2 bṭrus 1:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ d‑ġmkad a‑s‑aġ‑llant lbarakat hiyyanin ɛzzanin lli‑f‑inna rad‑aġ‑tnt‑ifk, baš a‑twrrim tgm ġmklli iga rbbi, tnjmm zġ‑kullu ma‑itawin ġ‑ddunit s‑lhalak f‑ssibt n‑maylli ittiri bnadm i‑ih̬f‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.

2 bṭrus 1:4 Iomraidhean Croise

ruma 9:4

ntni a‑igan ayt‑rbbi, ig‑tn d‑tarwa‑ns, ifk‑asn lmjd‑ns d‑id‑lɛhd‑ns d‑ššrɛ‑ns. iml‑asn aġaras ma‑s‑a‑ti‑tɛbadn, yini‑asn f‑kullu ma‑rad‑asn‑iskr ifulki.

2 kurintus 1:20

ašku ġunšk lli‑gan iwaliwn lli‑s‑inna rbbi f‑ma‑ra‑iskr ifulki, lmasiḥ a‑tn‑kullu‑issuwfan. mayan a‑f‑a‑nttini «amin» s‑ism l‑lmasiḥ ġakud nna‑ntalġ rbbi.

2 kurintus 3:18

nkkʷni kullwaġ ar‑ntmnad lmjd n‑siditnnġ ġilad, ašku ityattay‑fllannġ‑usddul. d‑siditnnġ lli‑igan rruḥ ar‑aġ‑itbddal baš a‑ng zund ntta, ar‑aġ‑itzayad lmjd f‑lmjd.

2 kurintus 6:17

f‑mayan a‑f‑inna sidi rbbi: «ffuġad‑d zġ‑darsn, tngaram didsn, tanfm i‑kullu ma‑irkan. iġ‑tskrm ġmkan ra‑fllawn‑rḍuġ.

گالاطيّا 3:16

ġayd izrin ar‑isawal rbbi s‑ibrahim ar‑as‑ittini f‑ma‑rad‑as‑ifk i‑ibrahim, ntta d‑wamud‑ns. ur‑as‑inni «ra‑t‑fkġ i‑imadn‑nnk» zund iġ‑gan mddn ggutnin, walaynni inna‑yas «ra‑t‑fkġ i‑wamud‑nnk» igan yan ig lmasiḥ.

گالاطيّا 6:8

amud nna‑n‑tluḥm, nttan a‑ra‑tmgrm. yan iskarn s‑ma‑ittiri‑uwl n‑bnadm, zġ‑uwl‑ns a‑zġ‑ra‑imgr lmut. imma yan iskarn s‑ma‑ittiri rruḥ lqudus, zġ‑rruḥ a‑zġ‑ra‑imgr tudrt idumn.

afsus 4:13

ġmkad a‑s‑rad‑kullu‑ntzayad ġ‑uġaras l‑lmasiḥ ard nwrri ng yan, nissan yus n‑rbbi ġmklli iga, nwrri nimġur zund lmasiḥ s‑tmuġra‑ns ikmmln.

kulussi 3:10

hati twrrim tgam mddn l‑ljdid. rbbi lli‑kʷn‑ih̬lqn ar‑kʷn‑itbddal baš a‑twrrim tgm zund nttan, tissanm‑t ġmklli iga.

iɛbrin 12:10

yat luqt idrusn ad‑aġ‑trbban ntni s‑mklli‑asn‑iban išwa, imma rbbi ar‑aġ‑itrbba s‑mklli rad‑aġ‑iṣlḥ baš a‑nfulki ġmklli ifulki ntta.

iɛbrin 9:15

ġmkan a‑iskr lmasiḥ yal‑lɛhd l‑ljdid ġ‑gr rbbi d‑bnadm, išškšm srs ġwilli mi‑d‑iġra rbbi s‑lwrt idumn lli‑f‑asn‑inna rad‑asn‑yili. immut lmasiḥ baš a‑ifru mddn zġ‑ddnub lli‑skrn lliġ sul llan ġ‑lɛhd amzwaru.

yaɛqub 1:27

imma yan dar liman ifulkin iṣḥan ġ‑iẓri n‑rbbi babatnnġ, ġmkad a‑ra‑ig: ar‑itɛawan igigiln d‑thjjalin ġ‑tnukmut‑nsn, ar‑itanf i‑irkan n‑ddunit.

2 bṭrus 1:1

zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

2 bṭrus 3:13

imma nkkʷni ar‑ntql s‑maylli‑s‑aġ‑inna rbbi, ar‑n‑ntrju ignna l‑ljdid d‑wakal l‑ljdid, ɛmmrn s‑kullu ma‑irḍan rbbi.

2 bṭrus 3:9

ur‑imaṭl siditnnġ a‑iskr maylli‑s‑inna, wah̬h̬a da‑ttinin kra n‑mddn imaṭl. ašku ar‑didun‑itṣbar. ur‑iri ntta a‑ityawhlak yan, walaynni ira kullu mddn ad‑wrrin fln iskkirn‑nsn ʷh̬šnnin.

1 yuḥanna 2:25

ašku s‑wawal izgan a‑s‑aġ‑imla mayad, yini‑aġ is‑rad‑aġ‑ifk tudrt idumn.

1 yuḥanna 3:2

way‑aytma ɛzzanin, nga tarwa n‑rbbi ġilad. ur‑ta‑yaġ‑issbayyn ma‑ra‑ng ġ‑mayd‑d‑iftan, walaynni nssn mayad: ġakud lliġ ra‑d‑yašk lmasiḥ ra‑ng zund nttan, ašku ra‑t‑nẓr ġmklli iga.