1 bṭrus 4:7 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ hati yakmur‑d isiggʷra n‑kullu ma‑illan. rarat lɛaql tġwim ġ‑ih̬f‑nnun baš a‑ttẓallam ar‑tḍalabm rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ هاتي ياكمور‑د ءيسيگُّرا ن‑كولّو ما‑يلّان. رارات لعاقل تغويم غ‑يخف‑نّون باش ا‑تّژالّام ار‑تضالابم ربّي.

1 bṭrus 4:7 Iomraidhean Croise

matta 24:42

ḍufat ašku ur‑tssinm man ass a‑ra‑d‑yašk siditun.

matta 25:13

izayd yasuɛ yini‑asn: «ḍufat ašku ur‑tssinm man ass ula man tasaɛt a‑rad‑d‑aškġ.

luqa 21:34

«awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

luqa 21:36

rarat lɛaql tḍufm‑bdda ar‑ttḍalabm rbbi a‑kʷn‑issdus a‑tnjmm zġ‑kullu ġaylli ra‑ijru, tbiddm ġ‑lgddam n‑yus n‑bnadm tzgam.»

luqa 22:46

yini‑asn: «mah̬ a‑teṭṭasm? nkrat tḍalbm rbbi a‑kʷn‑issanf i‑kullu ma‑ra‑kʷn‑ijllu.»

ruma 12:12

frḥat ġ‑rrja, tṣbrm ġ‑trfufnt, tzaydm ġ‑tẓulla.

1 kurintus 15:24

iruḥ‑d ilmma isiggʷra, ihlk lmasiḥ kullu larwaḥ ula ssulṭat ula lquwwat n‑ignwan irar‑d tagldit i‑rbbi babas.

1 kurintus 7:29

way‑aytma rad‑awn‑iniġ, ur‑sul‑tqama luqt iggutn. ġilad s‑uflla illa f‑willi ṭṭafnin tamġart ad‑skarn zund iġ‑tt‑ur‑ṭṭafn.

afsus 6:18

ar‑ttẓallam ġ‑kraygatt luqt ġmklli‑awn‑imala rruḥ lqudus, ar‑ttḍalabm rbbi f‑kraygatt kra, trarm lɛaql bla‑da‑ttrmaym, ar‑bdda‑ti‑ttḍalbm a‑itɛawan kullu willi iẓli ad‑gn wins.

filibbi 4:5

mlat i‑kullu mddn mnšk a‑illa ṣṣbr‑nnun. hati yakmur‑d siditnnġ.

kulussi 4:2

zaydat ar‑bdda‑ttẓallam ar‑tḍalabm rbbi, trarm lɛaql s‑mad‑as‑ttinim ar‑ti‑ttškarm bahra.

2 timutaws 4:5

imma kiyi ih̬ṣṣa‑k a‑bdda‑tġwit ġ‑ih̬f‑nnk, tṣbrt i‑trfufnt, ar‑tth̬damt s‑tbrraḥt l‑lh̬bar ifulkin. skar kullu ma‑d‑iqqann wad igan ah̬ddam n‑rbbi.

tiṭus 2:12

ar‑aġ‑isslmad a‑ntanf i‑kullu ma‑t‑ur‑irḍin ula ššhwat n‑ddunit‑ad. ar‑aġ‑isslmad a‑ntnbaḍ ġ‑ih̬f‑nnġ ar‑nskar s‑lḥqq ula kullu ma‑t‑irḍan ġilad ġ‑sul‑nqama ġ‑ddunit.

iɛbrin 10:25

a‑ur‑nssikki f‑umnaggar n‑ingratnnġ ġmklli skarn kra n‑mddn, walaynni a‑nzzɛam i‑ngratnnġ, ġilad s‑uggʷar ašku ar‑ttmnadm is‑a‑d‑itakmur‑wass lli‑ġ‑ra‑d‑yašk siditnnġ.

iɛbrin 9:26

ašku ur‑t‑id‑iqqan a‑immt kigan d‑twaliw zġ‑lliġ ttyawh̬laq ddunit. walaynni yat‑twal a‑d‑yuška ġ‑isiggʷra n‑ddunit, baš a‑immt issitti ddnub f‑bnadm.

1 bṭrus 1:13

f‑mayan a‑f‑rad‑awn‑iniġ, bkisat ih̬f‑nnun trarm lɛaql, tzgam bahra ġ‑rrja lli‑s‑a‑ttrjum f‑lbaraka lli‑rad‑awn‑yili ġakud lliġ ra‑d‑yašk yasuɛ lmasiḥ ibayyn.

1 bṭrus 3:7

ġmkan ula kunni a‑irgazn, illa fllawn a‑tswingimm ġ‑tmġarin‑nnun, tzdġm didsnt bla‑da‑tettum is‑ur‑bahra‑dusnt zund kunni, ar‑tnti‑ttuqqarm ašku wrtnt ula ntnti didun lbaraka n‑tudrt idumn. skarat ġmkan baš a‑ur‑darun‑yili ma‑itḥṣarn tiẓulla‑nnun i‑rbbi.

1 bṭrus 5:8

amẓat ġ‑ih̬f‑nnun trarm lɛaql, ašku ar‑itlli‑unuwwaš‑nnun iblis zund izm, ar‑inddr ar‑isiggil s‑ma‑iqqʷay.

anurẓm 16:15

inna siditnnġ: «hati ra‑n‑aškġ zund amh̬h̬ar. ambarki a‑ra‑ig wanna iḍufn yawi dids timlsa‑ns a‑ur‑iffuġ bla yat iḥšm ġ‑lgddam n‑mddn.»