1 bṭrus 5:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

1 bṭrus 5:10 Iomraidhean Croise

luqa 22:32

walaynni ḍalbġ rbbi fllak a‑ur‑immt liman‑nnk. ġakud lliġ twrrit, ssdus aytmak.»

ruma 15:13

ḍalbġ rbbi lli‑yakkan rrja, a‑kʷn‑iɛmmr s‑lfrḥ d‑sslamt iggutn ġilad ġ‑srs‑tumnm, baš a‑bahra‑gigun‑ittigat rrja‑yad s‑tḥkimt n‑rruḥ lqudus.

ruma 15:5

ḍalbġ rbbi lli‑yakkan ṣṣbr d‑zzɛamt, ad‑awn‑ifk a‑bdda‑di‑ttmšaškam i‑ngratun ġ‑tamunt l‑lmasiḥ yasuɛ,

ruma 16:25

imma ġilad, a‑nalġ rbbi lli‑iẓḍarn a‑kʷn‑izzga ġ‑liman‑nnun ġmklli‑awn‑nniġ s‑lh̬bar ifulkin lli‑s‑a‑tbrraḥġ f‑lmasiḥ yasuɛ.

ruma 9:11

lliġ ur‑ta‑d‑luln‑warraḍn‑an isawl rbbi s‑rifqa, ur‑ta‑skirn kra yʷh̬šnn ula kra išwan. yini‑as fllasn: «amzwaru ra‑ig ah̬ddam i‑wis sin.» ġmkad a‑tn‑ibḍa rbbi ašku iqṣad mayan, urd f‑ssibt n‑kra skrn ntni.

ruma 9:24

a‑tn‑igan d‑nkkʷni lli‑mi‑iġra zġ‑gr ayt‑yudaya ula‑daġ zġ‑gr ayt‑tmizar yaḍni. ġmklli inna rbbi ġ‑warra n‑nnabi hušaɛ:

1 kurintus 1:10

way‑aytma, ra‑kʷn‑ḍalbġ ġilad s‑ism n‑siditnnġ yasuɛ lmasiḥ, a‑d‑kullu‑tmšaškam bla‑da‑taṭṭum i‑ngratun. illa fllawn a‑tgm yan ġ‑iswingimn‑nnun d‑tnbaḍin‑nnun.

1 kurintus 1:9

rbbi iqama‑bdda ġ‑wawal‑ns. nttan ad‑awn‑d‑iġran a‑tkšmm ġ‑tamunt n‑yasuɛ lmasiḥ siditnnġ.

2 kurintus 13:11

way‑aytma, awal‑inu iggʷran iga‑t: frḥat, ar‑tskarm f‑ufulki, ar‑tzzɛamm i‑ngratun, tgm yan ġ‑iswingimn‑nnun, ar‑tzraym ġ‑sslamt. ġmkad a‑s‑rad‑bdda‑didun‑yili rbbi l‑lḥnant d‑sslamt.

2 kurintus 4:17

ašku tanukmut‑ad ifssusn ġ‑a‑nzray ussan‑ad drusnin, rad‑aġ‑tggʷru s‑lmjd idumn lli‑bahra‑yugʷrn kullu ġayad.

filibbi 4:13

ẓḍarġ i‑kraygatt kra s‑tdwast l‑lmasiḥ lli‑yyi‑issdusn.

kulussi 2:7

zzugzat tadrut n‑llsas‑nnun ġ‑lmasiḥ ar‑fllas‑tbnnum, tamẓm gis ar‑ttdusm ġmklli tlmdm, ar‑bdda‑ttškarm rbbi.

1 tasaluniki 2:12

ar‑kʷn‑ntnṣaḥ nini‑awn a‑tskarm ġmklli‑d‑iqqann ġwilli ganin win rbbi lli‑awn‑d‑iġran a‑tkšmm s‑tgldit‑ns ula lmjd‑ns.

2 tasaluniki 2:14

kullu mayad, iġra‑yawn‑d srs rbbi s‑lh̬bar ifulkin lli‑awn‑in‑niwi, baš ad‑awn‑tili taġamt ġ‑lmjd n‑siditnnġ yasuɛ lmasiḥ.

2 tasaluniki 2:17

ar‑t‑ntḍalab a‑bahra‑izzɛam issdus ulawn‑nnun baš a‑tskarm ar‑tsawalm s‑kullu ma‑ifulkin.

2 tasaluniki 3:3

imma siditnnġ iqama‑bdda ġ‑wawal‑ns, ra‑kʷn‑issdus issntal‑kʷn zġ‑walli yʷh̬šnn.

1 timutaws 6:12

bkis ar‑tkkatt takrrayt l‑liman, tamẓt ġ‑tudrt idumn lli‑s‑ak‑iġra rbbi lliġ tnnit i‑inagan ggutnin f‑mamnk a‑tumnt s‑lmasiḥ.

2 timutaws 1:9

ijjnjm‑aġ rbbi zġ‑ddnub‑nnġ iġr‑aġ a‑ng imẓlayn‑ns, urd f‑ssibt n‑kra nskar nkkʷni walaynni f‑ssibt n‑ma‑iqṣad nttan ad‑aġ‑ibark f‑uwdm l‑lmasiḥ yasuɛ ur‑ta‑ih̬lq ddunit.

2 timutaws 2:10

mayad a‑f‑a‑kullu‑tṣbarġ, baš ad‑tnjamn imẓlayn n‑rbbi f‑uwdm l‑lmasiḥ yasuɛ, kšmn s‑lmjd idumn.

iɛbrin 9:15

ġmkan a‑iskr lmasiḥ yal‑lɛhd l‑ljdid ġ‑gr rbbi d‑bnadm, išškšm srs ġwilli mi‑d‑iġra rbbi s‑lwrt idumn lli‑f‑asn‑inna rad‑asn‑yili. immut lmasiḥ baš a‑ifru mddn zġ‑ddnub lli‑skrn lliġ sul llan ġ‑lɛhd amzwaru.

1 bṭrus 1:15

walaynni skarat kullu s‑uwl iġusn, ġmklli iġus rbbi lli‑awn‑d‑iġran.

1 bṭrus 4:10

illa f‑kraygatt yan a‑iskar s‑twafka n‑rruḥ nna‑yas‑ifka rbbi, ar‑srs‑itɛawan wiyyaḍ s‑nniyt n‑uwl‑ns, baš a‑kullu‑ttmɛawanm i‑ngratun s‑lbarakat n‑rbbi lli‑ggutnin.

1 bṭrus 4:11

wanna isawaln, illa fllas a‑isawal s‑mad‑as‑imala rbbi. wanna itɛawann, illa fllas a‑itɛawan wiyyaḍ s‑tẓḍḍart lli‑as‑yakka rbbi. ġmkad a‑s‑rad‑kullu‑alġn mddn rbbi f‑ma‑tskarm s‑ism n‑yasuɛ lmasiḥ. nttan a‑mi‑illa lmjd d‑lquwwa ġilad ula kullu mayd‑d‑iftan, amin.

2 bṭrus 1:3

s‑tḥkimt‑ns itjhhdn a‑s‑aġ‑d‑ifka rbbi kullu ma‑nḥtajja baš a‑nddr ġ‑ddunit ar‑t‑ntrḍu. ašku nwrri nssn ġwalli‑aġ‑d‑iġran a‑nkšm s‑lmjd‑ns d‑ufulki‑ns.

1 yuḥanna 2:25

ašku s‑wawal izgan a‑s‑aġ‑imla mayad, yini‑aġ is‑rad‑aġ‑ifk tudrt idumn.

yahuda 1:24

imma ġwalli iẓḍarn a‑kʷn‑injja baš a‑ur‑tḍrm, isslkm‑kʷn‑in s‑lgddam l‑lmjd‑ns s‑lfrḥ iggutn bla gigun illa kra l‑lɛib, nttan a‑mi‑illa lmjd d‑tmuġra d‑tẓḍḍart d‑lquwwa ġilad ula kullu ġayd izrin ula kullu mayd‑d‑iftan. d‑ġmkad a‑f‑rad‑bdda‑ntalġ ġwalli igan rbbi anjjam‑nnġ s‑ism n‑siditnnġ yasuɛ lmasiḥ, amin.