1 bṭrus 4:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ġayd izrin tkkam‑ttin ar‑tskarm ma‑iɛzzan dar ġwilli ur‑ssinnin rbbi, imma ġilad yuwda‑kʷn ġ‑ma‑yʷh̬šnn. han ntni ar‑tfsadn ar‑tšthun, ar‑ssnufuln ih̬f‑nsn s‑tissi, ar‑tmunun f‑lh̬ʷšant, ar‑skarn lɛib i‑ngratsn, ar‑tɛbadn ilahat n‑ddunit‑ad s‑tjlh̬it‑nsn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ غايد ءيزرين تكّام‑تّين ار‑تسكارم ما‑يعزّان دار غويلّي ءور‑سّينّين ربّي، ءيمّا غيلاد يوودا‑كُن غ‑ما‑يُخشنّ. هان نتني ار‑تفسادن ار‑تشتهون، ار‑سّنوفولن ءيخف‑نسن س‑تيسّي، ار‑تمونون ف‑لخُشانت، ار‑سكارن لعيب ءي‑نگراتسن، ار‑تعبادن ءيلاهات ن‑دّونيت‑اد س‑تجلخيت‑نسن.

1 bṭrus 4:3 Iomraidhean Croise

marqus 7:22

d‑ṭṭmaɛ d‑lmunkr d‑lġʷšš d‑ššhwat d‑tnuwwašt d‑tkndawt d‑lkibr d‑unufl.

irqqasn 17:30

ġayd izrin iṣbr rbbi d‑willi ur‑ssinnin mayan. imma ġilad yumr kullu mddn ġ‑kraygatt mani ad‑fln kullu mad‑skarn yʷh̬šn.

ruma 13:13

yili fllannġ a‑nskar ġmklli‑d‑iqqann ayt‑uzal. a‑ur‑ttmunum f‑tillay ʷh̬šnnin ula‑da‑tssnufulm ih̬fawn‑nnun s‑tissi. a‑ur‑ttšthum ula‑da‑ttfsadm. a‑ur‑ttmmaġm ula‑da‑ttnuwwašm.

1 kurintus 12:2

swangmad‑d mamnk a‑tjlam ġ‑uwssan lli‑ġ‑ur‑ta‑tssinm rbbi, yili gigun ma‑kʷn‑itawin a‑ttɛbadm laṣnam iẓnẓam.

1 kurintus 6:11

ula kunni, kra gigun ikka‑ttin ar‑iskar ġmkan, walaynni isird‑kʷn siditnnġ yasuɛ lmasiḥ s‑rruḥ n‑rbbi‑nnġ, iẓli‑kʷn iskr sslamt ġ‑gratun d‑rbbi.

2 kurintus 12:21

ksuḍġ a‑yyi‑yadj rbbi ard‑iyi‑tigʷraẓ ġ‑gratun ġakud nna‑n‑darun‑uškiġ, ar‑allaġ f‑ma‑gigun‑iggutn ur‑rin ad‑fln lh̬ʷšant lli‑myarn ġayd izrin, ar‑sul‑tfsadn ar‑tznun ar‑tšthun i‑ngratsn.

گالاطيّا 5:19

han iskkirn n‑bnadm, nssn mamnk ad‑gan. ar‑tznun ar‑tfsadn ar‑tšthun i‑ngratsn,

گالاطيّا 5:21

ar‑ttirin ad‑amẓn ma‑ur‑igin winsn, ar‑tnufuln s‑tissi ar‑tmunun f‑tillay‑nsn ʷh̬šnnin, kullu iskkirn‑ad d‑ma‑tn‑irwasn. rad‑awn‑iniġ s‑lmɛqul ġmklli‑awn‑nniġ ġayd izrin, ġwilli skarnin ġmkan ur‑rad‑kšmn s‑tgldit n‑rbbi.

afsus 5:18

a‑ur‑tssnufulm ih̬f‑nnun s‑tissi lli‑ithlakn mddn, walaynni tɛmmarat s‑rruḥ lqudus

1 tasaluniki 4:5

a‑ur‑tgm zund ayt‑tmizar lli‑ur‑ssinnin rbbi, ar‑tn‑tnrunt ššhwat‑nsn.

tiṭus 3:3

ula nkkʷni nkka‑ttin nga inafaln imɛṣan imjlan, ntyawkrraf ġ‑ššhwat ula kullu ma‑s‑a‑ttblun mddn. nkka‑ttin ar‑nzzray ussan‑nnġ s‑tnuwwašt d‑iskkirn ʷh̬šnnin, ar‑aġ‑tkrhun mddn ar‑tn‑ntkrhu ula nkkʷni.

1 bṭrus 1:14

skarat s‑wawal n‑rbbi, ġmklli skarn tarwa s‑wawal n‑ayt‑darsn. a‑ur‑sul‑ttlhum s‑ġaylli sttin tkkam ar‑ttirim i‑ih̬f‑nnun lliġ ur‑ta‑tssinm lḥqq.

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.