1 bṭrus 5:9 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ ḍaḍḍat iblis tzgam ġ‑liman‑nnun, tissanm izd aytmatun ġ‑ddunit kullutt ar‑zrayn ġ‑trfufnt zund kunni.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ ضاضّات ءيبليس تزگام غ‑ليمان‑نّون، تيسّانم ءيزد ايتماتون غ‑دّونيت كولّوتّ ار‑زراين غ‑ترفوفنت زوند كونّي.

1 bṭrus 5:9 Iomraidhean Croise

luqa 22:32

walaynni ḍalbġ rbbi fllak a‑ur‑immt liman‑nnk. ġakud lliġ twrrit, ssdus aytmak.»

yuḥanna 16:33

kullu mayad nniġ‑awn‑t baš a‑tili sslamt‑inu ġ‑uwlawn‑nnun. takrrayt a‑rad‑awn‑yili ġ‑ddunit. walaynni zɛmat, ha‑yyi nriġ ddunit.»

irqqasn 14:22

ar‑ssdusn ulawn n‑imḥḍarn ar‑tn‑zzɛamn ad‑zgan ġ‑uġaras l‑lmasiḥ, ar‑asn‑ttinin: «s‑trfufnt iggutn a‑s‑d‑iqqan a‑nkšm s‑tgldit n‑rbbi.»

1 kurintus 10:13

ur‑fllawn‑tzri kra n‑tassast abla h̬talli kullu izrayn f‑mddn. imma rbbi izga‑bdda ġ‑wawal‑ns, ur‑ra‑kʷn‑yadj a‑ttyaramm uggʷar n‑ma‑mi‑tẓḍarm. hati ġakud nna‑tzraym ġ‑tassast rad‑awn‑iml mamnk a‑stti‑tnrum tnjmm zġ‑gis.

afsus 4:27

baš a‑ur‑tadjm i‑iblis manizġ a‑n‑srun‑ikšm.

afsus 6:16

tasim tamsntlt n‑‹ttiqa ġ‑rbbi› lli‑iẓḍarn a‑n‑fllawn‑tḥṣar kullu iẓḍkan jddrnin lli‑s‑a‑kʷn‑ikkat iblis.

kulussi 2:5

wah̬h̬a‑d‑fllawn‑yaggug‑uwdm‑inu, illa‑n‑didun‑uwl‑inu. hati frḥġ ġilad ġ‑fllawn‑sfldġ is‑tzgam ġ‑tamunt n‑ingratun tamẓm kullu ġ‑lmasiḥ.

1 tasaluniki 3:3

baš a‑ur‑iḍr yan gigun f‑ssibt n‑trfufnt lli‑ġ‑a‑tzraym. tssnm kunni is‑iqṣad rbbi a‑nzri ġ‑mayad,

1 timutaws 6:12

bkis ar‑tkkatt takrrayt l‑liman, tamẓt ġ‑tudrt idumn lli‑s‑ak‑iġra rbbi lliġ tnnit i‑inagan ggutnin f‑mamnk a‑tumnt s‑lmasiḥ.

2 timutaws 3:12

ašku kullu wanna iran a‑iskar ma‑irḍan rbbi s‑ism l‑lmasiḥ yasuɛ, tarfufnt a‑ġ‑ra‑izri.

2 timutaws 4:7

ha‑yyi nriġ tikrrayin lli‑kkatġ, kmmlġ aġaras lli‑ġ‑a‑tazzalġ, sul zgaġ ġ‑liman.

iɛbrin 11:33

ntni, f‑ssibt n‑mad‑umnn awal n‑rbbi a‑f‑nran tiglday, zzgan lḥqq, amẓn ma‑f‑asn‑inna rbbi, qqnn imawn n‑izmawn,

iɛbrin 12:8

mrad is‑a‑kʷn‑ur‑itrbba rbbi ġmklli ttrbban kullu mddn, ur‑ra‑tgm tarwa‑ns, walaynni zund tarwa n‑tsukt a‑ra‑tgm.

yaɛqub 4:7

mayan a‑f‑rad‑awn‑iniġ, fkat ih̬f‑nnun ġ‑ddu‑ufus n‑rbbi. ḍaḍḍat iblis s‑irwl zġ‑gigun.

1 bṭrus 1:6

frḥat s‑kullu mayad, wah̬h̬a iġ‑d‑iqqan ad‑awn‑ṭiyyr yat‑tasaɛt f‑ssibt n‑tnukmut ula tassast lli‑kʷn‑itarmn.

1 bṭrus 2:21

rbbi iġra‑yawn‑d a‑tzzraym mayad, ašku lmasiḥ irfufn ula ntta f‑ssibt‑nnun, iml‑awn ma‑ifulkin baš a‑tḍfurm latrt‑ns.

1 bṭrus 3:14

walaynni iġ‑idda ard trfufnm f‑ssibt l‑lḥqq, hati imbarkin a‑tgam. a‑ur‑ttiksaḍm yan ula‑da‑ttasim taġuft,

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

anurẓm 1:9

imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.

anurẓm 6:11

ġakudan a‑ityawfka i‑kraygatt yan gisn timlsit tumlilt, yini‑asn rbbi ad‑qln sul imikk ard ikmml ġunšk lli‑d‑iqqann zġ‑aytmatsn d‑imɛawann‑nsn lli‑rad‑nġn mddn ġmklli‑tn‑nġan ntni.

anurẓm 7:14

iniġ‑as: «kiyi a‑issnn a‑sidi.» yini‑yyi: «ntni gan ġwilli‑d‑ffuġnin zġ‑unukmu lli‑bahra‑išqan, sirdn timlsa‑nsn s‑idammn n‑ulqqaġ aylliġ mllulnt bahra.