1 bṭrus 3:7 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ ġmkan ula kunni a‑irgazn, illa fllawn a‑tswingimm ġ‑tmġarin‑nnun, tzdġm didsnt bla‑da‑tettum is‑ur‑bahra‑dusnt zund kunni, ar‑tnti‑ttuqqarm ašku wrtnt ula ntnti didun lbaraka n‑tudrt idumn. skarat ġmkan baš a‑ur‑darun‑yili ma‑itḥṣarn tiẓulla‑nnun i‑rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ غمكان ءولا كونّي ا‑يرگازن، ءيلّا فلّاون ا‑تسوينگيمّ غ‑تمغارين‑نّون، تزدغم ديدسنت بلا‑دا‑تتّوم ءيس‑ور‑باهرا‑دوسنت زوند كونّي، ار‑تنتي‑تّوقّارم اشكو وورتنت ءولا نتنتي ديدون لباراكا ن‑تودرت ءيدومن. سكارات غمكان باش ا‑ور‑دارون‑ييلي ما‑يتحصارن تيژولّا‑نّون ءي‑ربّي.

1 bṭrus 3:7 Iomraidhean Croise

matta 18:19

rad‑awn‑iniġ kra yaḍni, iġ‑d‑mšaškan sin gigun ġ‑ddunit f‑kra ḍalbn i‑baba rbbi n‑ignna, rad‑asn‑yili.

1 kurintus 7:3

illa f‑urgaz a‑ifk i‑tmġart‑ns lḥqq n‑tmġart, yili f‑tmġart a‑tfk i‑urgaz‑ns lḥqq n‑urgaz.

afsus 3:6

iml‑aġ‑d lh̬bar ifulkin n‑is‑rad‑kšmn ayt‑tmizar yaḍni ġ‑lbarakat n‑ayt‑rbbi ula ġ‑umnaggar n‑willi ganin wins, amẓn ula ntni kullu ma‑inna rbbi rad‑aġ‑t‑ifk f‑uwdm l‑lmasiḥ yasuɛ.

afsus 4:30

a‑ur‑tti‑tssṭiyyarm i‑rruḥ lqudus n‑rbbi lli‑awn‑ifka baš a‑ig tamatart n‑is‑tgam wins ar‑d‑iruḥ‑wass lli‑ġ‑ra‑kʷn‑ifukku zġ‑ddunit‑ad.

afsus 5:33

walaynni imla‑yaġ‑daġ is‑illa f‑kraygatt yan gigun a‑bdda‑itḥnnu ġ‑tmġart‑ns zund ih̬f‑ns, yili f‑tmġart a‑bdda‑tsflid s‑urgaz‑ns.

afsus 6:18

ar‑ttẓallam ġ‑kraygatt luqt ġmklli‑awn‑imala rruḥ lqudus, ar‑ttḍalabm rbbi f‑kraygatt kra, trarm lɛaql bla‑da‑ttrmaym, ar‑bdda‑ti‑ttḍalbm a‑itɛawan kullu willi iẓli ad‑gn wins.

kulussi 3:19

imma kunni a‑irgazn, illa f‑kraygatt yan a‑itḥnnu ġ‑tmġart‑ns bla‑da‑dids‑itšqu.

1 tasaluniki 4:4

illa f‑kud yan a‑yissan mamnk a‑ra‑yuqqr tamġart‑ns yili‑tt s‑uwl iġusn.

tiṭus 3:7

ġmkad a‑s‑ginnġ‑iḥnna rbbi iskr sslamt ġ‑gratnnġ dids ifk‑aġ lwrt n‑tudrt idumn lli‑n‑nrja ġilad.

iɛbrin 1:14

ašku lmalayka ur‑gin ġir larwaḥ lli‑th̬damnin i‑rbbi, ar‑tn‑d‑itazn ad‑qasan ġwilli ra‑injm.

1 bṭrus 3:1

ġmkan ula kunninti a‑timġarin, illa fllawnt a‑tsflidmt s‑irgazn‑nnunt. ašku iġ‑ur‑iri‑urgaz awal n‑rbbi, ra‑srs‑iwrri bla‑yas‑tnnit yat lliġ a‑itmnad mamnk a‑tskart,