2 bṭrus 2:9 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ kullu mayan imla‑yaġ is‑issn siditnnġ mamnk a‑ijjnjam ġwilli tuqqarnin rbbi zġ‑tnukmut nna‑tn‑itarmn, yissan mamnk a‑itḥḍu ġwilli ʷh̬šnnin ar ass l‑lḥsab lli‑ġ‑ra‑fllasn‑yut lɛqubit lli‑asn‑igan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ كولّو مايان ءيملا‑ياغ ءيس‑يسّن سيديتنّغ مامنك ا‑يجّنجام غويلّي توقّارنين ربّي زغ‑تنوكموت نّا‑تن‑يتارمن، ييسّان مامنك ا‑يتحضو غويلّي أُخشنّين ار اسّ لّحساب لّي‑غ‑را‑فلّاسن‑يوت لعقوبيت لّي‑اسن‑يگان.

2 bṭrus 2:9 Iomraidhean Croise

matta 10:15

lḥqq a‑rad‑awn‑iniġ, ra‑išqu ġ‑wass l‑lḥsab f‑ayt‑tmdint‑an uggʷar n‑ayt‑sadum ula ayt‑ɛamura.

matta 6:13

ssanf‑aġ i‑ma‑rad‑aġ‑ijllu, tjjnjmt‑aġ zġ‑iblis.›

ruma 2:5

imma kiyi iqqur‑uwl‑nnk ur‑trit a‑di‑twrrit. hati ar‑tssigatt f‑ih̬f‑nnk lɛqubit lli‑ra‑fllak‑iḍr ġ‑wass lli‑ġ‑ra‑yut rbbi lḥukm s‑lḥqq iml mnšk a‑bahra‑ikurha lh̬ʷšant.

1 kurintus 10:13

ur‑fllawn‑tzri kra n‑tassast abla h̬talli kullu izrayn f‑mddn. imma rbbi izga‑bdda ġ‑wawal‑ns, ur‑ra‑kʷn‑yadj a‑ttyaramm uggʷar n‑ma‑mi‑tẓḍarm. hati ġakud nna‑tzraym ġ‑tassast rad‑awn‑iml mamnk a‑stti‑tnrum tnjmm zġ‑gis.

2 timutaws 3:12

ašku kullu wanna iran a‑iskar ma‑irḍan rbbi s‑ism l‑lmasiḥ yasuɛ, tarfufnt a‑ġ‑ra‑izri.

tiṭus 2:14

ifka ih̬f‑ns ad‑aġ‑ifru zġ‑kullu ma‑yʷh̬šnn, issġus‑aġ baš a‑ng mddn‑ns lli‑bahra‑ittirin ad‑skarn ma‑ifulkin.

2 bṭrus 2:4

ašku ur‑iṣamḥ rbbi i‑lmalayka lli‑ffuġnin zġ‑wawal‑ns, walaynni iluḥ‑tn‑in ġ‑tdrut, idḥi‑tn‑in s‑tuggugt n‑tillas a‑ġin‑tyamaẓn ar ass l‑lḥsab.

2 bṭrus 3:7

imma ġilad s‑wawal‑ns a‑s‑iḥḍa rbbi ignwan d‑wakal, baš a‑tyawhlakn s‑lɛafit ġ‑wass l‑lḥsab lli‑ġ‑ra‑ihlk ġwilli srs rurnin tiġurdin.

yahuda 1:6

tsfldm f‑lmalayka lli‑ffuġnin zġ‑tzdġt‑nsn, ur qaman ġ‑illiġ‑tn‑iga rbbi. tissanm is‑tn‑in‑iḥḍa rbbi ġ‑tillas aggugnin a‑n‑ġin‑tyawkrrafn ar ass imqqurn l‑lḥsab lli‑ġ‑ra‑fllasn‑yut lḥukm.

anurẓm 3:10

hati tṣbrt tzgat ġmklli‑k‑uṣṣaġ. f‑mayan a‑f‑ra‑k‑ssntalġ ġ‑tasaɛt n‑tnukmut lli‑ra‑izri f‑ddunit a‑tarm kullu willi gis zdġnin.