1 bṭrus 5:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ ġmkan ula kunni a‑iɛyyaln, illa fllawn a‑tsflidm s‑imġarn‑nnun. bkisat kullukn s‑tbannka n‑ṣṣbr baš a‑tth̬damm i‑ngratun. ašku ityara: «rbbi ar‑itḍaḍḍa wanna issimġurn ih̬f‑ns, ar‑itbarak wanna iẓẓimẓayn ih̬f‑ns.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ غمكان ءولا كونّي ا‑يعيّالن، ءيلّا فلّاون ا‑تسفليدم س‑يمغارن‑نّون. بكيسات كولّوكن س‑تبانّكا ن‑صّبر باش ا‑تّخدامّ ءي‑نگراتون. اشكو ءيتيارا: «ربّي ار‑يتضاضّا وانّا ءيسّيمغورن ءيخف‑نس، ار‑يتباراك وانّا ءيژّيمژاين ءيخف‑نس.»

1 bṭrus 5:5 Iomraidhean Croise

luqa 22:26

imma kunni, a‑ur‑yili ġmkan ġ‑gratun, ašku ġwalli gigun imqqurn illa fllas a‑ig zund ġwalli imẓẓin, ig‑umzwaru zund ah̬ddam.

ruma 12:10

tḥubbwat i‑ngratun ġmklli tmḥubbun aytmatn, ar‑ittiri kraygatt yan a‑yuqqr wayyaḍ uggʷar n‑ih̬f‑ns.

ruma 13:14

lsat afulki n‑siditnnġ yasuɛ lmasiḥ bla‑da‑ttlhum s‑ddat ula ma‑ittiri bnadm i‑ih̬f‑ns.

afsus 5:21

illa f‑kud yan a‑isflid s‑wayyaḍ. ġmkad a‑s‑ra‑ttuqqarm lmasiḥ.

filibbi 2:3

a‑ur‑tskarm kra f‑a‑tzzwurm ih̬f‑nnun ula‑da‑ttirim a‑tmlm is‑tgam kra, walaynni ẓẓimẓayat ih̬f‑nnun ar‑bdda‑ttggam wiyyaḍ d‑ma‑kʷn‑yufn.

kulussi 3:12

kunni, imẓlayn n‑rbbi a‑tgam. ira‑kʷn iẓli‑kʷn a‑tgm wins. f‑mayan a‑f‑kʷn‑d‑iqqan a‑tɛmmrm s‑lḥnant, ar‑ttmɛawanm ar‑tẓẓimẓaym ih̬f‑nnun, ar‑ttrh̬um ar‑ttṣbarm i‑ngratun

1 timutaws 5:1

a‑ur‑tššḥššmt kra n‑ufqqir iġ‑iskr kra yʷh̬šnn, walaynni ssfhm‑as ma‑t‑ih̬ṣṣan zund iġ‑iga babak.

iɛbrin 13:17

sflidat s‑imġarn‑nnun ar‑tskarm s‑wawal‑nsn, ašku ar‑bdda‑srun‑traran lɛaql. iqqan‑tn‑d ad‑fllawn‑fkn lḥsab i‑rbbi. skarat s‑wawal‑nsn baš ad‑frḥn s‑twuri‑nsn, urd a‑tn‑fllas‑tigʷraẓ. ašku iġ‑tn‑tẓẓigʷraẓm ur‑rad‑awn‑tili lfaytt.

yaɛqub 4:6

walaynni uggʷar a‑tga lbaraka lli‑aġ‑yakka, ġmklli ityaran: «rbbi ar‑itḍaḍḍa wanna issimġurn ih̬f‑ns, walaynni ar‑itbarak wanna iẓẓimẓayn ih̬f‑ns.»

1 bṭrus 3:8

imma ġilad rad‑awn‑iniġ, a‑kullu‑tgm yan ġ‑ma‑tswingimm ula ma‑s‑a‑tssḥssum, ar‑ttḥubbum i‑ngratun s‑tayri n‑aytmatn, ar‑di‑ttadrm i‑ih̬f‑nnun ar‑ttḥnnum i‑ngratun.

1 bṭrus 4:1

mayan a‑f‑rad‑awn‑iniġ, lliġ irfufn lmasiḥ ġ‑ddat‑ns, illa fllawn a‑tbkism a‑trfufnm ula kunni. ašku wanna irfufnn ġ‑ddat‑ns ur‑sul‑a‑itlhu s‑ddnub.

1 bṭrus 4:5

walaynni iqqan‑tn‑d lḥsab ġ‑dar ġwalli yujadn a‑yut lḥukm f‑willi ddrnin ula ġwilli mmutnin.