn. ar‑ntnhataf bahra. kra n‑twal ar‑ntqama bla iṭs, kra n‑twal ar‑ntqama s‑laẓ.

گالاطيّا 6:2

tmɛawanat i‑ngratun ġ‑aynna fllawn iẓẓayn. ġmkad a‑s‑ra‑tssafawm luṣit l‑lmasiḥ.

گالاطيّا 6:9

a‑ur‑ntrmay ġ‑ufulki‑ad nskar, ašku ra‑nmgr ṣṣabt ġ‑uzmz‑ns iġ‑ur‑nhruṣṣi.

filibbi 2:16

ar‑asn‑tmalam awal n‑tudrt. mayan a‑s‑rad‑srun‑frḥġ bahra ġ‑wass lli‑ġ‑ra‑d‑yašk lmasiḥ, ẓrġ is‑urd bla lfaytt a‑s‑a‑tazzalġ ar‑tnhatafġ ġ‑darun.

filibbi 4:3

ḍalbġ‑k ula kiyi ay‑amɛawn‑inu ifulkin, a‑tɛawnt timġarin‑an. h̬dmnt ntnti ġ‑twuri l‑lh̬bar ifulkin ġ‑tama‑nu nkki d‑klimantus d‑imɛawann‑inu yaḍni lli‑mi‑tyaran ismawn‑nsn ġ‑warra n‑willi ṭṭafnin tudrt idumn.

kulussi 1:11

ar‑ntḍalab rbbi a‑kʷn‑issdus s‑tḥkimt‑ns itjhhdn baš a‑ttṣbarm bla‑da‑ttrmaym,

1 tasaluniki 1:3

ar‑d‑nswingim ġ‑lgddam n‑rbbi babatnnġ mamnk a‑kullu‑tskarm s‑liman‑nnun, ar‑tth̬damm s‑lḥnant, tzgam ġ‑rrja n‑siditnnġ yasuɛ lmasiḥ.

1 tasaluniki 2:9

way‑aytmatnnġ, is‑ur‑di‑tswangmm mnšk a‑nth̬dam ar‑ntnhataf ġ‑gratun? nkka‑ttin ar‑nth̬dam ġ‑iyḍ ula azal baš a‑fllawn‑ur‑nẓẓay lliġ a‑yawn‑ntbrraḥ s‑lh̬bar ifulkin n‑rbbi.

1 tasaluniki 5:12

imma ġilad ay‑aytmatnnġ, ra‑kʷn‑nḍalb a‑ttuqqarm ġwilli skarnin tawuri n‑rbbi ġ‑gratun, ar‑kʷn‑tgabaln s‑ism n‑siditnnġ ar‑kʷn‑tnṣaḥn.

2 tasaluniki 3:13

way‑aytmatnnġ, skarat afulki bla‑da‑ttrmaym.

2 tasaluniki 3:5

imma ġilad, nḍalb siditnnġ a‑kʷn‑ihdu baš a‑ttḥnnum ġmklli itḥnnu rbbi, ar‑ttṣbarm ġmklli itṣbar lmasiḥ.

2 tasaluniki 3:8

ur‑jju‑nšši aġrum n‑yan bla‑yas‑nfka atig‑ns. nkka‑ttin ar‑nth̬dam ġ‑iyḍ ula azal, ar‑nkkat takrrayt baš a‑ur‑nẓẓay f‑yan gigun.

1 timutaws 4:10

f‑mayan a‑f‑a‑nth̬dam ar‑fllas‑nkkat takrrayt, ašku nga rrja‑nnġ ġ‑rbbi lli‑iddrn. nttan a‑ijjnjamn kullu mddn, s‑uggʷar ġwilli umnnin.

1 timutaws 5:17

imma imġarn lli‑tnbaḍnin ġ‑umnaggar s‑nniyt d‑ufulki, iqqan‑d aytmatn a‑tn‑tuqqarn bahra, s‑kigan ġwilli th̬damnin f‑tbrraḥt d‑ulmmud.

iɛbrin 10:36

ih̬ṣṣa‑kʷn a‑tṣbrm ard tkmmlm kullu ma‑gigun‑ira rbbi, tkšmm tigira s‑maylli‑s‑awn‑inna rad‑awn‑yili.

iɛbrin 12:1

imma ġilad ġ‑aġ‑tlulli‑tmdlut‑ad n‑inagan, illa fllannġ a‑nluḥ kullu mad‑aġ‑iẓẓuẓẓayn, nfl ddnub lli‑bdda‑ttirinin ad‑aġ‑ssmukrusn, baš a‑ntazzal bla‑da‑ntrmay ġ‑uġaras lli‑irẓmn ġ‑lgddam‑nnġ.

iɛbrin 13:13

imma ġilad illa fllannġ a‑dars‑nffuġ s‑brra n‑ih̬iyyamn a‑n‑dids‑nili ġ‑trggam lli‑s‑t‑rgmn.

iɛbrin 6:10

nttan, s‑lḥqq a‑s‑a‑itḥkam. ur‑ra‑ittu tawuri lli‑tskrm ula ittu mamnk a‑tusim ism‑ns s‑lfrḥ tɛawanm imẓlayn‑ns, ar‑tn‑sul‑ttɛawanm.

iɛbrin 6:12

a‑ur‑ttrmaym tflm ma‑kʷn‑d‑iqqann, walaynni skarat zund kullu willi umnnin ṣbrn aylliġ kšmn s‑tmih̬ar lli‑f‑asn‑inna rbbi.

iɛbrin 6:15

iql ibrahim iṣbr aylliġ‑as‑ityawfka maylli‑s‑as‑inna rbbi.

2 bṭrus 1:6

tzaydm f‑twassna n‑rbbi a‑bdda‑tġwim ġ‑ih̬f‑nnun, tzaydm f‑mayan a‑bahra‑tzgam ġ‑lḥqq, tzaydm f‑mayan a‑bdda‑trḍum rbbi,

anurẓm 1:9

imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.

anurẓm 3:10

hati tṣbrt tzgat ġmklli‑k‑uṣṣaġ. f‑mayan a‑f‑ra‑k‑ssntalġ ġ‑tasaɛt n‑tnukmut lli‑ra‑izri f‑ddunit a‑tarm kullu willi gis zdġnin.