anurẓm 1:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ambarki a‑iga wanna yaqran iwaliwn‑ad n‑rbbi. imbarkin ad‑gan winna‑yasn‑sflidnin ar‑skarn s‑mayd ityaran, ašku yakmur‑d‑uzmz lli‑ġ‑rad‑kullu‑jrunt‑tġawsiwin‑ad.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ امباركي ا‑يگا وانّا ياقران ءيواليون‑اد ن‑ربّي. ءيمباركين اد‑گان وينّا‑ياسن‑سفليدنين ار‑سكارن س‑مايد ءيتياران، اشكو ياكمور‑د‑وزمز لّي‑غ‑راد‑كولّو‑جرونت‑تغاوسيوين‑اد.

anurẓm 1:3 Iomraidhean Croise

matta 24:15

«ra‑tẓrm tajlh̬it lli‑ifnnun tnkr ġ‑udġar amẓlay n‑rbbi, ġmklli inna nnabi danyal ġayd izrin. wanna yaqran, illa fllas a‑yissan lmɛna.

luqa 11:28

isawl yasuɛ yini‑asn: «uggʷar n‑imbarkin ad‑gan ġwilli sflidnin i‑wawal n‑rbbi ar‑srs‑skarn.»

ruma 13:11

awiyat‑stt ġ‑mayad ašku tssnm matta azmz‑ad ġ‑nlla, tlkm‑d tasaɛt a‑tnkrm zġ‑iyṭṣ. ašku yakmur‑d‑wass n‑ujnjm‑nnġ ġilad, uggʷar n‑ma‑d‑yakmur ġakud lliġ ngra ġ‑uġaras l‑lmasiḥ.

ruma 13:12

ifta‑yiḍ, ɛlayn a‑d‑iġli‑wass. illa fllannġ a‑n‑nluḥ iskkirn n‑tillas nls imqlad n‑tifawt.

1 bṭrus 4:7

hati yakmur‑d isiggʷra n‑kullu ma‑illan. rarat lɛaql tġwim ġ‑ih̬f‑nnun baš a‑ttẓallam ar‑tḍalabm rbbi.

2 bṭrus 3:8

way‑aytma ɛzzanin, a‑ur‑tettum taġawsa‑yad: iga yan‑wass dar siditnnġ zund alf n‑usggʷas, ig alf n‑usggʷas zund yan‑wass.

anurẓm 22:10

izayd yini‑yyi: «iwaliwn n‑warra‑yad lli‑ak‑issbayyn rbbi, a‑tn‑ur‑tqqnt s‑ṭṭabɛ tḥḍut‑tn. ašku yakmur‑d‑uzmz lli‑ġ‑rad‑kullu‑ijru mayd ityaran.

anurẓm 22:12

inna yasuɛ: «hati ġir yan imikk ra‑n‑aškġ, fkġ i‑kullu mddn mad‑sthllan, rarġ i‑kraygatt yan f‑ma‑iskr.

anurẓm 22:20

isawl ġwalli‑d‑issbayynn tiġawsiwin‑ad yini: «lḥqq ayad. ġir imikk ra‑n‑aškġ.» amin. ašk‑id a‑siditnnġ yasuɛ.

anurẓm 3:11

ġir imikk ra‑n‑aškġ. amẓ ġ‑ma‑dark‑illan, a‑ur‑tadjt yan ad‑ak‑yakʷr ttaj‑nnk.