1 bṭrus 5:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ rad‑ḍalbġ imġarn ġ‑gratun, nkki‑ad igan amġar zund kunni, gġ inigi f‑urfufn l‑lmasiḥ, ṭṭafġ taġamt ġ‑lmjd lli‑ra‑d‑iban.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

1 bṭrus 5:1 Iomraidhean Croise

luqa 24:48

kunni tgam inagan f‑tġawsiwin‑ad.

irqqasn 1:8

walaynni ra‑tɛmmrm s‑tḥkimt itjhhdn ġakud nna‑d‑fllawn‑igguz rruḥ lqudus. ra‑flla‑takkam tugga ġ‑urušalim ula kullu tamazirt n‑yudaya ula samira ar timizar aggugnin n‑ddunit.»

irqqasn 11:30

skrn ġmkan, azn‑tt i‑imġarn ġ‑urušalim f‑ufus n‑barnaba d‑šawl.

irqqasn 14:23

isti bulus d‑barnaba ġ‑kraygatt amnaggar mad‑asn‑itggan imġarn. ar‑tẓallan ar‑taẓumn ar‑tn‑faln ġ‑ufus n‑siditnnġ lli‑s‑umnn.

irqqasn 15:4

lliġ ruḥn urušalim ssmrḥban srsn ayt‑umnaggar d‑irqqasn d‑imġarn. yini‑asn bulus d‑barnaba f‑kullu ma‑srsn‑iskr rbbi.

irqqasn 15:6

mnaggarn ilmma irqqasn d‑imġarn baš ad‑mšawarn f‑tġawsa‑yad.

irqqasn 2:32

«hati yasuɛ a‑d‑issnkr rbbi zġ‑gr willi mmutnin. nga nkkʷni kullwaġ inagan f‑mayan, nẓra‑t.

irqqasn 20:17

lliġ illa bulus ġ‑militus yazn s‑imġarn n‑umnaggar ġ‑afsus, iḍalb‑asn ad‑d‑dars‑aškin.

irqqasn 20:28

awiyat‑stt ġilad ġ‑ih̬f‑nnun, tawim‑tt ula ġ‑tuwrut kullutt lli‑f‑kʷn‑irur rruḥ lqudus ad‑as‑tgm ingabaln, tksm amnaggar n‑rbbi lli‑isġa s‑idammn‑ns.

irqqasn 21:18

ndid azkka nmun d‑bulus a‑nẓr yaɛqub, ilin ġin imġarn kullutn.

irqqasn 3:15

imma rbbi issnkr‑t‑id zġ‑lmut. nga nkkʷni inagan f‑mayan, nẓra‑t.

2 kurintus 5:1

nssn mayad, iġ‑ttyawhlak‑th̬iyyamt lli‑igan ddat‑nnġ n‑ddunit‑ad, rad‑aġ‑ifk rbbi yat‑tzdġt ġ‑ignna. rad‑aġ‑ifk yat‑tgmmi lli‑ur‑ityawskarn s‑ifassn n‑bnadm, rad‑bdda‑tdum.

2 kurintus 5:8

mayan ad‑aġ‑izzɛamn bahra. niri a‑nfl ddat‑ad, nruḥ dar siditnnġ.

filibbi 1:19

ašku mayd‑iyi‑ijran, ssnġ is‑ra‑zgis‑njmġ tigira f‑ssibt n‑ma‑flla‑ttḍalabm rbbi ar‑iyi‑itɛawan rruḥ n‑yasuɛ lmasiḥ.

1 timutaws 5:1

a‑ur‑tššḥššmt kra n‑ufqqir iġ‑iskr kra yʷh̬šnn, walaynni ssfhm‑as ma‑t‑ih̬ṣṣan zund iġ‑iga babak.

1 timutaws 5:19

a‑ur‑tsfldt s‑yan itaštkkan s‑umġar iġ‑ur‑d‑yiwi sin nġd kraḍ inagan.

2 timutaws 4:8

rad‑iyi‑yili ttaj ġilad n‑yan irḍan rbbi. iḥḍa‑yyi‑t siditnnġ lli‑bdda‑iḥkamn s‑lḥqq, baš ad‑iyi‑t‑ifk ġ‑wass lli‑ġ‑ra‑d‑yašk. urd ġir nkki a‑mi‑ra‑yili, walaynni ra‑t‑ifk i‑kullu willi‑n‑gis‑rjanin ar‑srs‑tqln.

tiṭus 1:5

mayad a‑f‑k‑in‑flġ ġ‑igzir n‑krit, baš a‑tkmmlt ma‑iqaman ġ‑twuri, tẓlit kra n‑mddn ġ‑kraygatt tamdint ad‑gn imġarn n‑umnaggar ġmklli‑f‑k‑uṣṣaġ.

filimun 1:9

walaynni ssnġ is‑dark‑nɛzza. mayan a‑f‑riġ a‑t‑zgik‑ḍalbġ, nkki‑ad igan afqqir gġ ġilad aḥbbas f‑ism l‑lmasiḥ yasuɛ.

iɛbrin 12:1

imma ġilad ġ‑aġ‑tlulli‑tmdlut‑ad n‑inagan, illa fllannġ a‑nluḥ kullu mad‑aġ‑iẓẓuẓẓayn, nfl ddnub lli‑bdda‑ttirinin ad‑aġ‑ssmukrusn, baš a‑ntazzal bla‑da‑ntrmay ġ‑uġaras lli‑irẓmn ġ‑lgddam‑nnġ.

1 bṭrus 1:12

walaynni issbayyn‑asn‑d rbbi is‑urd f‑ssibt n‑ih̬f‑nsn a‑f‑a‑sawaln f‑tġawsiwin‑ad walaynni f‑ssibt‑nnun. imma ġilad tsfldm f‑kullu mayad f‑imi n‑willi‑awn‑in‑iwinin lh̬bar ifulkin, ar‑darun‑tbrraḥn s‑tḥkimt n‑rruḥ lqudus lli‑d‑ityazann zġ‑ignna. imma tiġawsiwin‑ad, ula lmalayka ar‑bahra‑ttirin ad‑issann mamnk ad‑gant.

1 bṭrus 1:7

izri fllawn mayan baš a‑tissanm is‑iṣḥa liman‑nnun. ašku iɛzza liman‑nnun bahra, uggʷar n‑uwrġ lli‑ifnnun wah̬h̬a‑da‑itṣfu s‑lɛafit. ašku ġmkan a‑s‑ra‑kʷn‑yalġ rbbi issattuy‑kʷn issimġur‑kʷn ġakud lliġ ra‑d‑yašk yasuɛ lmasiḥ ibayyn.

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

1 bṭrus 5:4

ġakud lliġ ra‑d‑yašk‑umksa imqqurn rad‑awn‑ifk ttaj l‑lmjd lli‑ur‑ra‑sar‑imdu.

1 yuḥanna 3:2

way‑aytma ɛzzanin, nga tarwa n‑rbbi ġilad. ur‑ta‑yaġ‑issbayyn ma‑ra‑ng ġ‑mayd‑d‑iftan, walaynni nssn mayad: ġakud lliġ ra‑d‑yašk lmasiḥ ra‑ng zund nttan, ašku ra‑t‑nẓr ġmklli iga.

2 yuḥanna 1:1

zġ‑umġar i‑tmġart tamẓlayt d‑tarwa‑ns. tɛzzam dari s‑lḥqq, nkki ula kullu willi ssnnin lḥqq.

3 yuḥanna 1:1

zġ‑umġar i‑gʷma iɛzzan gayus. tɛzzat dari s‑lḥqq.

anurẓm 1:9

imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.