1 bṭrus 3:16 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ walaynni sawlat dids s‑ṣṣbr d‑luqr ula s‑uwl iġusn zġ‑kullu kra igan lɛib, baš ad‑tḥšamn inuwwašn‑nnun iġ‑a‑gigun‑rggmn f‑ufulki lli‑tskarm s‑ism l‑lmasiḥ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ والاينّي ساولات ديدس س‑صّبر د‑لوقر ءولا س‑وول ءيغوسن زغ‑كولّو كرا ءيگان لعيب، باش اد‑تحشامن ءينوّاشن‑نّون ءيغ‑ا‑گيگون‑رگّمن ف‑وفولكي لّي‑تسكارم س‑يسم لّماسيح.

1 bṭrus 3:16 Iomraidhean Croise

matta 5:11

imbarkin a‑tgam iġ‑kʷn‑rgmn mddn ssrfufnn‑kʷn inin fllawn kullu ma‑yʷh̬šnn s‑tkrkas f‑ssibt n‑ma‑tgam winu.

irqqasn 24:16

mayan a‑f‑a‑n‑tggaġ tiqqi‑nu baš a‑bdda‑iġus‑uwl‑inu zġ‑kullu ma‑igan lɛib ġ‑iẓri n‑rbbi ula win bnadm.

irqqasn 28:22

walaynni nra ad‑aġ‑tmlt iswingimn‑nnk, ašku nsfld is‑a‑ttinin mddn ġ‑kraygatt mani ur‑išwi‑uġaras‑an.»

ruma 9:1

lḥqq ayd‑awn‑ttiniġ s‑ism l‑lmasiḥ, ur‑a‑sskirkisġ. ssnġ mayad ġ‑uwl‑inu lli‑ġ‑a‑itḥkam rruḥ lqudus:

2 kurintus 1:12

nfrḥ ġilad ašku imla‑yaġ‑uwl‑nnġ izd s‑ufulki n‑rbbi a‑s‑a‑nskar d‑kullu mddn s‑nniyt iṣfan. ula kunni, ġmkan a‑didun‑nskr, urd ġir s‑lɛaql n‑bnadm walaynni s‑lbaraka n‑rbbi.

2 kurintus 4:2

naggug zġ‑kullu ma‑igan lɛib intln iššḥššamn. ur‑a‑nzzray kra f‑yan s‑tkrkas ula‑da‑ntbddal awal n‑rbbi s‑lġʷšš, walaynni ar‑bdda‑nttini lḥqq i‑kullu mddn ġ‑lgddam n‑rbbi, baš ad‑issann ġ‑uwl‑nsn izd afulki a‑nskar.

1 timutaws 1:19

zzga ih̬f‑nnk ġ‑uġaras l‑lmasiḥ, d‑a‑ur‑tadjt kra yʷh̬šnn a‑ikšm s‑uwl‑nnk. han kra n‑mddn ur‑a‑stti‑tawin ġ‑mad‑asn‑imala‑uwl‑nsn. d‑ġayan a‑f‑a‑trẓẓa tanawt l‑liman‑nsn,

1 timutaws 1:5

ġmkan a‑s‑k‑uṣṣaġ ašku riġ a‑nzayd ar‑ntɛmmar s‑lḥnant n‑willi dar ul iġusn issann is‑ur‑gisn lɛib amnn s‑lmasiḥ s‑nniyt ikmmln.

2 timutaws 1:3

ar‑tškarġ rbbi lli‑mi‑th̬damġ s‑uwl iġusn zund imzwura‑nu lli‑zrinin. ar‑k‑id‑swingimġ ġakud nna‑tẓallaġ ġ‑iyḍ ula azal.

tiṭus 2:8

s‑iwaliwn ʷġẓannin lli‑f‑ur‑iẓḍar yan a‑fllasn‑iẓi. iġ‑a‑tskart ġmkan ra‑itḥšam wanna iran a‑k‑iḍaḍḍ, ašku ur‑ra‑yaf ma‑fllannġ‑ittini yʷh̬šn.

iɛbrin 13:18

ẓẓallat ar‑ttḍalabm rbbi f‑ssibt‑nnġ nkkʷni. nssn is‑iġus‑uwl‑nnġ, niri a‑nskar afulki ġ‑kullu ma‑ntnawal.

iɛbrin 9:14

walaynni uggʷar n‑ġmkan a‑rad‑aġ‑issġus lmasiḥ s‑idammn‑ns. ašku isrs‑n ih̬f‑ns lli‑kullu‑iṣfan ġ‑lgddam n‑rbbi s‑tḥkimt n‑rruḥ lli‑idumn. issġus ulawn‑nnġ zġ‑iskkirn mmutnin baš a‑nwrri ng ih̬ddamn n‑rbbi lli‑iddrn.

1 bṭrus 2:12

skarat afulki ġ‑gr‑willi ur‑ssinnin rbbi. wah̬h̬a iġ‑a‑gigun‑rggmn rad‑ẓrn is‑ifulki kullu ma‑tskarm, inin ilmma izd rbbi ad‑dar lḥqq ġ‑wass lli‑ġ‑ra‑d‑yašk a‑yut lḥukm.

1 bṭrus 2:15

ašku rbbi ira gigun a‑bdda‑tskarm ma‑ifulkin, baš a‑ur‑afn mddn fssusnin ssibt ma‑s‑a‑gigun‑sawaln s‑tnuwwašt‑nsn ih̬wan.

1 bṭrus 2:19

ašku rbbi ra‑ibark yan irfufnn iṣbr i‑lbaḍl f‑ssibt n‑ma‑s‑ira a‑irḍu rbbi.

1 bṭrus 3:21

maylli ijran ġ‑uwssan‑an irwas i‑udum ġ‑waman lli‑s‑tnjmm kunni, urd s‑irid n‑irkan n‑ddat‑nnun walaynni iga tamatart n‑is‑iwrri iġus‑uwl‑nnun, tfkm ih̬f‑nnun i‑rbbi, tnjmm f‑ssibt n‑ma‑d‑inkr yasuɛ lmasiḥ zġ‑lmut.

1 bṭrus 4:4

ar‑gigun‑tɛjjabn ar‑kʷn‑rggmn, ašku ur‑a‑ttirim a‑didsn‑ttmunum f‑tillay‑nsn.