2 bṭrus 2:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ašku ur‑iṣamḥ rbbi i‑lmalayka lli‑ffuġnin zġ‑wawal‑ns, walaynni iluḥ‑tn‑in ġ‑tdrut, idḥi‑tn‑in s‑tuggugt n‑tillas a‑ġin‑tyamaẓn ar ass l‑lḥsab.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ اشكو ءور‑يصامح ربّي ءي‑لمالايكا لّي‑فّوغنين زغ‑واوال‑نس، والاينّي ءيلوح‑تن‑ين غ‑تدروت، ءيدحي‑تن‑ين س‑توگّوگت ن‑تيلّاس ا‑غين‑تياماژن ار اسّ لّحساب.

2 bṭrus 2:4 Iomraidhean Croise

matta 25:41

iniġ ilmma i‑willi llanin f‑uẓlmaḍ ‹ittyat‑n zġ‑gigi a‑willi ih̬za rbbi, tddum s‑lɛafit lli‑ur‑ra‑sar‑ih̬si, ttyawskar i‑iblis d‑lmalayka‑ns.

matta 8:29

ġuwwtn s‑jjhd inin‑as‑d: «wa‑yus n‑rbbi, ma‑illan ġ‑gratnnġ didk? is‑di‑tuškit ad‑aġ‑tssrfufnt ur‑ta‑d‑ilkim‑uzmz?»

marqus 5:7

iġuwwt s‑jjhd yini‑as: «wa‑yasuɛ yus n‑rbbi amattuy, ma‑illan ġ‑griyi didk? giġ‑n srk sidi rbbi a‑ur‑iyi‑tssrfufnt.»

luqa 10:18

yini‑asn yasuɛ: «ẓriġ šiṭan iḍr‑d zġ‑ignwan zund usmann.

luqa 8:31

ḍalbn‑t ljnun bahra a‑tn‑ur‑iṭṭay s‑tdrut n‑wakal.

yuḥanna 8:44

win babatun iblis a‑tgam, ar‑ttirim a‑tskarm ma‑irḍan babatun. iga wad inqqan zġ‑isizwar, ur‑jju‑iskir s‑lḥqq ašku lḥqq ur‑dars‑illi. ġakud nna‑isskarks ar‑iskar s‑ma‑gis‑illan, ašku bu‑tkrkas a‑iga, ig babas n‑kullu ma‑isskirkisn.

ruma 11:21

ašku lliġ ur‑iṣamḥ rbbi i‑ayt‑yudaya lli‑ganin tiṣṭṭwin‑ns, is‑rad‑ak‑iṣamḥ kiyi iġ‑ur‑tzgat ġ‑liman?

ruma 8:32

imma rbbi, lliġ ur‑n‑iḥḍi yus ġ‑dars walaynni idḥi‑t‑id f‑ssibt‑nnġ kullwaġ, is‑ur‑ra‑yiri ad‑aġ‑dids‑ifk kraygatt kra?

2 bṭrus 2:11

wah̬h̬a‑tn‑ugʷrn lmalayka tjhhdn fllasn bahra, ur‑a‑rggmn ntni ġ‑mddn‑an ġ‑dar rbbi.

2 bṭrus 2:5

ur‑iṣamḥ rbbi i‑isizwar n‑ddunit, walaynni yull‑d aman aylliġ dln kullu ddunit n‑willi srs rurnin tiġurdin‑nsn. ur‑zgisn‑ijjnjm abla nuḥ lli‑itbrraḥn s‑maylli irḍan rbbi, ntta d‑ssa n‑mddn yaḍni.

2 bṭrus 2:9

kullu mayan imla‑yaġ is‑issn siditnnġ mamnk a‑ijjnjam ġwilli tuqqarnin rbbi zġ‑tnukmut nna‑tn‑itarmn, yissan mamnk a‑itḥḍu ġwilli ʷh̬šnnin ar ass l‑lḥsab lli‑ġ‑ra‑fllasn‑yut lɛqubit lli‑asn‑igan.

1 yuḥanna 3:8

imma wanna iskarn ddnub, win iblis a‑iga, ašku iblis ar‑iskar ddnub zġ‑isizwar. mayad a‑f‑d‑yuška yus n‑rbbi: yuška‑d a‑ihlk iskkirn n‑iblis.

yahuda 1:13

gn zund taḍangiwin n‑umda iduyn s‑ukškuš n‑tillay‑nsn ʷh̬šnnin. gn zund itran jlanin ġ‑ignwan, iskr rbbi fllasn tillas aggugnin a‑n‑gisnt‑bdda‑qaman.

yahuda 1:6

tsfldm f‑lmalayka lli‑ffuġnin zġ‑tzdġt‑nsn, ur qaman ġ‑illiġ‑tn‑iga rbbi. tissanm is‑tn‑in‑iḥḍa rbbi ġ‑tillas aggugnin a‑n‑ġin‑tyawkrrafn ar ass imqqurn l‑lḥsab lli‑ġ‑ra‑fllasn‑yut lḥukm.

anurẓm 20:10

ittluḥ‑n iblis lli‑tn‑ijlan ġ‑tmda l‑lɛafit d‑lkbrit lli‑ġ‑illa‑waġʷẓn d‑nnabi bu‑tkrkas. rad‑kullu‑ġin‑trfufunn ġ‑iyḍ ula azal s‑urfufn ur‑sar‑itmmin.