1 bṭrus 4:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² ur‑sul‑a‑izzray ussan‑ns ġ‑ma‑ittiri bnadm i‑ih̬f‑ns, walaynni ar‑izzray mad‑as‑iqaman ġ‑ddunit‑ad ġ‑ma‑irḍan rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءور‑سول‑ا‑يزّراي ءوسّان‑نس غ‑ما‑يتّيري بنادم ءي‑يخف‑نس، والاينّي ار‑يزّراي ماد‑اس‑يقامان غ‑دّونيت‑اد غ‑ما‑يرضان ربّي.

1 bṭrus 4:2 Iomraidhean Croise

matta 12:50

ašku wanna iskarn ma‑ira baba rbbi n‑ignna, nttan a‑igan gʷma, ig ulltma, ig inna.»

matta 20:4

yini‑asn: ‹aškad‑d th̬dmm ula kunni ġ‑igr n‑waḍil, rad‑awn‑fkġ tiġrad nna‑yawn‑igan.› ddun ula ntni s‑igr.

matta 21:31

isqsa‑tn yasuɛ: «manwa ġ‑sin‑ad a‑iskrn ma‑ira babas?» inin‑as: «amzwaru.» irar‑asn yasuɛ: «lḥqq a‑rad‑awn‑iniġ, ar‑kʷn‑zggurunt‑tmgganin d‑ayt‑nkkas s‑tgldit n‑rbbi.

matta 7:21

«han urd kullu wanna‑yyi‑ittinin ‹wa‑sidi, wa‑sidi› a‑ra‑ikšm s‑tgldit n‑ignna. ur‑ra‑srs‑ikšm abla ġwilli skarnin ma‑ittiri baba lli‑illan ġ‑ignna.

marqus 3:35

ašku wanna iskarn ma‑ira rbbi, nttan a‑igan gʷma ig ulltma ig inna.»

marqus 7:21

ašku zġ‑ugʷns n‑uwl n‑bnadm, a‑zġ‑a‑di‑tffuġn iswingimn ʷh̬šnnin d‑lfsad d‑tmh̬h̬art d‑tnaġa d‑zzna

yuḥanna 1:13

ntni, urd s‑tlalit n‑waḥlig a‑s‑luln nġd s‑tayri n‑ddat nġd s‑tayri n‑urgaz, walaynni rbbi a‑tn‑igan d‑tarwa‑ns.

yuḥanna 7:17

wanna iran a‑iskar ma‑ira rbbi, nttan a‑ra‑yissan almmud‑ad izd dar rbbi a‑zġ‑d‑yuška nġd ar‑d‑sawalġ zġ‑ih̬f‑inu.

ruma 12:2

a‑ur‑tskarm zund mddn n‑ddunit‑ad, walaynni adjat rbbi a‑kʷn‑irar a‑tgm ljdid, ibddl kullu tinbaḍin l‑lɛaql‑nnun. ġmkan a‑s‑ra‑tissanm ma‑gigun‑ittiri rbbi ifulki irḍu srs yuf kullu kra illan.

ruma 14:7

kullwaġ, iġ‑nddr ula iġ‑nmmut, urd ih̬f‑nnġ a‑ntrḍu.

ruma 6:11

ġmkad a‑kʷn‑d‑iqqan ula kunni a‑tgm ih̬f‑nnun d‑willi mmutnin i‑ddnub tddrm i‑rbbi f‑ssibt n‑ma‑tgam win lmasiḥ yasuɛ.

ruma 6:2

uhu, urd ġmkan a‑ra‑nskar. ašku nkkʷni nmmut i‑ddnub. mamnk a‑ra‑niri a‑sul‑gisn‑nzayd?

ruma 7:4

ġmkad a‑tgam ula kunni ay‑aytma. tmmutm s‑lmut l‑lmasiḥ i‑ma‑igan win ššrɛ, iṭṭaf‑kʷn yan yaḍni, a‑t‑igan d‑walli‑d‑inkrn zġ‑lmut baš a‑nskar lġllt ifulkin i‑rbbi.

2 kurintus 5:15

immut ntta f‑ssibt n‑kullu mddn baš ad‑wrrin ġwilli ddrnin a‑ur‑sul‑skarn f‑ad‑rḍun ih̬f‑nsn walaynni ad‑rḍun ġwalli immutn inkr‑d zġ‑lmut f‑ssibt‑nsn.

afsus 2:3

nkka‑ttin kullwaġ ar‑didsn‑nttidu ġ‑uġaras‑an ar‑nskar s‑kullu ma‑ira bnadm i‑ih̬f‑ns ar‑tt‑ntawi ġir ġ‑iswingimn‑nnġ ula ššhwat‑nnġ. ula nkkʷni ġ‑uwssan‑an, illa fllannġ lġaḍab n‑rbbi zund kullu mddn.

afsus 4:17

imma ġilad ra‑kʷn‑uṣṣaġ s‑ism n‑siditnnġ, iniġ‑awn a‑ur‑sul‑tskarm zund ġwilli ur‑ssinnin rbbi. ntni jlan‑tn iswingimn‑nsn bahra,

afsus 5:17

a‑ur‑tjlum d‑ih̬f‑nnun walaynni ẓrat ma‑gigun‑ittiri rbbi.

afsus 6:6

a‑ur‑tskarm ġir baš a‑kʷn‑ẓrn mddn škrn‑kʷn, walaynni h̬dmat ġmklli‑d‑iqqann ih̬ddamn l‑lmasiḥ, ar‑bdda‑tskarm ma‑ira rbbi s‑nniyt‑nnun.

kulussi 1:9

f‑mayan a‑f‑a‑bdda‑ntẓalla ar‑ntḍalab rbbi f‑ssibt‑nnun, zġ‑wass lli‑ġ‑fllawn‑nsfld sul s‑ġassad. ar‑t‑ntḍalab ad‑awn‑issbayyn kullu ma‑gigun‑ittiri s‑twassna ula taḥkimt lli‑rad‑awn‑imala rruḥ lqudus.

kulussi 3:3

ašku tmmutm f‑tudrt lli‑izrin, trgs tudrt‑nnun l‑ljdid ġ‑dar rbbi ġ‑illiġ irgs lmasiḥ.

kulussi 4:12

ar‑n‑fllawn‑itsllam abafras. iga zġ‑gigun ula ntta, ig ah̬ddam l‑lmasiḥ yasuɛ. s‑nniyt‑ns a‑s‑a‑itẓalla bahra f‑ssibt‑nnun, baš a‑tdusm tzgam ġ‑uġaras n‑rbbi ar‑tskarm kullu ma‑gigun‑ira rbbi.

1 tasaluniki 5:18

ar‑ttškarm rbbi ġmknna iga lḥal, ašku ġmkad a‑gigun‑ira ġ‑tamunt l‑lmasiḥ yasuɛ.

iɛbrin 13:21

ḍalbġ‑as ad‑awn‑yakka kullu ma‑igan afulki, baš a‑tskarm ma‑ittiri. ḍalbġ‑as a‑ginnġ‑iskr kullu ma‑t‑itrḍun s‑ism n‑yasuɛ lmasiḥ. nttan a‑bahra‑ntalġ ġilad ula kullu mayd‑d‑iftan. amin.

yaɛqub 1:18

iskr ma‑iqṣad, ifk‑aġ tudrt l‑ljdid s‑wawal l‑lḥqq, baš a‑nwrri ng lġllt tamnzut n‑kullu ma‑ih̬lq.

1 bṭrus 1:14

skarat s‑wawal n‑rbbi, ġmklli skarn tarwa s‑wawal n‑ayt‑darsn. a‑ur‑sul‑ttlhum s‑ġaylli sttin tkkam ar‑ttirim i‑ih̬f‑nnun lliġ ur‑ta‑tssinm lḥqq.

1 bṭrus 2:1

f‑mayad a‑f‑rad‑awn‑iniġ, luḥat‑n s‑kullu ma‑igan tanuwwašt ula tikrkas. a‑ur‑tskarm ġ‑lgddam n‑mddn ma‑ur‑tgim. ad‑awn‑ur‑ṭiyyr f‑wiyyaḍ ṭṭafnin kra tram i‑ih̬f‑nnun, ula‑da‑trggmm ġ‑yan.

1 yuḥanna 2:17

ar‑tzray ddunit ula kullu ma‑gis‑ttirin mddn, imma yan iskarn s‑ma‑ira rbbi, ra‑iddr tudrt idumn.