1 bṭrus 4:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ walaynni taġawsa ihiyyan a‑stt‑igan, a‑ttḥnnum i‑ngratun, ašku lḥnant ar‑tssntal kigan d‑ddnub.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ والاينّي تاغاوسا ءيهيّان ا‑ستّ‑يگان، ا‑تّحنّوم ءي‑نگراتون، اشكو لحنانت ار‑تسّنتال كيگان د‑دّنوب.

1 bṭrus 4:8 Iomraidhean Croise

1 kurintus 13:1

iġ‑a‑sawalġ s‑iwaliwn n‑bnadm ula win lmalayka d‑nkki ur‑a‑tḥnnuġ, ur‑giġ abla zund nnaqus d‑tqrqawin s‑tṣtnnanayt d‑uqqryan.

1 kurintus 13:4

imma yan ġ‑tlla lḥnant, ar‑itṣbar ar‑itfulki d‑wiyyaḍ. ur‑a‑itḥsad ula‑da‑issimġur agayyu‑ns ula‑da‑itfššiš.

kulussi 3:14

zaydat i‑kullu mayad a‑bahra‑ttirim i‑ngratun, ašku tayri a‑iẓḍarn a‑tssmun kullu ma‑illan s‑tamunt ikmmln.

1 tasaluniki 3:12

ar‑ntḍalab siditnnġ ad‑awn‑bahra‑issigat tayri n‑ingratun ula tayri n‑kullu mddn, ġmklli‑kʷn‑bahra‑nttiri nkkʷni.

2 tasaluniki 1:3

way‑aytmatnnġ, iqqan‑aġ‑d a‑bdda‑ntškar rbbi fllawn, ig lḥqq ginnġ a‑t‑ntškar, ašku ar‑ttzayadm ar‑ttimġurm bahra ġ‑liman‑nnun, iwrri kud yan gigun ar‑bahra‑itḥnnu ġ‑wiyyaḍ.

1 timutaws 1:5

ġmkan a‑s‑k‑uṣṣaġ ašku riġ a‑nzayd ar‑ntɛmmar s‑lḥnant n‑willi dar ul iġusn issann is‑ur‑gisn lɛib amnn s‑lmasiḥ s‑nniyt ikmmln.

iɛbrin 13:1

zaydat ar‑bdda‑ttḥubbum i‑ngratun ġmklli tmḥubbun aytmatn.

yaɛqub 5:12

imma taġawsa ihiyyan ay‑aytma, tga ġmka: a‑ur‑ttgallam, la s‑ignna ula s‑wakal ula s‑kra n‑tgallit yaḍni. walaynni iġ‑iga‑wawal‑nnun «iyah» tinim «iyah.» iġ‑iga «uhu» tinim «uhu» baš a‑fllawn‑ur‑ittut lḥukm.

yaɛqub 5:20

swangmat mayad: wanna‑d‑irurn yan ijlan zġ‑ma‑yʷh̬šnn, ra‑t‑issanf i‑lmut l‑lih̬rt, issaggug‑t zġ‑kigan d‑ddnub.

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

3 yuḥanna 1:2

wa‑gʷma iɛzzan, ḍalbġ rbbi fllak a‑tilit s‑lh̬ir, tdust ġ‑ddat‑nnk ġmklli tdust ġ‑rruḥ‑nnk.