2 bṭrus 1:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

2 bṭrus 1:1 Iomraidhean Croise

matta 10:2

ġmkad ad‑gan ismawn n‑irqqasn s‑sin d‑mraw: amzwaru simɛan lli‑mi‑ttinin bṭrus, ntta d‑gʷmas andraws, d‑yaɛqub yus n‑zabdi, ntta d‑gʷmas yuḥanna,

matta 4:18

iftu yasuɛ ġ‑tama n‑umda n‑jalil, iẓr sin aytmatn, simɛan lli‑mi‑ttinin bṭrus d‑gʷmas andraws. ingʷmarn n‑islman ad‑gan, grn‑in ššbkt ġ‑umda.

luqa 1:47

tfrḥ rruḥ‑inu s‑rbbi anjjam‑inu,

luqa 11:49

d‑ġayan a‑f‑tnna‑tḥkimt n‑rbbi: ‹rad‑asn‑aznġ lanbiya d‑irqqasn, nġn gisn kra ssrfufnn kra.›

yuḥanna 1:42

yawi‑t‑id ilmma s‑dar yasuɛ. issmaqql gis yasuɛ, yini‑as: «kiyi tgit simɛan yus n‑yuna, walaynni rad‑ak‑nttini kafa.» ism‑ad, tga lmɛna‑ns ‹aẓru› zund lmɛna n‑bṭrus.

yuḥanna 12:26

wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.

yuḥanna 20:21

yini‑asn‑daġ: «ad‑awn‑tili sslamt. ġmklli‑yyi‑d‑yuzn baba, ġmkad a‑s‑ra‑kʷn‑aznġ ġilad.»

irqqasn 15:14

inna‑yaġ simɛan f‑mamnk ad‑aġ‑imla rbbi ġ‑isizwar is‑ira a‑iẓli zġ‑gr ibrraniyn kra n‑mddn ad‑gn wins.

ruma 1:1

zġ‑bulus ah̬ddam l‑lmasiḥ yasuɛ. iġra‑yyi‑d iẓli‑yyi ad‑gġ arqqas‑ns ar‑tbrraḥġ s‑lh̬bar ifulkin n‑rbbi.

ruma 1:12

riġ‑nnit a‑nzzɛam i‑ngratnnġ nkki didun ġ‑uġaras l‑lmasiḥ.

ruma 1:17

ar‑aġ‑imala lh̬bar‑ad mamnk a‑s‑a‑iskar rbbi sslamt ġ‑gras d‑willi umnnin, ar‑tt‑iskar f‑ssibt l‑liman‑nsn ġmklli ityaran, inna rbbi: «wanna yumnn, nttan a‑f‑rad‑rḍuġ fkġ‑as tudrt.»

1 kurintus 1:30

nttan ad‑awn‑ifkan a‑tgm win lmasiḥ. ifk‑aġ taḥkimt l‑lmasiḥ, ifk‑aġ afulki l‑lmasiḥ, iẓli‑aġ s‑uẓlay l‑lmasiḥ, ifukku‑aġ f‑uwdm l‑lmasiḥ.

1 kurintus 15:9

nkki mẓẓiġ ġ‑irqqasn. ur‑akkʷ‑sthllaġ ad‑iyi‑ttinin arqqas, ašku kkiġ‑ttin ar‑ssrfufunġ amnaggar n‑rbbi.

1 kurintus 9:1

is‑ur‑ẓḍarġ ad‑skarġ ġmknna riġ? is‑ur‑giġ arqqas? is‑ur‑ẓriġ siditnnġ yasuɛ? is‑ur‑tgim kunni ṣṣabt lli‑f‑h̬dmġ s‑ism n‑siditnnġ?

2 kurintus 4:13

ġmklli ityaran: «ha‑yyi umnġ. mayan a‑f‑sawlġ.» ula nkkʷni illa darnnġ liman‑ad ġ‑uwlawn‑nnġ, ar‑nsawal ašku numn.

2 kurintus 5:21

lmasiḥ lli‑ur‑jju‑iskirn kra n‑ddnb, irur‑t rbbi zund iġ‑iɛmmr s‑ddnub f‑ssibt‑nnġ, baš a‑nɛmmr nkkʷni s‑ufulki n‑rbbi f‑ssibt‑ns.

گالاطيّا 2:8

ašku rbbi lli‑ith̬damn ġ‑bṭrus baš a‑ig arqqas i‑ayt‑yudaya, ar‑gigi‑ith̬dam ula nkki baš ad‑gġ arqqas i‑ayt‑tmizar yaḍni.

afsus 3:5

trgs f‑kullu tasutin lli‑zrinin, imma ġilad issbayyn‑aġ‑tt‑id rbbi s‑tḥkimt n‑rruḥ lqudus i‑ġwid iẓli ad‑gn irqqasn‑ns ula lanbiya‑ns.

afsus 4:11

nttan a‑ifkan i‑kra ginnġ ad‑gn irqqasn‑ns, ifk i‑wiyyaḍ ad‑sawaln s‑mad‑asn‑imala rbbi, ifk i‑wiyyaḍ ad‑tbrraḥn s‑lh̬bar ifulkin, ifk i‑wiyyaḍ ad‑tgabaln ar‑sslmadn mddn‑ns

afsus 4:5

yili yan siditun ula yan‑uġaras lli‑s‑tumnm ula yan‑udum lli‑s‑tddmm ġ‑waman.

filibbi 1:1

zġ‑bulus d‑timutaws, ih̬ddamn l‑lmasiḥ yasuɛ, i‑kullu imẓlayn l‑lmasiḥ yasuɛ ġ‑tmdint n‑filibbi ula ingabaln d‑imɛawann‑nnun.

filibbi 1:29

ašku lliġ‑awn‑ifka a‑tamnm s‑lmasiḥ, ifka‑yawn ula tarfufnt f‑ssibt‑ns.

filibbi 3:9

gġ ula nkki wins. ur‑sul‑a‑skarġ f‑ad‑trḍuġ rbbi s‑iskkirn n‑ššrɛ, walaynni irḍa flla f‑ssibt n‑mad‑umnġ s‑lmasiḥ. ašku ġmkad a‑s‑a‑itrḍu rbbi f‑kullu‑willi srs umnnin.

2 timutaws 1:5

ur‑ttuġ mamnk a‑tumnt s‑lmasiḥ s‑nniyt‑nnk, ġmklli tumn jddak luwwis ġ‑isizwar, nttat d‑innak afniki. ssnġ is‑tumnt ula kiyi ġilad zund ntnti.

tiṭus 1:1

zġ‑bulus ah̬ddam n‑rbbi d‑urqqas n‑yasuɛ lmasiḥ lli‑yyi‑iẓlin ad‑malaġ i‑imẓlayn n‑rbbi mamnk ad‑tamnn s‑wawal‑ns, issann kullu ma‑igan lḥqq n‑uġaras‑ns

tiṭus 1:4

i‑tiṭus iwi iɛzzan ġ‑tagʷmat l‑liman‑nnġ. ad‑ak‑tili lbaraka d‑sslamt zġ‑rbbi babatnnġ d‑lmasiḥ yasuɛ anjjam‑nnġ.

tiṭus 2:13

ar‑ntql ar‑ntrju ass‑an ambarki lli‑ġ‑ra‑d‑iban lmjd n‑rbbi‑nnġ imqqurn yasuɛ lmasiḥ lli‑aġ‑ijjnjmn.

yaɛqub 1:1

zġ‑yaɛqub ah̬ddam n‑rbbi d‑siditnnġ yasuɛ lmasiḥ, i‑ayt‑rbbi lli‑akutnin ġ‑ddunit kullutt. ad‑awn‑tili sslamt.

1 bṭrus 1:1

zġ‑bṭrus arqqas n‑yasuɛ lmasiḥ, i‑imẓlayn n‑rbbi lli‑akutnin, gn iġribn ġ‑tmizar n‑buntus ula galaṭiyya ula kabadukiyya ula asiyya ula bitiniyya.

1 bṭrus 1:7

izri fllawn mayan baš a‑tissanm is‑iṣḥa liman‑nnun. ašku iɛzza liman‑nnun bahra, uggʷar n‑uwrġ lli‑ifnnun wah̬h̬a‑da‑itṣfu s‑lɛafit. ašku ġmkan a‑s‑ra‑kʷn‑yalġ rbbi issattuy‑kʷn issimġur‑kʷn ġakud lliġ ra‑d‑yašk yasuɛ lmasiḥ ibayyn.

1 bṭrus 2:7

mayan a‑f‑darun‑iɛzza kunni lli‑srs‑yumnn. walaynni ityara‑daġ f‑willi ur‑rinin ad‑amnn, inna rbbi fllasn: «aẓru lli‑n‑luḥn ibnnayn, nttan a‑iwrrin iga ih̬f n‑uġẓu.»

1 bṭrus 5:1

rad‑ḍalbġ imġarn ġ‑gratun, nkki‑ad igan amġar zund kunni, gġ inigi f‑urfufn l‑lmasiḥ, ṭṭafġ taġamt ġ‑lmjd lli‑ra‑d‑iban.

2 bṭrus 1:4

d‑ġmkad a‑s‑aġ‑llant lbarakat hiyyanin ɛzzanin lli‑f‑inna rad‑aġ‑tnt‑ifk, baš a‑twrrim tgm ġmklli iga rbbi, tnjmm zġ‑kullu ma‑itawin ġ‑ddunit s‑lhalak f‑ssibt n‑maylli ittiri bnadm i‑ih̬f‑ns.

yahuda 1:1

zġ‑uh̬ddam n‑yasuɛ lmasiḥ, yahuda gʷmas n‑yaɛqub. i‑willi‑f‑iḥnna rbbi babatnnġ iġr‑asn‑d, ar‑tn‑issntal yasuɛ lmasiḥ.