2 bṭrus 2:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ ġayd izrin kkan‑ttin kra n‑mddn ġ‑gr ayt‑rbbi ar‑ttinin izd lanbiya ad‑gan walaynni ar‑sskirkisn. ġmkan a‑s‑rad‑daġ‑ilin imslmdn ayt‑tkrkas ġ‑darun. s‑tntla a‑s‑ra‑n‑šškšamn iswingimn ur‑ʷġẓannin ar‑ttawin s‑lhalak. rad‑traran tiġurdin‑nsn s‑siditsn itjhhdn lli‑tn‑ifran ad‑gn wins. rad‑zzugzn lhalak f‑ih̬f‑nsn ġ‑yat‑tasaɛt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ غايد ءيزرين كّان‑تّين كرا ن‑مدّن غ‑گر ايت‑ربّي ار‑تّينين ءيزد لانبيا اد‑گان والاينّي ار‑سّكيركيسن. غمكان ا‑س‑راد‑داغ‑يلين ءيمسلمدن ايت‑تكركاس غ‑دارون. س‑تنتلا ا‑س‑را‑ن‑شّكشامن ءيسوينگيمن ءور‑أُغژانّين ار‑تّاوين س‑لهالاك. راد‑تراران تيغوردين‑نسن س‑سيديتسن ءيتجهّدن لّي‑تن‑يفران اد‑گن وينس. راد‑زّوگزن لهالاك ف‑يخف‑نسن غ‑يات‑تاساعت.

2 bṭrus 2:1 Iomraidhean Croise

matta 10:33

imma wanna ittinin ur‑igi winu ġ‑gr mddn, ra‑ttiniġ ula nkki ur‑igi winu ġ‑dar baba rbbi ġ‑ignna.

matta 24:11

ggutn id‑bu‑tkrkas lli‑ra‑d‑yašk ar‑ttinin is‑gan lanbiya, ar‑jllun kigan d‑mddn.

matta 24:24

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar mqqurnin d‑lmɛjizat iġ‑ufan ad‑jllun ula ġwilli ganin win rbbi.

matta 24:5

ašku ggutn ġwilli ra‑d‑yašk asin‑d ism‑inu, kud yan ar‑ittini izd nttan a‑igan lmasiḥ. ntni rad‑jllun mddn ggutnin.

matta 7:15

«rarat lɛaql ašku rad‑d‑darun‑aškin kra n‑mddn ar‑ttinin is‑gan lanbiya walaynni ar‑sskirkisn. uššann ad‑gan, lsn‑d srun timlsit n‑uwlli baš a‑kʷn‑ġwin.

marqus 13:22

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar d‑lmɛjizat iġ‑ufan ad‑jllun ula ġwilli ganin win rbbi.

luqa 12:9

imma wanna ittinin ur‑igi winu ġ‑gr mddn, ra‑ttiniġ ula nkki ur‑igi winu ġ‑dar lmalayka n‑rbbi.

luqa 21:8

yini‑asn yasuɛ: «awiyat‑stt ġ‑ih̬f‑nnun a‑kʷn‑ur‑ijlu yan, ašku ggutn ġwilli ra‑d‑yašk asin ism‑inu, kud yan ar‑ittini izd nttan a‑igan lmasiḥ ar‑ittini: ‹hati truḥ‑d tasaɛt.› walaynni a‑tn‑ur‑tḍfurm.

luqa 6:26

taguḍi a‑rad‑awn‑yili iġ‑a‑kʷn‑talġn kullu mddn. han ġmkan ad‑skrn imzwura‑nsn i‑ayt‑tkrkas lli‑ittinin izd lanbiya ad‑gan.

ruma 16:18

ašku ġwilli skarnin ġmkad urd siditnnġ a‑mi‑th̬damn walaynni adis‑nsn. s‑iwaliwn šwanin mimnin a‑s‑a‑jllun lɛaql n‑wanna igan lġšim.

1 kurintus 11:19

ašku iqqan‑d a‑yaṭṭu kra f‑kra baš a‑gigun‑iban manwi‑f‑irḍa rbbi.

1 kurintus 6:20

ašku nttan a‑kʷn‑isġan, ifk fllawn atig‑nnun. illa fllawn ġilad a‑tmjjdm rbbi s‑ddat‑nnun.

1 kurintus 7:23

isġa‑kʷn lmasiḥ ifk fllawn atig‑nnun. imma ġilad a‑ur‑tfkm ih̬fawn‑nnun a‑tgm ismgan i‑bnadm.

گالاطيّا 2:4

walaynni llan ġin kra n‑mddn skrn zund iġ‑gan aytmatnnġ, kšmn darnnġ s‑tntla, irin ad‑ẓrn mamnk a‑nskar ġilad ġ‑aġ‑irẓm lmasiḥ zġ‑iskraf n‑ššrɛ. ar‑ttirin ad‑aġ‑krsn‑daġ zund ismgan.

گالاطيّا 3:13

imma lmasiḥ ifukka‑yaġ zġ‑lɛqubit lli‑ra‑iḍr f‑willi ibnnun f‑ššrɛ. iwrri iga ntta wad‑f‑tḍr lɛqubit, baš a‑ur‑fllannġ‑tḍr nkkʷni. ašku ityara: «kullu wanna ityaggaln f‑uggjdi, lɛqubit n‑rbbi a‑fllas‑illan.»

گالاطيّا 4:17

mddn‑an ar‑tt‑gigun‑tawin bahra, walaynni urd f‑kra ifulkin. ur‑rin abla a‑kʷn‑didi‑ssngaran, baš a‑stt‑gisn‑ttawim ġir ntni.

گالاطيّا 5:20

ar‑tɛbadn ilahat n‑ddunit‑ad ar‑skarn ssiḥr, ar‑tkrhun ar‑tẓin ar‑tnuwwašn ar‑tbzagn f‑ingratsn, ar‑ttirin ad‑agʷrn wiyyaḍ, ar‑tmmaġn d‑wanna ur‑zgisn‑igin, ar‑rggmn wanna ur‑didsn‑ibiddn,

afsus 1:7

lli‑aġ‑ifran zġ‑lhalak s‑idammn‑ns, issitti fllannġ ddnub‑nnġ. matta ġunškad s‑tggut lḥnant n‑rbbi lli‑s‑aġ‑ibark,

afsus 4:14

ur‑sul‑ra‑ng zund tarwa mẓẓinin, ar‑tn‑itawi‑waḍu n‑kraygatt almmud l‑ljdid, ar‑jllun s‑lḥilat n‑imġḍarn lli‑stt‑zzraynin f‑mddn s‑tkrkas.

filibbi 3:19

rad‑ggʷrun ntni s‑lhalak, ašku ar‑tɛbadn adis‑nsn. ġaylli‑s‑a‑tfraḥn a‑ra‑tn‑iššḥššm, ašku ar‑tsalan ġir ma‑igan win ddunit‑ad.

kulussi 2:18

a‑ur‑tadjm mddn‑an a‑fllawn‑tḥkamn. rad‑awn‑ttinin a‑bahra‑ttadrm i‑ih̬f‑nnun ar‑ttɛbadm lmalayka. ar‑bnnun ntni f‑mad‑ẓrran ġ‑twargiwin‑nsn, ar‑ssfurrugn s‑iswingimn l‑lɛaql‑nsn,

kulussi 2:8

awiyat‑stt ġ‑ih̬f‑nnun a‑kʷn‑ur‑iġwi yan s‑iswingimn n‑bnadm ula s‑tkrkas h̬wanin lli‑mi‑tsfldm zġ‑tasutin lli‑zrinin. han tinbaḍin n‑ddunit ad‑gant, urd tin lmasiḥ.

1 timutaws 5:8

ašku wanna ur‑itɛawann tagʷmat‑ns, han iffuġ aġaras l‑lmasiḥ, yʷh̬šn uggʷar n‑willi ur‑akkʷ‑ssinnin aġaras, d‑bahra iġ‑ur‑a‑itɛawan ayt‑dars.

2 timutaws 4:3

han rad‑d‑aškin kra n‑uwssan ġ‑ur‑rad‑sflidn mddn s‑ulmmud yʷġẓann. rad‑trḍun iguyya‑nsn ar‑ssigatn i‑ih̬f‑nsn imslmdn lli‑rad‑asn‑ittini ma‑tn‑iɛjbn.

tiṭus 1:11

iqqan‑k‑id a‑tn‑tssfssat, ašku ar‑ssgrawaln kra n‑ayt‑tgʷmma kullutn. ar‑sslmadn ma‑ur‑igin lḥqq baš ad‑tamẓn kra i‑ih̬f‑nsn.

tiṭus 3:10

imma wanna yaṭṭun aytmatn, ini‑as a‑ifssa, tinit‑as‑t tis snat‑twal. iġ‑ur‑ifssa, anf‑as a‑ur‑sul‑didun‑imun.

iɛbrin 10:29

walaynni uggʷar l‑lɛqubit‑an a‑ra‑yili i‑wanna yuḍḍrn yus n‑rbbi s‑iḍarn‑ns, iḥgr idammn l‑lɛhd lli‑t‑issġusn, irgm rruḥ n‑rrḥmt.

1 bṭrus 1:8

nttan, wah̬h̬a ur‑jju‑ti‑tẓrim, iɛzza darun bahra. wah̬h̬a ur‑a‑ti‑ttmnadm ġilad, tumnm srs. ar‑srs‑ttfraḥm s‑lfrḥ iggutn aylliġ ur‑akkʷ‑tufim iwaliwn mad‑as‑ttinim.

2 bṭrus 2:3

ra‑kʷn‑šttan s‑iwaliwn h̬wanin, ašku ar‑bdda‑ttirin ma‑igan win wiyyaḍ. walaynni zġ‑isizwar a‑gisn‑itmnad ġwalli ra‑fllasn‑yut lḥukm. ur‑a‑igan ġwalli ra‑tn‑ihlk.

1 yuḥanna 2:26

uriġ‑awn‑in tiġawsiwin‑ad f‑willi ranin a‑kʷn‑jllun.

1 yuḥanna 4:1

way‑aytma ɛzzanin, a‑ur‑tamnm kullu wanna innan «illa‑gigi rruḥ lqudus,» walaynni armat rruḥ‑an a‑tẓrm is‑iga win rbbi nġd uhu. ašku ggutn mddn lli‑tkkanin ddunit, ar‑ttinin is‑a‑sawaln s‑mad‑asn‑imala rbbi walaynni ar‑sskirkisn.

yahuda 1:18

nnan‑awn: «ġ‑uwssan ggʷranin a‑rad‑d‑aškin kra n‑iṭnnaẓn. rad‑skarn s‑lh̬ʷšant lli‑ittiri ih̬f‑nsn.»

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.

anurẓm 13:14

ityawfka‑yas a‑iskar lmɛjizat ġ‑tama n‑waġʷẓn amzwaru, ar‑srsnt‑ijllu kullu imzdġn n‑ddunit. yuṣṣa‑tn ad‑skrn yat‑ṣṣurt imqqurn n‑waġʷẓn amzwaru lli‑ityaggasn s‑taẓẓit iwrri‑daġ iddr.

anurẓm 2:13

ssnġ maniġ tzdġt izd illiġ illa lɛrš n‑šiṭan. tġwit‑bdda ġ‑ism‑inu, ur‑akkʷ‑twrrit zġ‑uġaras‑inu. tamẓt gigi ula ġ‑uwssan lli‑ġ‑nġan inigi‑nu izgan antibas ġin ġ‑izdġ šiṭan.

anurẓm 2:9

ssnġ mamnk a‑tzrit ġ‑tassast ar‑ttẓlaṭṭ, walaynni s‑ṣṣaḥt lh̬ir iggutn ad‑ak‑illan. ssnġ is‑a‑gik‑rggmn ġwilli ittinin is‑gan ayt‑yudaya walaynni ur‑gin ayt‑yudaya. hati ayt‑tgmmi n‑tẓallit n‑šiṭan ad‑gan.

anurẓm 3:8

ssnġ kullu ma‑tskart. hati rẓmġ yan‑imi ġ‑lgddam‑nnk, ur‑ra‑yiẓḍar yan a‑t‑iqqn. ssnġ is‑ur‑tẓḍart i‑ma‑iggutn walaynni tumẓt ġ‑wawal‑inu, ur‑tnnit ur‑iyi‑tssint.

anurẓm 5:9

ar‑ttirirn yan‑umarg l‑ljdid ar‑ttinin: «kiyi a‑isthllan a‑tasit arra‑yad tfsit ṭṭwabɛ‑ns, ašku ttyawġrast tfrut mddn s‑idammn‑nnk zġ‑kraygatt taqbilt ula kraygatt l‑luġa ula kraygatt tasut ula kraygatt tamazirt, trart‑tn ad‑gn kullu win rbbi.

anurẓm 6:10

alln awal‑nsn inin: «wa‑sidi rbbi itjhhdn, tgit amẓlay tgt lḥqq. ar managu a‑ra‑n‑tssmaṭlt lɛqubit lli‑illan f‑mddn n‑ddunit, trart‑asn f‑idammn‑nnġ?»