1 bṭrus 3:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ walaynni ih̬ṣṣa a‑ig‑ufulki‑nnunt afulki intln n‑uwl ihnnan iɛmmrn s‑lḥnant. ur‑sar‑iḍr‑ufulki‑ad, iɛzzu bahra dar rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ والاينّي ءيخصّا ا‑يگ‑وفولكي‑نّونت افولكي ءينتلن ن‑وول ءيهنّان ءيعمّرن س‑لحنانت. ءور‑سار‑يضر‑وفولكي‑اد، ءيعزّو باهرا دار ربّي.

1 bṭrus 3:4 Iomraidhean Croise

matta 11:29

gat‑n fllawn iḥlasn‑inu ar‑zgigi‑ttlmadm, ašku ihnna‑uwl‑inu iɛmmr s‑ṣṣbr, tafm gigi asunfu i‑ih̬f‑nnun.

matta 21:5

«iniyat i‑tmdint n‑ayt‑rbbi, hay‑agllid‑nnm yuška‑d srm. yudr i‑ih̬f‑ns, ini f‑uġiyyul ula f‑usnus n‑tġiyyult.»

matta 23:26

way‑afarisi abukaḍ, ssġus zwar lkas ula timkilt zġ‑ugʷns, iġus ilmma ula brra.

matta 5:5

imbarkin ad‑gan ġwilli tṣbarnin, ašku ntni a‑ra‑išškšm rbbi s‑kullu timih̬ar‑ns.

luqa 11:40

wa‑inafaln, rbbi lli‑iskrn brra, is‑urd nttan a‑iskrn agʷns?

luqa 16:15

imma ntta irur‑asn: «ha‑kunni ar‑tmalam ih̬fawn‑nnun ġ‑lgddam n‑mddn baš a‑fllawn‑ttinin tfulkim, walaynni rbbi issn ma‑illan ġ‑uwlawn‑nnun. ašku ġaylli iɛzzan dar mddn, tajlh̬it a‑iga dar rbbi.

ruma 1:23

unfn i‑rbbi l‑lmjd lli‑bdda‑illan, ar‑tɛbadn tiġawsiwin lli‑skarn s‑ifassn‑nsn ar‑tnt‑ssrwasn s‑bnadm lli‑itmtatn d‑igḍaḍ d‑luḥuš d‑ibnkaln.

ruma 2:29

a‑igan gu‑yudaya s‑lḥqq d‑walli issġusn ul‑ns. issġus‑t s‑tḥkimt n‑rruḥ lqudus urd s‑warratn n‑ššrɛ, ibddl zġ‑ugʷns‑ns urd brra‑ns. wanna iskarn ġmkad, urd bnadm a‑ra‑t‑yalġ walaynni rbbi a‑ra‑t‑yalġ.

ruma 6:6

nssn mayd‑aġ‑ijran. immut zġ‑ginnġ bnadm aqdim lli‑sttin‑nkka nga‑t. immut d‑lmasiḥ f‑uggjdi baš a‑titti lquwwa n‑ddnub zġ‑uwl‑nnġ a‑ur‑sul‑ng ismgan i‑ddnub.

ruma 7:22

ġ‑uwl‑inu ar‑tfraḥġ s‑tnbaḍin n‑rbbi,

2 kurintus 10:1

imma ġilad ra‑kʷn‑ḍalbġ nkki bulus s‑ism l‑lmasiḥ lli‑bdda‑iḥnnan iṣbr d‑kud yan, ašku ar‑flla‑ttinin kra n‑mddn is‑ḍɛfġ ġakud nna‑darun‑lliġ, šquġ didun ġakud nna‑fllawn‑aggugġ.

2 kurintus 4:16

mayan a‑f‑ur‑akkʷ‑a‑ntrmay. wah̬h̬a da‑ttḍɛaf ddat‑nnġ, ar‑itdus‑uwl‑nnġ ass f‑wass.

گالاطيّا 5:23

ar‑didsn‑ntrh̬u ar‑bdda‑nqqʷay ġ‑ih̬f‑nnġ. hati wan tiġawsiwin‑ad, ur‑illi kra n‑ššrɛ tnt‑yagʷin.

afsus 4:2

ẓẓimẓayat ih̬f‑nnun ar‑ttrh̬um ar‑ttṣbarm ar‑ttḥnnum i‑ngratun.

kulussi 3:12

kunni, imẓlayn n‑rbbi a‑tgam. ira‑kʷn iẓli‑kʷn a‑tgm wins. f‑mayan a‑f‑kʷn‑d‑iqqan a‑tɛmmrm s‑lḥnant, ar‑ttmɛawanm ar‑tẓẓimẓaym ih̬f‑nnun, ar‑ttrh̬um ar‑ttṣbarm i‑ngratun

kulussi 3:3

ašku tmmutm f‑tudrt lli‑izrin, trgs tudrt‑nnun l‑ljdid ġ‑dar rbbi ġ‑illiġ irgs lmasiḥ.

1 tasaluniki 4:11

iriyat a‑bdda‑ṭṭrrḥm ar‑ttlhum s‑twuri n‑ih̬f‑nnun ar‑tth̬damm s‑ifassn‑nnun, ġmklli‑awn‑nenna ġayd izrin.

2 tasaluniki 3:12

zund ġwin, ra‑tn‑nuṣṣa ġilad s‑ism n‑siditnnġ yasuɛ lmasiḥ, nnṣḥ‑tn ad‑th̬damn ass f‑wass baš ad‑amẓn mad‑šttan f‑twuri lli‑skarn.

1 timutaws 2:2

illa fllasn ad‑tẓallan f‑igldan ula kullu willi tḥkamnin, baš a‑nddr s‑lhna d‑sslamt nskr afulki ula kullu ma‑ira rbbi.

2 timutaws 2:25

s‑lḥnant a‑s‑ra‑imala lḥqq i‑winna‑t‑ḍaḍḍnin, irju‑n ġ‑rbbi ad‑asn‑irar ad‑fln kullu ma‑yʷh̬šnn wrrin issann lḥqq,

tiṭus 3:2

tinit‑asn a‑ur‑rgmn ġ‑yan ula ẓin d‑yan. illa fllasn ad‑tṣbarn ar‑trh̬un d‑kullu mddn.

yaɛqub 1:21

kkisat zġ‑gigun iskkirn rkanin ula lh̬ʷšant lli‑iggutn ġ‑mddn. tadrat i‑ih̬f‑nnun ar‑ttqbalm awal lli‑gigun‑itẓẓu rbbi, ašku iẓḍar‑wawal‑an a‑kʷn‑ijjnjm.

1 bṭrus 1:23

ašku tlulm talalit n‑tudrt l‑ljdid, urd s‑wamud lli‑ifnnun walaynni s‑wamud lli‑ur‑ra‑ifnu, a‑t‑igan d‑wawal n‑rbbi, ig awal iddrn iqama‑bdda.

1 bṭrus 3:15

walaynni gat lmasiḥ d‑sidis n‑uwl‑nnun, tujadm ġ‑kraygatt tasaɛt a‑di‑trarm awal i‑kullu wanna‑kʷn‑isqsan f‑rrja lli‑gigun‑illan.