2 bṭrus 1:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ s‑tḥkimt‑ns itjhhdn a‑s‑aġ‑d‑ifka rbbi kullu ma‑nḥtajja baš a‑nddr ġ‑ddunit ar‑t‑ntrḍu. ašku nwrri nssn ġwalli‑aġ‑d‑iġran a‑nkšm s‑lmjd‑ns d‑ufulki‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ س‑تحكيمت‑نس ءيتجهّدن ا‑س‑اغ‑د‑يفكا ربّي كولّو ما‑نحتاجّا باش ا‑ندّر غ‑دّونيت ار‑ت‑نترضو. اشكو نوورّي نسّن غوالّي‑اغ‑د‑يغران ا‑نكشم س‑لمجد‑نس د‑وفولكي‑نس.

2 bṭrus 1:3 Iomraidhean Croise

matta 28:18

imma yasuɛ iruḥ‑tn yini‑asn: «hati ġ‑ufus‑inu a‑ġ‑ityawfka kullu ma‑illan ġ‑ignwan ula ġ‑wakal.

ruma 8:32

imma rbbi, lliġ ur‑n‑iḥḍi yus ġ‑dars walaynni idḥi‑t‑id f‑ssibt‑nnġ kullwaġ, is‑ur‑ra‑yiri ad‑aġ‑dids‑ifk kraygatt kra?

ruma 9:24

a‑tn‑igan d‑nkkʷni lli‑mi‑iġra zġ‑gr ayt‑yudaya ula‑daġ zġ‑gr ayt‑tmizar yaḍni. ġmklli inna rbbi ġ‑warra n‑nnabi hušaɛ:

1 kurintus 1:9

rbbi iqama‑bdda ġ‑wawal‑ns. nttan ad‑awn‑d‑iġran a‑tkšmm ġ‑tamunt n‑yasuɛ lmasiḥ siditnnġ.

2 kurintus 12:9

walaynni inna‑yyi: «ur‑k‑ih̬ṣṣa abla lḥnant‑inu. ašku yan iḍɛfn a‑ġ‑ra‑tili‑tḥkimt‑inu itjhhdn s‑uggʷar.» frḥġ ġilad ad‑sawalġ f‑kullu ma‑gigi‑iḍɛfn, baš ad‑ɛmmrġ s‑tḥkimt itjhhdn l‑lmasiḥ.

afsus 4:1

imma ġilad ra‑kʷn‑ḍalbġ bahra, nkki‑ad igan aḥbbas f‑ism n‑siditnnġ. ḍalbġ‑kʷn a‑tskarm ġmklli illa f‑willi iẓli rbbi ad‑gn wins.

afsus 4:4

yat‑ddat a‑tgam, yili gigun yan rruḥ, ġmklli darun yan rrja lli‑mi‑kʷn‑iẓli rbbi.

filibbi 3:8

ḥasbġ kullu tiġawsiwin‑an zund ur‑gint yat, ašku tlla dari ġilad ma‑tnt‑yufn bahra, a‑stt‑igan d‑twassna l‑lmasiḥ yasuɛ lli‑iwrrin iga sidi. f‑ssibt‑ns a‑f‑giġ tiġawsiwin‑an d‑irkan, flġ kullu ma‑dari‑illan baš ad‑iyi‑yili lmasiḥ,

filibbi 4:8

way‑aytma, awal‑inu iggʷran a‑t‑igan: a‑tswingimm ġ‑ma‑igan lḥqq ula ma‑ġ‑illa ma‑ttuqqarm ula ma‑yʷġẓann ula ma‑iġusn ula ma‑imimn ula ma‑išwan. iġ‑illa kra ifulkin ula kra‑ġ‑illa ma‑ttalġm, swingimat ġ‑tġawsiwin‑ad.

kulussi 1:16

ašku srs a‑s‑ityawh̬laq kraygatt kra ġ‑ignwan ula ġ‑wakal, maylli ibann i‑walln n‑bnadm ula maylli ur‑asnt‑ibann, lmalayka ula larwaḥ ula ssulṭat ula lquwwat n‑ignwan. s‑lmasiḥ a‑s‑ityawh̬laq kullu ma‑illan, ig kullu wins.

1 tasaluniki 2:12

ar‑kʷn‑ntnṣaḥ nini‑awn a‑tskarm ġmklli‑d‑iqqann ġwilli ganin win rbbi lli‑awn‑d‑iġran a‑tkšmm s‑tgldit‑ns ula lmjd‑ns.

1 tasaluniki 4:7

ašku iġra‑yaġ‑d rbbi a‑nġus, ur‑akkʷ‑iri a‑nrku.

2 tasaluniki 2:14

kullu mayad, iġra‑yawn‑d srs rbbi s‑lh̬bar ifulkin lli‑awn‑in‑niwi, baš ad‑awn‑tili taġamt ġ‑lmjd n‑siditnnġ yasuɛ lmasiḥ.

1 timutaws 4:8

ašku yan issdusn ddat‑ns, afulki ayn iskr, walaynni yan issdusn rruḥ‑ns s‑ma‑irḍan rbbi, rad‑as‑ifulki s‑uggʷar i‑tudrt‑ns n‑ddunit‑ad ula tin lih̬rt.

2 timutaws 1:9

ijjnjm‑aġ rbbi zġ‑ddnub‑nnġ iġr‑aġ a‑ng imẓlayn‑ns, urd f‑ssibt n‑kra nskar nkkʷni walaynni f‑ssibt n‑ma‑iqṣad nttan ad‑aġ‑ibark f‑uwdm l‑lmasiḥ yasuɛ ur‑ta‑ih̬lq ddunit.

iɛbrin 1:3

iban gis lmjd n‑rbbi, ig ṣṣurt n‑rruḥ‑ns, iḥkam ġ‑kullu ma‑illan s‑tḥkimt n‑wawal‑ns. ġakud lliġ issitti ddnub f‑bnadm iskiws f‑ufasi n‑rbbi l‑lmjd ġ‑tattuyt n‑ignwan.

1 bṭrus 1:15

walaynni skarat kullu s‑uwl iġusn, ġmklli iġus rbbi lli‑awn‑d‑iġran.

1 bṭrus 1:5

s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

1 bṭrus 2:21

rbbi iġra‑yawn‑d a‑tzzraym mayad, ašku lmasiḥ irfufn ula ntta f‑ssibt‑nnun, iml‑awn ma‑ifulkin baš a‑tḍfurm latrt‑ns.

1 bṭrus 2:9

imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

1 bṭrus 3:9

iġ‑illa mad‑awn‑iskrn kra yʷh̬šnn, ad‑as‑ur‑trarm s‑lh̬ʷšant. iġ‑illa ma‑kʷn‑irgmn, ad‑as‑ur‑trarm s‑trggam, walaynni iniyat‑as: «a‑k‑ibark rbbi.» ašku iġra‑yawn‑d rbbi ad‑awn‑tili lbaraka.

1 bṭrus 5:10

walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

2 bṭrus 1:10

way‑aytma, f‑mayan a‑f‑rad‑awn‑iniġ, gat‑n tiqqi‑nnun s‑uggʷar a‑bahra‑tzgam ġ‑uġaras lli‑s‑awn‑d‑iġra rbbi iẓli‑kʷn‑d srs. ašku iġ‑a‑tskarm s‑ġmkan ur‑ra‑sar‑tjlum,

2 bṭrus 1:2

a‑fllawn‑tigat lbaraka d‑sslamt ġilad ġ‑tssnm rbbi ula siditnnġ yasuɛ.

2 bṭrus 1:5

f‑mayan a‑f‑kʷn‑d‑iqqan a‑n‑tgm tiqqi a‑tzaydm f‑liman‑nnun a‑bahra‑tfulkim, tzaydm f‑ufulki a‑bahra‑tissanm rbbi,

2 bṭrus 1:6

tzaydm f‑twassna n‑rbbi a‑bdda‑tġwim ġ‑ih̬f‑nnun, tzaydm f‑mayan a‑bahra‑tzgam ġ‑lḥqq, tzaydm f‑mayan a‑bdda‑trḍum rbbi,

2 bṭrus 1:8

iġ‑a‑gigun‑ttigatnt kullu‑tġawsiwin‑ad, ra‑tiẓḍarm i‑kigan ar‑di‑ttawim lġllt iggutn ġilad ġ‑tssnm siditnnġ yasuɛ lmasiḥ.

2 bṭrus 2:20

iġ‑d‑njmn mddn zġ‑irkan n‑ddunit s‑twassna n‑unjjam siditnnġ yasuɛ lmasiḥ walaynni wrrin tigira tyassasn‑daġ s‑irkan‑an aylliġ‑tn‑nran, hati iwrri isiggʷra n‑mddn‑an yʷh̬šn uggʷar n‑isizwar‑nsn.

2 bṭrus 3:18

zaydat ar‑ttimġurm ġ‑lbaraka d‑twassna n‑unjjam siditnnġ yasuɛ lmasiḥ. nttan a‑bdda‑ntalġ ġilad ula kullu mayd‑d‑iftan. amin.