2 bṭrus 1:7 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ tzaydm f‑mayan a‑bahra‑ttḥubbum mddn, tzaydm f‑mayan a‑bdda‑tḥnnum ġ‑wiyyaḍ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ تزايدم ف‑مايان ا‑باهرا‑تّحوبّوم مدّن، تزايدم ف‑مايان ا‑بدّا‑تحنّوم غ‑وييّاض.

2 bṭrus 1:7 Iomraidhean Croise

ruma 12:10

tḥubbwat i‑ngratun ġmklli tmḥubbun aytmatn, ar‑ittiri kraygatt yan a‑yuqqr wayyaḍ uggʷar n‑ih̬f‑ns.

گالاطيّا 6:10

illa fllannġ a‑nskar afulki ġ‑kullu mddn ġakud nna‑nufa, s‑uggʷar ġ‑aytmatnnġ lli‑umnnin s‑lmasiḥ.

kulussi 3:14

zaydat i‑kullu mayad a‑bahra‑ttirim i‑ngratun, ašku tayri a‑iẓḍarn a‑tssmun kullu ma‑illan s‑tamunt ikmmln.

1 tasaluniki 3:12

ar‑ntḍalab siditnnġ ad‑awn‑bahra‑issigat tayri n‑ingratun ula tayri n‑kullu mddn, ġmklli‑kʷn‑bahra‑nttiri nkkʷni.

1 tasaluniki 5:15

rarat lɛaql iġ‑illa mad‑awn‑iskrn kra yʷh̬šnn, ad‑as‑t‑ur‑trarm s‑lh̬ʷšant. gat‑n tiqqi‑nnun a‑bdda‑ttirim a‑tskarm afulki ġ‑gratun ula d‑kullu mddn.

iɛbrin 13:1

zaydat ar‑bdda‑ttḥubbum i‑ngratun ġmklli tmḥubbun aytmatn.

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

1 bṭrus 2:17

uqqrat kullu mddn, ar‑ttirim aytmatun ġ‑lmasiḥ. tawiyat‑stt bahra ġ‑rbbi, ar‑ttuqqarm agllid.

1 bṭrus 3:8

imma ġilad rad‑awn‑iniġ, a‑kullu‑tgm yan ġ‑ma‑tswingimm ula ma‑s‑a‑tssḥssum, ar‑ttḥubbum i‑ngratun s‑tayri n‑aytmatn, ar‑di‑ttadrm i‑ih̬f‑nnun ar‑ttḥnnum i‑ngratun.

1 yuḥanna 3:14

walaynni nssn is‑nzri nkkʷni zġ‑lmut s‑tudrt, ašku tlla ginnġ tayri n‑aytmatnnġ. walaynni yan ur‑ittirin aytmas, hati sul iqama ġ‑lmut.

1 yuḥanna 3:16

ġmkad a‑s‑nssn mamnk a‑tga lḥnant: lmasiḥ ifka ih̬f‑ns f‑ssibt‑nnġ. imma nkkʷni, illa fllannġ a‑nakka ih̬f‑nnġ f‑ssibt n‑aytmatnnġ.

1 yuḥanna 4:21

ġmkad a‑tga luṣit‑ns: wanna ittirin rbbi, iqqan‑t‑id a‑ittiri ula gʷmas.