1 bṭrus 4:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ illa f‑kraygatt yan a‑iskar s‑twafka n‑rruḥ nna‑yas‑ifka rbbi, ar‑srs‑itɛawan wiyyaḍ s‑nniyt n‑uwl‑ns, baš a‑kullu‑ttmɛawanm i‑ngratun s‑lbarakat n‑rbbi lli‑ggutnin.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ ءيلّا ف‑كرايگاتّ يان ا‑يسكار س‑توافكا ن‑رّوح نّا‑ياس‑يفكا ربّي، ار‑سرس‑يتعاوان وييّاض س‑نّييت ن‑وول‑نس، باش ا‑كولّو‑تّمعاوانم ءي‑نگراتون س‑لباراكات ن‑ربّي لّي‑گّوتنين.

1 bṭrus 4:10 Iomraidhean Croise

matta 20:28

ula nkki lli‑igan yus n‑bnadm, ur‑d‑uškiġ ad‑flla‑th̬damn mddn. uškiġ‑d ad‑th̬damġ, fkġ tudrt‑inu ad‑fukkuġ ma‑iggutn.»

matta 24:14

ra‑ttbrraḥm ġ‑kullu ddunit s‑lh̬bar ifulkin n‑tgldit n‑ignna ard lkmnt tugga‑nnun kraygatt tamazirt. ġakudan a‑ra‑d‑iruḥ isiggʷra.

matta 24:21

ašku ra‑tili‑tnukmut ġ‑uwssan‑an, ur‑jju‑tlli zund nttat zġ‑isizwar n‑ddunit sul s‑ġilad, ula rad‑daġ‑tili zund nttat.

matta 24:45

«manwa igan ah̬ddam ifulkin bab‑lɛaql? nttan a‑mi‑ra‑ifl sidis tigmmi ġ‑ddu‑ufus‑ns, baš a‑yakka i‑ih̬ddamn yaḍni ad‑šttan kraygatt yan ġ‑tasaɛt‑ns.

matta 25:17

ġmkad a‑iskr ula ġwalli dar snat luznat, irar‑d srsnt snat yaḍni.

matta 25:44

ġakudan ra‑yyi‑sqsan ula ntni ‹managu a‑sidi a‑k‑nẓra yaġ‑k laẓ nġd irifi, nġd tgit aġrib nġd yaġ‑k‑usmmiḍ nġd tuḍnt nġd tllit ġ‑lḥbs ur‑n‑dark‑nuški a‑k‑nɛawn?›

marqus 10:45

ula nkki lli‑igan yus n‑bnadm, ur‑d‑uškiġ ad‑flla‑th̬damn mddn. uškiġ‑d ad‑th̬damġ, fkġ tudrt‑inu ad‑fukkuġ ma‑iggutn.»

luqa 12:42

isawl siditnnġ yini: «manwa igan ah̬ddam ifulkin bab l‑lɛaql? nttan a‑mi‑ra‑ifl sidis tigmmi‑ns baš a‑yaṭṭu f‑ih̬ddamn yaḍni ad‑šttan, kraygatt yan ġ‑tasaɛt‑ns.

luqa 19:13

lliġ ur‑ta‑iddi iġra‑d i‑mraw ih̬ddamn‑ns s‑dars, ifk i‑kraygatt yan gisn yan‑uqarid n‑uwrġ, yini‑asn: ‹zaydat ar‑tsaġm ar‑tzznzam ard‑d‑wrriġ.›

luqa 8:3

tili yuwanna tamġart n‑h̬uzi lli‑igan amġar ġ‑tgmmi n‑ugllid hirudus. tili susanna d‑tiyyaḍ ggutnin, ar‑tɛawannt yasuɛ d‑imḥḍarn‑ns zġ‑ma‑igan winsnt.

ruma 15:25

imma ġilad rad‑dduġ zwar s‑urušalim ad‑ɛawnġ imẓlayn n‑rbbi ġin.

ruma 15:27

ibayyn‑asn is‑ifulki ad‑skrn mayad, ašku illa fllasn ntni n‑ayt‑tmizar yaḍni ad‑rarn lh̬ir i‑ayt‑yudaya. iqqan‑tn‑d a‑tn‑tɛawann s‑lbarakat n‑ddat, ašku umẓn zġ‑darsn lbarakat n‑rruḥ.

1 kurintus 15:10

walaynni rbbi iskr‑iyi afulki ifk‑iyi ad‑gġ mad‑giġ ġilad. urd bla lfaytt ad‑iyi‑iskr afulki, ašku wrriġ ar‑th̬damġ uggʷar n‑kullu wiyyaḍ, wah̬h̬a urd nkki a‑t‑iskarn walaynni lbaraka n‑rbbi lli‑dari‑illan.

1 kurintus 3:10

rbbi ibark gigi ifk‑iyi a‑n‑darun‑srsġ llsas zund iġ‑giġ lmɛllm abnnay. ġilad ar‑fllas‑bnnun mddn yaḍni, walaynni illa f‑kud yan a‑stt‑itawi ġ‑mamnk a‑ibnnu.

1 kurintus 4:7

ašku ma‑k‑ibḍan d‑wiyyaḍ? ma‑dark‑illan bla‑yak‑t‑ifka rbbi? walaynni lliġd rbbi ad‑ak‑t‑ifkan, mah̬ aylliġ a‑tssfurrugt zund iġd ih̬f‑nnk a‑d‑ikka?

2 kurintus 6:1

s‑ism n‑rbbi lli‑d‑nh̬dm, nḍalb‑kʷn a‑ur‑tadjm rrḥmt‑ns lli‑s‑tumnm a‑tḍr bla lfaytt ġ‑darun.

2 kurintus 9:1

ur‑iyi‑ih̬ṣṣa ad‑zaydġ araġ‑awn‑in f‑lmɛawnt lli‑ra‑nawi i‑imẓlayn ġ‑urušalim,

afsus 3:8

wah̬h̬a mẓẓiġ bahra ġ‑gr kullu imẓlayn n‑rbbi, ifka‑yyi lbaraka‑yad ad‑tbrraḥġ i‑ayt‑tmizar n‑ddunit f‑tmih̬ar l‑lmasiḥ lli‑ugʷrnin kullu iswingimn n‑bnadm.

afsus 4:11

nttan a‑ifkan i‑kra ginnġ ad‑gn irqqasn‑ns, ifk i‑wiyyaḍ ad‑sawaln s‑mad‑asn‑imala rbbi, ifk i‑wiyyaḍ ad‑tbrraḥn s‑lh̬bar ifulkin, ifk i‑wiyyaḍ ad‑tgabaln ar‑sslmadn mddn‑ns

2 timutaws 1:18

ḍalbġ siditnnġ ad‑as‑issigt rrḥmt ġ‑wass l‑lḥsab. tssnt mamnk a‑yyi‑iɛawn bahra ula ġ‑tmdint n‑afsus.

tiṭus 1:7

iqqan‑d angabal a‑ig wad ġ‑ur‑akkʷ‑illi kra l‑lɛib ašku tawuri n‑rbbi a‑ra‑igabl. a‑ur‑ig wad itḥgarn wiyyaḍ nġd wad itqlaqaln nġd wad bahra issan tissi iktin nġd wad itmmaġn nġd wad ittirin a‑issmun ma‑iggutn i‑ih̬f‑ns.

iɛbrin 6:10

nttan, s‑lḥqq a‑s‑a‑itḥkam. ur‑ra‑ittu tawuri lli‑tskrm ula ittu mamnk a‑tusim ism‑ns s‑lfrḥ tɛawanm imẓlayn‑ns, ar‑tn‑sul‑ttɛawanm.

1 bṭrus 5:10

walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

1 bṭrus 5:12

tabrat‑ad igzzuln uriġ‑awn‑tt‑in f‑ufus n‑silwanus lli‑dari‑igan gʷma ifulkin izgan. araġ‑tt‑in baš a‑kʷn‑zzɛamġ, mlġ‑awn izd ġmkad a‑tga lbaraka n‑rbbi s‑lḥqq. zgayat ġ‑lbaraka‑yad.