anurẓm 10:6 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ iggall s‑rbbi lli‑bdda‑illan rad‑bdda‑yili, ig ġwalli iskrn ignna d‑wakal d‑umda ula kullu ma‑gisn‑illan. yini: «hati ur‑ra‑sul‑imaṭl.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ ءيگّالّ س‑ربّي لّي‑بدّا‑يلّان راد‑بدّا‑ييلي، ءيگ غوالّي ءيسكرن ءيگنّا د‑واكال د‑ومدا ءولا كولّو ما‑گيسن‑يلّان. ييني: «هاتي ءور‑را‑سول‑يماطل.

anurẓm 10:6 Iomraidhean Croise

anurẓm 4:11

«wa‑rbbi siditnnġ, kiyi a‑isthllan lmjd d‑ttuqir d‑lḥukm, ašku kiyi a‑ih̬lqn kullu ma‑illan. hati ityawh̬laq yili, ašku kiyi a‑t‑iran.»

anurẓm 16:17

iddu lmalak wis ssa iffi‑n taṭṭast‑ns f‑ignwan, s‑d‑isawl yan‑wawal itjhhdn zġ‑dar lɛrš ġ‑tḥanut tamẓlayt yini: «hati ikmml.»

anurẓm 4:9

kullu mad‑kkant ar‑talġnt ar‑tmjjadnt ar‑tḥmadnt ġwalli iskiwsn f‑lɛrš, ig ġwalli bdda illan rad‑bdda‑yili.

anurẓm 1:18

gġ bab n‑tudrt. kkiġ‑ttin mmutġ, walaynni ha‑yyi ddrġ ġilad ula kullu mayd‑d‑iftan. ṭṭafġ tisura l‑lmut ula adġar n‑willi mmutnin.

anurẓm 4:10

ar‑n‑ṭṭarn sin id‑mraw d‑kkuẓ n‑umġar ġ‑lgddam n‑walli iskiwsn f‑lɛrš, sjdn i‑walli bdda illan rad‑bdda‑yili, ar‑n‑tluḥn ttaj‑nsn ġ‑lgddam l‑lɛrš ar‑ttinin:

anurẓm 6:11

ġakudan a‑ityawfka i‑kraygatt yan gisn timlsit tumlilt, yini‑asn rbbi ad‑qln sul imikk ard ikmml ġunšk lli‑d‑iqqann zġ‑aytmatsn d‑imɛawann‑nsn lli‑rad‑nġn mddn ġmklli‑tn‑nġan ntni.

anurẓm 12:12

frḥat ay‑ignwan ula kullu ma‑gisn‑illan. imma kunni ay‑akal d‑umda, taguḍi a‑rad‑awn‑yili ašku igguz srun iblis, nkrn‑d gis iriyn bahra ašku issn is‑ur‑as‑tqama ġir luqt idrusn.»

anurẓm 21:6

izayd yini‑yyi: «hati ikmml. nkki giġ amzwaru gġ amggʷaru. gġ isizwar gġ isiggʷra. wanna yaġ irifi, ra‑t‑ssuġ zġ‑talɛint n‑waman n‑tudrt bla gis ifka yat.