2 bṭrus 3:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ way‑aytma ɛzzanin, tabrat‑ad tga tis snat‑tbratin lli‑awn‑in‑uriġ. ssktiġ‑awn‑d srsnt tiġawsiwin‑ad baš a‑tswingimm ġ‑ma‑yʷġẓann.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ واي‑ايتما عزّانين، تابرات‑اد تگا تيس سنات‑تبراتين لّي‑اون‑ين‑وريغ. سّكتيغ‑اون‑د سرسنت تيغاوسيوين‑اد باش ا‑تسوينگيمّ غ‑ما‑يُغژانّ.

2 bṭrus 3:1 Iomraidhean Croise

matta 5:8

imbarkin ad‑gan ġwilli dar ul iġusn, ašku ntni a‑ra‑iẓr rbbi.

2 kurintus 13:2

imma ġilad ġ‑d‑fllawn‑aggugġ, rad‑awn‑iniġ maylli‑s‑awn‑nniġ s‑lḥqq ġakud lliġ‑n‑darun‑uškiġ tis snat‑twal. nniġ‑t ġakudan i‑willi skarnin ma‑yʷh̬šnn iniġ‑awn‑t kullukn. rad‑awn‑t‑daġ‑iniġ: iġ‑n‑darun‑wrriġ tawala yaḍni, ur‑akkʷ‑rad‑rh̬uġ d‑yan iskarn ma‑yʷh̬šnn.

1 timutaws 5:22

a‑ur‑tzrbt a‑tsrst ifassn‑nnk f‑yan a‑ti‑tẓlit i‑twuri n‑rbbi, a‑ur‑imil‑tkšmt ġ‑ddnub n‑wiyyaḍ. gabl ul‑nnk a‑bdda‑iġus.

2 timutaws 1:6

mayan a‑f‑ra‑k‑ḍalbġ a‑tṣuṭṭ i‑trgit l‑lbaraka lli‑gik‑iga rbbi lliġ fllak srsġ ifassn‑inu.

iɛbrin 6:9

way‑aytma ɛzzanin, wah̬h̬a srun nsawl ġmkad, nssn is‑gigun‑illa ma‑yufn ġayan, ašku tgam wid ijjnjm rbbi.

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

1 bṭrus 2:11

way‑aytma ɛzzanin, ḍalbġ‑kʷn ġilad a‑tgm ih̬f‑nnun d‑iġribn d‑ibrraniyn ġ‑ddunit‑ad, tluḥm s‑ma‑ttiri ddat n‑bnadm, ašku tiġawsiwin n‑ddat ar‑tmmaġnt d‑uwl iṣfan.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

2 bṭrus 3:17

imma kunni ay‑aytma ɛzzanin, lliġ tssnm kullu mayad ur‑ta‑ijri, rarat lɛaql a‑kʷn‑ur‑ildi kra ijlan iffuġn zġ‑wawal n‑rbbi ula tḍrm zġ‑laman‑ad ġ‑tllam.

2 bṭrus 3:8

way‑aytma ɛzzanin, a‑ur‑tettum taġawsa‑yad: iga yan‑wass dar siditnnġ zund alf n‑usggʷas, ig alf n‑usggʷas zund yan‑wass.

yahuda 1:5

riġ ad‑awn‑d‑ssktiġ maylli mi tsfldm ġayd izrin. tssnm is‑ijjnjm rbbi mddn‑ns issufġ‑tn‑d zġ‑tmazirt n‑miṣr, walaynni tigira n‑mayan ihlk ġwilli ur‑umnnin awal‑ns.