2 bṭrus 1:6 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ tzaydm f‑twassna n‑rbbi a‑bdda‑tġwim ġ‑ih̬f‑nnun, tzaydm f‑mayan a‑bahra‑tzgam ġ‑lḥqq, tzaydm f‑mayan a‑bdda‑trḍum rbbi,

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ تزايدم ف‑تواسّنا ن‑ربّي ا‑بدّا‑تغويم غ‑يخف‑نّون، تزايدم ف‑مايان ا‑باهرا‑تزگام غ‑لحقّ، تزايدم ف‑مايان ا‑بدّا‑ترضوم ربّي،

2 bṭrus 1:6 Iomraidhean Croise

luqa 21:19

biddat tzgam, ġmkad a‑s‑ra‑tnjmm.

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

irqqasn 24:25

walaynni lliġ izuyd bulus ar‑isawal f‑ufulki lli‑s‑irḍa rbbi, ula mamnk a‑ra‑yiẓḍar yan a‑iḥkam ġ‑ih̬f‑ns, ula lɛqubit lli‑ra‑ittut f‑ddunit, yiksaḍ filiks yini‑as: «ddu ġilad, ra‑n‑srk‑aznġ akud nna‑yyi‑teṭlq luqt.»

ruma 15:4

kullu ma‑ityaran ġ‑uwssan lli‑zrinin, ityara baš a‑nlmd nkkʷni, nṣbr nzɛm nzga ġ‑rrja f‑ssibt n‑maylli naqra ġ‑warratn‑an.

ruma 2:7

llan kra n‑mddn ar‑bdda‑skarn afulki ar‑n‑trjun ġ‑dar rbbi a‑tn‑issattuy ar‑tn‑issimġur ifk‑asn tudrt idumn. ntni rad‑asn‑ifk rbbi tudrt l‑lih̬rt.

ruma 8:25

walaynni lliġ a‑ntrju ġ‑maylli ur‑ta‑nẓri, hati ar‑srs‑ntql nzga ġ‑rrja ard‑aġ‑yili.

1 kurintus 9:25

kullu wanna itazzaln ar‑issdus ih̬f‑ns. ar‑t‑issdus baš a‑yamẓ kra l‑lkas lli‑ur‑ra‑idum. imma nkkʷni ar‑nssdus ih̬fawn‑nnġ baš a‑namẓ lkas lli‑rad‑bdda‑idum.

2 kurintus 6:4

ar‑nskar kullu baš a‑nmala izd ih̬ddamn n‑rbbi a‑nga, ndus a‑kullu‑nṣbr. ar‑bahra‑ntrfufun ar‑nkkat tammara ar‑nzray ġ‑tnukmut.

گالاطيّا 5:23

ar‑didsn‑ntrh̬u ar‑bdda‑nqqʷay ġ‑ih̬f‑nnġ. hati wan tiġawsiwin‑ad, ur‑illi kra n‑ššrɛ tnt‑yagʷin.

kulussi 1:11

ar‑ntḍalab rbbi a‑kʷn‑issdus s‑tḥkimt‑ns itjhhdn baš a‑ttṣbarm bla‑da‑ttrmaym,

1 tasaluniki 1:3

ar‑d‑nswingim ġ‑lgddam n‑rbbi babatnnġ mamnk a‑kullu‑tskarm s‑liman‑nnun, ar‑tth̬damm s‑lḥnant, tzgam ġ‑rrja n‑siditnnġ yasuɛ lmasiḥ.

2 tasaluniki 1:4

hati ar‑kʷn‑ntalġ ġ‑dar imnaggarn n‑rbbi, ašku tumẓm ġ‑rbbi sul tzgam, wah̬h̬a da‑tzraym ġ‑trfufnt d‑tnukmut iggutn.

2 tasaluniki 3:5

imma ġilad, nḍalb siditnnġ a‑kʷn‑ihdu baš a‑ttḥnnum ġmklli itḥnnu rbbi, ar‑ttṣbarm ġmklli itṣbar lmasiḥ.

1 timutaws 2:10

walaynni s‑ifulkitn lli‑skarnt ġmklli‑d‑iqqan timġarin lli‑tuqqarnin rbbi.

1 timutaws 2:2

illa fllasn ad‑tẓallan f‑igldan ula kullu willi tḥkamnin, baš a‑nddr s‑lhna d‑sslamt nskr afulki ula kullu ma‑ira rbbi.

1 timutaws 3:16

maylli‑aġ‑d‑imla rbbi, ar‑kullu‑gis‑ntɛjjab: iban‑d ġ‑ssift n‑bnadm, inru s‑tḥkimt n‑rruḥ, ẓrn‑t lmalayka. ilkm lh̬bar‑ns timizar aggugnin, amnn srs ġ‑kullu ddunit, ityalal s‑lmjd.

1 timutaws 6:11

imma kiyi ay‑ah̬ddam n‑rbbi, aggug zġ‑kullu ġayan. tgt‑n tiqqi‑nnk a‑bdda‑tskart afulki ula kullu ma‑irḍan rbbi. amn awal‑ns ar‑ttḥnnut ġ‑wiyyaḍ ar‑ttṣbart ar‑ttrh̬ut d‑kullu mddn.

1 timutaws 6:3

han kra n‑mddn ar‑sslmadn tinbaḍin yaḍni ur‑d‑mšaškant d‑iwaliwn ṣḥanin n‑siditnnġ yasuɛ lmasiḥ ula almmud lli‑s‑irḍa rbbi.

1 timutaws 6:6

illa‑nnit lh̬ir i‑yan imunn d‑uġaras n‑rbbi iqnɛu s‑mad‑dars‑illan.

2 timutaws 3:5

rad‑inin izd imumnn ad‑gan, walaynni ur‑gisn‑tlli‑tḥkimt itjhhdn n‑willi umnnin s‑rbbi. tanf i‑mddn‑an.

tiṭus 1:1

zġ‑bulus ah̬ddam n‑rbbi d‑urqqas n‑yasuɛ lmasiḥ lli‑yyi‑iẓlin ad‑malaġ i‑imẓlayn n‑rbbi mamnk ad‑tamnn s‑wawal‑ns, issann kullu ma‑igan lḥqq n‑uġaras‑ns

tiṭus 1:8

iqqan‑d a‑ig wad issmrḥban s‑willi tmuddunin, ig wad dar iɛzza kullu ma‑ifulkin, ar‑itnbaḍ ġ‑ugayyu‑ns ar‑bdda‑iskar s‑lḥqq, iġus‑uwl‑ns iġwi ġ‑ih̬f‑ns.

tiṭus 2:2

ini i‑irgazn mqqurnin ad‑zgan ġ‑ih̬f‑nsn, ar‑bdda‑tfulkin d‑mddn, ar‑tnbaḍn ġ‑kullu mad‑skarn. tinit‑asn ad‑dusn ġ‑uġaras l‑lmasiḥ ar‑tḥnnun ġ‑wiyyaḍ ar‑tzayadn ġmkad bla‑da‑trmayn.

iɛbrin 10:36

ih̬ṣṣa‑kʷn a‑tṣbrm ard tkmmlm kullu ma‑gigun‑ira rbbi, tkšmm tigira s‑maylli‑s‑awn‑inna rad‑awn‑yili.

iɛbrin 12:1

imma ġilad ġ‑aġ‑tlulli‑tmdlut‑ad n‑inagan, illa fllannġ a‑nluḥ kullu mad‑aġ‑iẓẓuẓẓayn, nfl ddnub lli‑bdda‑ttirinin ad‑aġ‑ssmukrusn, baš a‑ntazzal bla‑da‑ntrmay ġ‑uġaras lli‑irẓmn ġ‑lgddam‑nnġ.

iɛbrin 6:12

a‑ur‑ttrmaym tflm ma‑kʷn‑d‑iqqann, walaynni skarat zund kullu willi umnnin ṣbrn aylliġ kšmn s‑tmih̬ar lli‑f‑asn‑inna rbbi.

iɛbrin 6:15

iql ibrahim iṣbr aylliġ‑as‑ityawfka maylli‑s‑as‑inna rbbi.

2 bṭrus 1:3

s‑tḥkimt‑ns itjhhdn a‑s‑aġ‑d‑ifka rbbi kullu ma‑nḥtajja baš a‑nddr ġ‑ddunit ar‑t‑ntrḍu. ašku nwrri nssn ġwalli‑aġ‑d‑iġran a‑nkšm s‑lmjd‑ns d‑ufulki‑ns.

2 bṭrus 3:11

ra‑ityawhlak kullu ma‑illan. f‑mayan a‑f‑ra‑kʷn‑sqsaġ: man mddn zġ‑ra‑tgm? is‑ur‑ra‑ttirim a‑tskarm afulki ar‑ttrḍum rbbi

anurẓm 1:9

imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.

anurẓm 13:10

«wanna‑d‑iqqann a‑ityamaẓ ra‑ityamaẓ. wanna‑d‑iqqann a‑immt s‑taẓẓit ra‑immt s‑taẓẓit. mayan a‑f‑illa f‑imẓlayn n‑rbbi a‑gis‑amẓn, zgan ġ‑uġaras‑ns.»

anurẓm 14:12

mayan a‑f‑illa f‑imẓlayn n‑rbbi ad‑ṣbrn zgan, a‑tn‑igan d‑willi skarnin s‑luṣiyat n‑rbbi ġwin‑bdda ġ‑yasuɛ.

anurẓm 2:2

ssnġ kullu ma‑tskart ula mamnk a‑ttnhataft tṣbrt. ssnġ mamnk a‑tngarat d‑mddn ʷh̬šnnin, tarmt ula ġwilli ittinin izd irqqasn ad‑gan, taft‑tn‑in is‑a‑sskirkisn ur‑gin irqqasn.