2 bṭrus 2:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ra‑kʷn‑šttan s‑iwaliwn h̬wanin, ašku ar‑bdda‑ttirin ma‑igan win wiyyaḍ. walaynni zġ‑isizwar a‑gisn‑itmnad ġwalli ra‑fllasn‑yut lḥukm. ur‑a‑igan ġwalli ra‑tn‑ihlk.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ را‑كُن‑شتّان س‑يواليون خوانين، اشكو ار‑بدّا‑تّيرين ما‑يگان وين وييّاض. والاينّي زغ‑يسيزوار ا‑گيسن‑يتمناد غوالّي را‑فلّاسن‑يوت لحوكم. ءور‑ا‑يگان غوالّي را‑تن‑يهلك.

2 bṭrus 2:3 Iomraidhean Croise

matta 23:14

wa‑id‑bu‑sin‑uwdmawn, taguḍi a‑rad‑awn‑yili a‑imslmdn n‑ššrɛ d‑ifarisin. ar‑tšttam tigʷmma n‑thjjalin, ar‑tssiġzzifm tiẓulla‑nnun baš a‑tssbayynm ih̬fawn‑nnun is‑tfulkim. f‑ġayan a‑s‑ra‑fllawn‑ittut lḥukm s‑uggʷar.

luqa 18:8

rad‑awn‑iniġ, ra‑tn‑ifukku ḥayna. walaynni ġassan ġ‑rad‑d‑wrriġ s‑ddunit‑ad nkki lli‑igan yus n‑bnadm, is‑rad‑d‑afġ ma‑sul‑yumnn?»

luqa 20:20

sul‑t‑gabln, aznn‑d kra n‑irgazn ad‑skarn zund iġ‑a‑ttirin aġaras n‑rbbi, walaynni ran ġir ad‑amẓn yasuɛ f‑wawal‑ns baš a‑t‑in‑dḥin i‑lḥakm n‑rruman a‑fllas‑iḥkam.

luqa 22:47

sul a‑isawal s‑d‑ruḥn mddn ggutnin, izwur‑asn‑d yahuda lli‑igan yan zġ‑sin d‑mraw n‑umḥḍar. iftu s‑dar yasuɛ a‑t‑issudn,

yuḥanna 2:16

yini i‑willi zznzanin itbirn: «ssufġat ġayad zġ‑ġid. a‑ur‑trarm tigmmi n‑baba a‑tg ssuq.»

ruma 16:18

ašku ġwilli skarnin ġmkad urd siditnnġ a‑mi‑th̬damn walaynni adis‑nsn. s‑iwaliwn šwanin mimnin a‑s‑a‑jllun lɛaql n‑wanna igan lġšim.

2 kurintus 2:17

ur‑ngi nkkʷni zund ma‑iggutn ar‑tbrraḥn s‑wawal n‑rbbi ġir baš ad‑srs‑qqʷayn iqaridn. ašku nkkʷni s‑nniyt n‑uwl‑nnġ a‑s‑a‑nsawal s‑ism l‑lmasiḥ, nissan izd rbbi ad‑aġ‑yuznn ar‑aġ‑bdda‑itmnad.

1 tasaluniki 2:5

tssnm is‑ur‑a‑kʷn‑ntalġ ġ‑uwssan‑an s‑iwaliwn h̬wanin ula‑da‑nskar sin‑uwdmawn baš a‑ntamẓ kra f‑wawal‑nnġ. rbbi a‑fllannġ‑igan inigi.

1 tasaluniki 5:3

ra‑ttinin mddn «labas thnna luqt,» imil igguz‑d fllasn lhalak. ḥayna ra‑tn‑iġwi ġmklli iqqʷay‑ungaẓ tamġart lli‑ra‑yaru, ur‑akkʷ‑rad‑njmn.

1 timutaws 3:3

a‑ur‑ig wad bahra issann tissi iktin, nġd wad itmmaġn d‑mddn. iqqan‑d a‑ig wad itṣbarn, urd wad itẓin nġd wad dar ɛzzan iqaridn.

1 timutaws 3:8

ula imɛawann n‑umnaggar, iqqan‑tn‑d ad‑gn wid zganin ġ‑ufulki. a‑ur‑gn wid sskirkisnin nġd wid ttblanin s‑tissi iktin nġd wid ttirinin ad‑ssmunn ma‑iggutn i‑ih̬f‑nsn.

1 timutaws 6:5

ur‑a‑tiẓḍarn mddn‑an ad‑d‑mšaškan, ijlu‑asn lɛaql ffuġn zġ‑lḥqq. ġaln is‑rad‑amẓn iqaridn i‑ih̬f‑nsn ġ‑uġaras n‑rbbi.

tiṭus 1:11

iqqan‑k‑id a‑tn‑tssfssat, ašku ar‑ssgrawaln kra n‑ayt‑tgʷmma kullutn. ar‑sslmadn ma‑ur‑igin lḥqq baš ad‑tamẓn kra i‑ih̬f‑nsn.

tiṭus 1:7

iqqan‑d angabal a‑ig wad ġ‑ur‑akkʷ‑illi kra l‑lɛib ašku tawuri n‑rbbi a‑ra‑igabl. a‑ur‑ig wad itḥgarn wiyyaḍ nġd wad itqlaqaln nġd wad bahra issan tissi iktin nġd wad itmmaġn nġd wad ittirin a‑issmun ma‑iggutn i‑ih̬f‑ns.

1 bṭrus 2:8

ityara‑daġ: «aẓru‑ad ra‑ig tabayḍḍrt i‑mddn, ig ifir lli‑ra‑tn‑issknuki.» ntni ar‑ṭṭarn ġilad ašku agʷin ad‑skarn s‑wawal n‑rbbi. ġmkan a‑tn‑d‑iqqann.

1 bṭrus 5:2

ḍalbġ‑kʷn a‑tksm tawrut n‑rbbi lli‑ifl ġ‑gr ifassn‑nnun. tgablm‑tt urd s‑bzzez walaynni s‑lfrḥ ġmklli ira rbbi, urd baš a‑tamẓm kra i‑ih̬f‑nnun walaynni s‑nniyt iṣfan.

2 bṭrus 1:16

ur‑a‑nbnnu f‑kra n‑tḥajiyin tyawskarnin s‑lɛaql n‑bnadm ġakud lliġ‑awn‑nsawl f‑mamnk a‑d‑yuška siditnnġ yasuɛ lmasiḥ s‑tḥkimt itjhhdn. ašku nkkʷni nẓra timuġra‑ns,

2 bṭrus 2:1

ġayd izrin kkan‑ttin kra n‑mddn ġ‑gr ayt‑rbbi ar‑ttinin izd lanbiya ad‑gan walaynni ar‑sskirkisn. ġmkan a‑s‑rad‑daġ‑ilin imslmdn ayt‑tkrkas ġ‑darun. s‑tntla a‑s‑ra‑n‑šškšamn iswingimn ur‑ʷġẓannin ar‑ttawin s‑lhalak. rad‑traran tiġurdin‑nsn s‑siditsn itjhhdn lli‑tn‑ifran ad‑gn wins. rad‑zzugzn lhalak f‑ih̬f‑nsn ġ‑yat‑tasaɛt.

2 bṭrus 2:9

kullu mayan imla‑yaġ is‑issn siditnnġ mamnk a‑ijjnjam ġwilli tuqqarnin rbbi zġ‑tnukmut nna‑tn‑itarmn, yissan mamnk a‑itḥḍu ġwilli ʷh̬šnnin ar ass l‑lḥsab lli‑ġ‑ra‑fllasn‑yut lɛqubit lli‑asn‑igan.

yahuda 1:11

taguḍi a‑rad‑asn‑yili, ašku umẓn aġaras n‑qayn, zznzn ih̬f‑nsn ad‑sskirkisn zund balɛam, ar‑tẓin d‑inmġurn n‑rbbi zund quraḥ. han ġmklli ityawhlak quraḥ a‑rad‑tyawhlakn ula ntni.

yahuda 1:15

baš a‑iḥkam f‑kullu mddn. ra‑ihlk kullu willi srs rurnin tiġurdin f‑ssibt n‑iskkirn‑nsn ʷh̬šnnin lli‑skarn s‑lh̬ʷšant lli‑gisn‑illan, ula f‑kullu tirggam lli‑s‑t‑rgmn.»

yahuda 1:16

han ntni ar‑tngmugn ar‑tẓin ar‑skarn kullu ma‑ittiri ih̬f‑nsn, ar‑ssfurrugn ar‑talġn mddn baš a‑tn‑šttan.

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.

yahuda 1:7

tissanm is‑ihlk rbbi timdinin n‑sadum d‑ɛamura d‑tiyyaḍ lli‑n‑tama‑nsnt f‑ssibt n‑ššhwat ʷh̬šnnin lli‑skarn, ar‑tfsadn iwtman i‑ngratsn. iqqan‑d mddn ad‑swingimn mad‑asn‑ijran baš a‑ur‑tyawhlakn ula ntni s‑lɛafit lli‑ur‑ih̬sin.