2 bṭrus 1:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ f‑mayan a‑f‑kʷn‑d‑iqqan a‑n‑tgm tiqqi a‑tzaydm f‑liman‑nnun a‑bahra‑tfulkim, tzaydm f‑ufulki a‑bahra‑tissanm rbbi,

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ ف‑مايان ا‑ف‑كُن‑د‑يقّان ا‑ن‑تگم تيقّي ا‑تزايدم ف‑ليمان‑نّون ا‑باهرا‑تفولكيم، تزايدم ف‑وفولكي ا‑باهرا‑تيسّانم ربّي،

2 bṭrus 1:5 Iomraidhean Croise

luqa 16:26

rad‑ak‑iniġ, tlla yat talat idran ġ‑gratnnġ didun. ttyawskar i‑ġmkad, a‑n‑ur‑bbin ġwid ranin a‑n‑bbin zġ‑darnnġ s‑darun, ula iẓḍar yan a‑d‑ibbi zġ‑darun s‑darnnġ.›

luqa 24:21

imma nkkʷni nkka‑ttin nrja‑n gis bahra, ašku nġal izd nttan a‑ra‑ijjnjm ayt‑rbbi. hati kraḍ‑uwssan ayd‑s‑ijra ġayad.

yuḥanna 6:27

a‑ur‑tth̬damm f‑umššu lli‑ith̬sarn, walaynni th̬damat f‑umššu lli‑rad‑bdda‑iqama i‑tudrt idumn. nttan a‑rad‑awn‑fkġ nkki lli‑igan yus n‑bnadm, ašku imla rbbi baba is‑iyi‑iẓli i‑mayad.»

1 kurintus 14:20

way‑aytma, a‑ur‑tswingimm zund tarwa mẓẓinin. illa fllawn a‑tmẓẓim ġ‑ma‑yʷh̬šnn, walaynni imġurat ġ‑lɛaql‑nnun.

afsus 5:17

a‑ur‑tjlum d‑ih̬f‑nnun walaynni ẓrat ma‑gigun‑ittiri rbbi.

filibbi 1:9

imma ġilad ar‑tḍalabġ rbbi ad‑awn‑issigat bahra lḥnant n‑ingratun, ifk‑awn a‑tissanm kullu ma‑igan win lḥqq ar‑taṭṭum ma‑išwan zġ‑ma‑yʷh̬šnn.

filibbi 2:12

f‑mayan a‑f‑ra‑kʷn‑uṣṣaġ ay‑aytma ɛzzanin, ašku ssnġ is‑tram a‑tskarm ma‑fllawn‑illan, ġilad ġ‑d‑fllawn‑aggugġ ġmklli‑ti‑tskarm ġakud lliġ‑n‑didun‑lliġ. f‑mayan a‑f‑rad‑awn‑iniġ: skarat kullu baš a‑tssafum ajnjm lli‑s‑tnjmm, ar‑bahra‑ttuqqarm rbbi ar‑bdda‑stti‑ttawim ġ‑ma‑ira ntta.

filibbi 4:8

way‑aytma, awal‑inu iggʷran a‑t‑igan: a‑tswingimm ġ‑ma‑igan lḥqq ula ma‑ġ‑illa ma‑ttuqqarm ula ma‑yʷġẓann ula ma‑iġusn ula ma‑imimn ula ma‑išwan. iġ‑illa kra ifulkin ula kra‑ġ‑illa ma‑ttalġm, swingimat ġ‑tġawsiwin‑ad.

kulussi 1:9

f‑mayan a‑f‑a‑bdda‑ntẓalla ar‑ntḍalab rbbi f‑ssibt‑nnun, zġ‑wass lli‑ġ‑fllawn‑nsfld sul s‑ġassad. ar‑t‑ntḍalab ad‑awn‑issbayyn kullu ma‑gigun‑ittiri s‑twassna ula taḥkimt lli‑rad‑awn‑imala rruḥ lqudus.

kulussi 2:3

d‑nttan a‑ġ‑tlla‑kullu‑tḥkimt n‑rbbi ula tawassna‑ns ihiyyan.

iɛbrin 11:6

walaynni yan ur‑yuminn rbbi, ur‑ra‑yiẓḍar a‑yamẓ rrḍa‑ns. ašku wanna iran a‑n‑yakmur s‑rbbi, iqqan‑t‑id a‑yamn is‑illa rbbi, yujad a‑ibark wanna‑t‑isiggiln.

iɛbrin 12:15

awiyat‑stt ġ‑ih̬fawn‑nnun a‑ur‑ijlu yan gigun zġ‑lbaraka n‑rbbi, ula imġi‑d‑wamud n‑wasmmum ġ‑gratun, ard issduy mddn isshrš ma‑iggutn.

iɛbrin 6:11

imma ġilad nra kud yan gigun a‑itzayad ġmkan s‑zzɛamt ar isiggʷra, baš a‑tkšmm kullukn s‑lbaraka lli‑n‑ntrju.

1 bṭrus 3:7

ġmkan ula kunni a‑irgazn, illa fllawn a‑tswingimm ġ‑tmġarin‑nnun, tzdġm didsnt bla‑da‑tettum is‑ur‑bahra‑dusnt zund kunni, ar‑tnti‑ttuqqarm ašku wrtnt ula ntnti didun lbaraka n‑tudrt idumn. skarat ġmkan baš a‑ur‑darun‑yili ma‑itḥṣarn tiẓulla‑nnun i‑rbbi.

2 bṭrus 1:10

way‑aytma, f‑mayan a‑f‑rad‑awn‑iniġ, gat‑n tiqqi‑nnun s‑uggʷar a‑bahra‑tzgam ġ‑uġaras lli‑s‑awn‑d‑iġra rbbi iẓli‑kʷn‑d srs. ašku iġ‑a‑tskarm s‑ġmkan ur‑ra‑sar‑tjlum,

2 bṭrus 1:11

hati ra‑tkšmm s‑lfrḥ iggutn s‑tgldit idumn n‑unjjam siditnnġ yasuɛ lmasiḥ.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

2 bṭrus 3:18

zaydat ar‑ttimġurm ġ‑lbaraka d‑twassna n‑unjjam siditnnġ yasuɛ lmasiḥ. nttan a‑bdda‑ntalġ ġilad ula kullu mayd‑d‑iftan. amin.