Biblia Todo Logo
Bìoball air-loidhne

- Sanasan -




2 bṭrus 1:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

8 iġ‑a‑gigun‑ttigatnt kullu‑tġawsiwin‑ad, ra‑tiẓḍarm i‑kigan ar‑di‑ttawim lġllt iggutn ġilad ġ‑tssnm siditnnġ yasuɛ lmasiḥ.

Faic an caibideil Dèan lethbhreac

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

8 ءيغ‑ا‑گيگون‑تّيگاتنت كولّو‑تغاوسيوين‑اد، را‑تيژضارم ءي‑كيگان ار‑دي‑تّاويم لغلّت ءيگّوتن غيلاد غ‑تسّنم سيديتنّغ ياسوع لماسيح.

Faic an caibideil Dèan lethbhreac




2 bṭrus 1:8
33 Iomraidhean Croise  

imma amud lli‑iḍrn ġ‑uzggʷar, iga ntta zund yan isfldn i‑wawal, walaynni idda yasi tiġufiwin n‑ddunit ilhu s‑wayda. ġayan a‑iššqajjin awal aylliġ ur‑d‑yiwi ṣṣabt.


iffuġ‑daġ ġ‑tasaɛt tis tẓa, iẓr wiyyaḍ biddn ġ‑tasuqt ur‑a‑skarn yat.


ma‑d‑yad‑truḥ tasaɛt tis smmust n‑tdggʷat iddu‑daġ s‑tasuqt, iẓr kra n‑mddn sul biddn ġin. yini‑asn: ‹mah̬ aylliġ tbiddm ġid ass kullut ur‑a‑tskarm yat?›


irar‑as sidis ‹way‑ah̬ddam yʷh̬šnn iddullan, is‑tssnt is‑a‑d‑mggrġ ma‑ur‑krzġ, ar‑d‑ssmunuġ ma‑ur‑n‑luḥġ?


ar‑zgigi‑itkkis tiṣṭṭwin nna‑ur‑iskarn lġllt. ar‑ifrrn kraygatt taṣṭṭa nna‑yakkan lġllt baš a‑tigat lġllt‑ns s‑uggʷar.


ġmkad a‑tga tudrt idumn, a‑k‑issann kiyi lli‑igan rbbi l‑lḥqq, issann yasuɛ lmasiḥ lli‑di‑tuznt.


walaynni ssnġ mamnk a‑tgam, ur‑gigun‑tlli tayri n‑rbbi.


h̬dmat i‑siditnnġ s‑zzɛamt n‑rruḥ itjhhdn bla‑da‑ttrmaym.


way‑aytma ɛzzanin, mayad a‑f‑rad‑awn‑iniġ: dusat tzgam ar‑bdda‑ttlhum s‑twuri n‑siditnnġ, tissanm is‑urd bla lfaytt a‑s‑a‑ttnhatafm s‑ism n‑siditnnġ.


sigglat ġ‑ih̬f‑nnun a‑tẓrm is‑tzgam ġ‑uġaras l‑lmasiḥ. ẓrat mamnk a‑tgam. is‑ur‑tssinm mayad? illa yasuɛ lmasiḥ ġ‑ugʷns‑nnun, iġ‑nnit‑ur‑tjlim zġ‑uġaras.


wah̬h̬a zrin ġ‑tnukmut išqan, frḥn bahra. rḍun ad‑fkn kigan, wah̬h̬a idrus mad‑darsn‑illan bahra.


ẓrat mnšk a‑tjhhdm kunni. idus liman‑nnun, tissanm a‑tsawalm, tfhmm ma‑yʷġẓann, ar‑tskarm s‑nniyt, ar‑aġ‑ttḥubbum. imma ġilad nra gigun a‑tjhhdm ula ġ‑lbaraka n‑twafka‑yad.


ra‑kʷn‑bahra‑tḥubbun ntni ar‑fllawn‑tḍalabn rbbi, ašku ibark gigun rbbi s‑lbaraka iggutn.


imma ġilad ar‑tḍalabġ rbbi ad‑awn‑issigat bahra lḥnant n‑ingratun, ifk‑awn a‑tissanm kullu ma‑igan win lḥqq ar‑taṭṭum ma‑išwan zġ‑ma‑yʷh̬šnn.


illa fllawn a‑tswingimm ġmklli iswingim lmasiḥ yasuɛ.


ḥasbġ kullu tiġawsiwin‑an zund ur‑gint yat, ašku tlla dari ġilad ma‑tnt‑yufn bahra, a‑stt‑igan d‑twassna l‑lmasiḥ yasuɛ lli‑iwrrin iga sidi. f‑ssibt‑ns a‑f‑giġ tiġawsiwin‑an d‑irkan, flġ kullu ma‑dari‑illan baš ad‑iyi‑yili lmasiḥ,


ġmkan a‑s‑rad‑kullu‑tgm ġmklli‑d‑iqqann ġwilli ganin win siditnnġ, ar‑tskarm s‑ma‑t‑irḍan, tili gigun ṣṣabt n‑kullu ma‑igan afulki, tzaydm tissanm rbbi ġmklli iga.


zzugzat tadrut n‑llsas‑nnun ġ‑lmasiḥ ar‑fllas‑tbnnum, tamẓm gis ar‑ttdusm ġmklli tlmdm, ar‑bdda‑ttškarm rbbi.


adjat awal l‑lmasiḥ a‑iɛmmr ulawn‑nnun, ar‑tsslmadm ar‑ttnṣaḥm i‑ngratun s‑kullu ma‑igan taḥkimt, ar‑ttirirm i‑rbbi ar‑ttasim imurign d‑tahlilat d‑talġatin nna‑yawn‑imala rruḥ lqudus, ar‑ti‑ttškarm zġ‑uwlawn‑nnun.


ar‑ntḍalab siditnnġ ad‑awn‑bahra‑issigat tayri n‑ingratun ula tayri n‑kullu mddn, ġmklli‑kʷn‑bahra‑nttiri nkkʷni.


imma ġilad ay‑aytmatnnġ ra‑kʷn‑nḍalb, nnṣḥ‑kʷn s‑ism n‑siditnnġ yasuɛ, a‑ttidum ġ‑uġaras lli‑zginnġ‑tlmdm, ar‑bdda‑ttnawalm ma‑irḍan rbbi. zaydat f‑mayd tskarm, ar‑ti‑tskarm s‑uggʷar.


way‑aytmatnnġ, iqqan‑aġ‑d a‑bdda‑ntškar rbbi fllawn, ig lḥqq ginnġ a‑t‑ntškar, ašku ar‑ttzayadm ar‑ttimġurm bahra ġ‑liman‑nnun, iwrri kud yan gigun ar‑bahra‑itḥnnu ġ‑wiyyaḍ.


wan ntnti ar‑tmyarnt inifsisn ar‑tlullint zġ‑tgmmi s‑tayyaḍ. urd ġayan kad‑skarnt walaynni ar‑sawalnt f‑mddn ar‑kššmnt ma‑ur‑igin winsnt, ar‑ttinint ma‑ur‑tnd‑d‑iqqann a‑ti‑ttinint.


illa f‑mddn‑nnġ ad‑myurn ad‑tlhun s‑twuri iṣlḥn baš ad‑biddn d‑wanna ilkmn f‑kra, a‑ur‑zzrin tudrt‑nsn bla lfaytt.


ar‑tḍalabġ rbbi ad‑ak‑imala kullu lbarakat lli‑aġ‑llanin f‑uwdm l‑lmasiḥ ġilad ġ‑didnnġ‑tmunt ġ‑uġaras l‑liman.


a‑ur‑ttrmaym tflm ma‑kʷn‑d‑iqqann, walaynni skarat zund kullu willi umnnin ṣbrn aylliġ kšmn s‑tmih̬ar lli‑f‑asn‑inna rbbi.


a‑fllawn‑tigat lbaraka d‑sslamt ġilad ġ‑tssnm rbbi ula siditnnġ yasuɛ.


s‑tḥkimt‑ns itjhhdn a‑s‑aġ‑d‑ifka rbbi kullu ma‑nḥtajja baš a‑nddr ġ‑ddunit ar‑t‑ntrḍu. ašku nwrri nssn ġwalli‑aġ‑d‑iġran a‑nkšm s‑lmjd‑ns d‑ufulki‑ns.


iġ‑d‑njmn mddn zġ‑irkan n‑ddunit s‑twassna n‑unjjam siditnnġ yasuɛ lmasiḥ walaynni wrrin tigira tyassasn‑daġ s‑irkan‑an aylliġ‑tn‑nran, hati iwrri isiggʷra n‑mddn‑an yʷh̬šn uggʷar n‑isizwar‑nsn.


zaydat ar‑ttimġurm ġ‑lbaraka d‑twassna n‑unjjam siditnnġ yasuɛ lmasiḥ. nttan a‑bdda‑ntalġ ġilad ula kullu mayd‑d‑iftan. amin.


Lean sinn:

Sanasan


Sanasan