2 bṭrus 2:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² iggut ma‑ra‑itamẓ aġaras‑nsn l‑lfsad. f‑ssibt‑nsn a‑f‑rad‑rggmn mddn ġ‑uġaras l‑lḥqq.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءيگّوت ما‑را‑يتامژ اغاراس‑نسن لّفساد. ف‑سّيبت‑نسن ا‑ف‑راد‑رگّمن مدّن غ‑وغاراس لّحقّ.

2 bṭrus 2:2 Iomraidhean Croise

matta 22:16

aznn‑d dars kra n‑mddn‑nsn d‑kra n‑imddukkʷal n‑ugllid hirudus inin‑as: «way‑amslmd, nssn izd lḥqq ayd ttinit, ar‑tsslmadt aġaras n‑rbbi ġmklli iga. ur‑a‑tskart f‑mad‑swingimn mddn, ašku ur‑a‑ttmnadt udmawn n‑mddn.

matta 24:24

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar mqqurnin d‑lmɛjizat iġ‑ufan ad‑jllun ula ġwilli ganin win rbbi.

matta 7:14

walaynni inukma imi lli‑itawin s‑tudrt, išqu‑uġaras‑ns, idrus ma‑t‑itafan.

marqus 12:14

aškin‑d inin‑as: «way‑amslmd, nssn izd lḥqq ayd ttinit, ur‑a‑tskart f‑mad‑swingimn mddn. ašku ur‑a‑ttmnadt udmawn n‑mddn walaynni ar‑tsslmadt aġaras n‑rbbi ġmklli iga. ini‑aġ is‑iḥlla a‑nakka ḍabiyt i‑qayṣr nġd uhu?

marqus 13:22

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar d‑lmɛjizat iġ‑ufan ad‑jllun ula ġwilli ganin win rbbi.

yuḥanna 14:6

isawl yasuɛ yini‑as: «nkki a‑igan aġaras ula lḥqq ula tudrt. ur‑ra‑n‑iruḥ yan dar rbbi baba, abla iġ‑t‑ssruḥġ nkki.

irqqasn 13:10

yini‑as: «wa‑yus n‑iblis, tgit amḍaḍḍ i‑kullu ma‑ira rbbi. tɛmmrt s‑tkrkas d‑tillay ʷh̬šnnin. ar‑bdda‑tsslullit iġarasn ʷġẓannin n‑siditnnġ.

irqqasn 14:2

imma ayt‑yudaya lli‑ur‑rinin ad‑amnn, nkrn ar‑sshiyyasn ibrraniyn baš ad‑asin tanuwwašt f‑aytmatn.

irqqasn 16:17

imma nttat, tḍfar bulus d‑usmun‑ns ar‑ttġuwwat ar‑fllannġ‑ttini: «mddn‑ad gan ih̬ddamn n‑rbbi amattuy. ar‑awn‑tbrraḥn f‑mamnk a‑ra‑tiẓḍarm a‑tnjmm.»

irqqasn 18:26

yan‑wass ar‑isawal s‑zzɛamt ġ‑tgmmi n‑tẓallit, tsfld‑as briskilla d‑akila. awin‑t s‑tgmmi, mln‑as uggʷar f‑uġaras n‑rbbi baš a‑t‑yissan ġmklli iga.

irqqasn 19:9

walaynni kra gisn wrrin ssiqarn ih̬f‑nsn, ur‑rin ad‑amnn. ar‑rggmn ġ‑uġaras l‑lmasiḥ ġ‑lgddam n‑kullu wiyyaḍ. ġakudan a‑iffuġ bulus zġ‑darsn, yawi dids imḥḍarn, iwrri s‑lmdrst n‑tirannus ar‑ġin‑isawal d‑mddn ass f‑wass.

irqqasn 22:4

aylliġ wrriġ ar‑ssrfufunġ ayt‑uġaras‑ad ar lmut, ar‑tamẓġ irgazn ula timġarin ar‑tn‑in‑dḥayġ ġ‑lḥbs.

irqqasn 24:14

walaynni yat‑tġawsa rad‑ak‑tt‑iniġ: aġaras lli‑s‑a‑ttinin ġwid ijla, nttan a‑ġ‑a‑tɛbadġ rbbi n‑imzwura‑nnġ. ha‑yyi umnġ s‑kullu ma‑ityaran ġ‑ššrɛ n‑musa ula arratn l‑lanbiya.

ruma 2:24

ġmklli ityaran ġ‑warra n‑rbbi: «ayt‑tmizar yaḍni ar‑rggmn ġ‑ism n‑rbbi f‑ssibt‑nnun kunni.»

1 timutaws 5:14

mayan a‑f‑riġ tihjjalin lli‑mẓẓinin ad‑tahlnt, arunt tarwa awint‑stt ġ‑tgmmi‑nsnt, baš a‑ur‑yili dar inuwwašn‑nnġ ma‑s‑a‑yaġ‑rggmn.

tiṭus 2:5

ar‑asnt‑malant mamnk a‑rad‑iẓḍarnt ad‑tnbaḍnt ġ‑kullu mad‑skarnt s‑uwl iġusn, ar‑th̬damnt ġ‑tgmmi ar‑tfulkint d‑mddn ar‑sflidnt s‑irgazn‑nsnt baš a‑ur‑d‑irar yan tirggam i‑wawal n‑rbbi.

tiṭus 2:8

s‑iwaliwn ʷġẓannin lli‑f‑ur‑iẓḍar yan a‑fllasn‑iẓi. iġ‑a‑tskart ġmkan ra‑itḥšam wanna iran a‑k‑iḍaḍḍ, ašku ur‑ra‑yaf ma‑fllannġ‑ittini yʷh̬šn.

1 bṭrus 2:12

skarat afulki ġ‑gr‑willi ur‑ssinnin rbbi. wah̬h̬a iġ‑a‑gigun‑rggmn rad‑ẓrn is‑ifulki kullu ma‑tskarm, inin ilmma izd rbbi ad‑dar lḥqq ġ‑wass lli‑ġ‑ra‑d‑yašk a‑yut lḥukm.

2 bṭrus 2:12

walaynni imslmdn‑an ar‑rggmn ġ‑ma‑ur‑fhimn, gn zund luḥuš šqanin lli‑skarnin walaynni ur‑ssinn mah̬ aylliġ a‑skarn, ar‑tlaln ġir baš a‑tyamaẓn tyawhlakn. ula mddn‑an ra‑tyawhlakn zund luḥuš.

2 bṭrus 2:15

ffuġn aġaras lli‑inmn, munn d‑uġaras n‑balɛam yus n‑baɛur lli‑dar iɛzza a‑yamẓ iqaridn s‑ma‑yʷh̬šnn.

2 bṭrus 2:18

ašku ar‑ssfurrugn s‑iwaliwn h̬wanin. s‑ššhwat ʷh̬šnnin a‑s‑a‑n‑lddin mddn lli‑bḥra‑d‑wrrinin zġ‑gr willi jlanin.

2 bṭrus 2:21

yuf‑asn mrad is‑ur‑akkʷ‑ssinn aġaras n‑ufulki, ula ard‑t‑issann rarn ilmma tiġurdin s‑wawal lli‑f‑tn‑yuṣṣa rbbi.

2 bṭrus 2:7

walaynni ijjnjm luṭ lli‑igan argaz ifulkin, ašku ṭiyyr‑as i‑luṭ bahra f‑mamnk ad‑fsadn mddn‑an ʷh̬šnnin.

yahuda 1:10

mddn‑an ar‑rggmn ġ‑ma‑ur‑ssinn. imma ġaylli ssnn zġ‑ih̬f‑nsn zund luḥuš bla lɛaql, ġayan a‑tn‑itawin s‑lhalak.

yahuda 1:15

baš a‑iḥkam f‑kullu mddn. ra‑ihlk kullu willi srs rurnin tiġurdin f‑ssibt n‑iskkirn‑nsn ʷh̬šnnin lli‑skarn s‑lh̬ʷšant lli‑gisn‑illan, ula f‑kullu tirggam lli‑s‑t‑rgmn.»

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.

yahuda 1:7

tissanm is‑ihlk rbbi timdinin n‑sadum d‑ɛamura d‑tiyyaḍ lli‑n‑tama‑nsnt f‑ssibt n‑ššhwat ʷh̬šnnin lli‑skarn, ar‑tfsadn iwtman i‑ngratsn. iqqan‑d mddn ad‑swingimn mad‑asn‑ijran baš a‑ur‑tyawhlakn ula ntni s‑lɛafit lli‑ur‑ih̬sin.

anurẓm 12:9

ityawgar‑n‑ulgmmaḍ‑an imqqurn s‑iyzdar. nttan a‑mi‑ttinin ‹iblis› ula ‹šiṭan›, ig abnkal aqdim lli‑ijllun kullu imzdġn n‑ddunit. ityawgar‑n s‑wakal ntta d‑lmalayka‑ns.

anurẓm 13:14

ityawfka‑yas a‑iskar lmɛjizat ġ‑tama n‑waġʷẓn amzwaru, ar‑srsnt‑ijllu kullu imzdġn n‑ddunit. yuṣṣa‑tn ad‑skrn yat‑ṣṣurt imqqurn n‑waġʷẓn amzwaru lli‑ityaggasn s‑taẓẓit iwrri‑daġ iddr.

anurẓm 13:8

ra‑ti‑tɛbadn kullu imzdġn n‑ddunit, abla ġwilli mi ityara ism‑nsn zġ‑isizwar n‑ddunit ġ‑warra n‑tudrt n‑ulqqaġ lli‑ityawġrasn.