1 bṭrus 3:11 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ illa fllas a‑ifl kullu kra igan lh̬ʷšant ar‑iskar afulki, ar‑isiggil s‑sslamt ar‑gis‑itazzal.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ ءيلّا فلّاس ا‑يفل كولّو كرا ءيگان لخُشانت ار‑يسكار افولكي، ار‑يسيگّيل س‑سّلامت ار‑گيس‑يتازّال.

1 bṭrus 3:11 Iomraidhean Croise

matta 5:45

ġmkad a‑s‑ra‑tgm zund babatun lli‑illan ġ‑ignna, ašku ntta ar‑d‑issaqlay tafukt‑ns f‑willi ʷh̬šnnin ula f‑willi fulkinin, ar‑d‑yakka anẓar i‑willi skarnin s‑wawal‑ns ula ġwilli ur‑srs‑skarnin.

matta 5:9

imbarkin ad‑gan ġwilli skarnin sslamt, ašku ntni a‑ra‑ig rbbi d‑tarwa‑ns.

matta 6:13

ssanf‑aġ i‑ma‑rad‑aġ‑ijllu, tjjnjmt‑aġ zġ‑iblis.›

marqus 14:7

imẓlaḍ rad‑bdda‑didun‑ilin. ġakud nna‑tram ra‑tafm ma‑s‑a‑gisn‑tskarm lh̬ir. imma nkki ur‑rad‑bdda‑didun‑iliġ.

luqa 1:79

yisfiw f‑willi zdġnin ġ‑tillas d‑umalu l‑lmut, isslkm iḍarn‑nnġ s‑uġaras n‑sslamt.»

luqa 6:35

walaynni ḥnnwat ġ‑inuwwašn‑nnun, ar‑asn‑tskarm lh̬ir. rṭṭlat bla‑da‑tswingimm a‑tamẓm arṭṭal‑nnun tigira. ġmkad a‑s‑ra‑tgm tarwa n‑rbbi amattuy, tili‑awn lbaraka iggutn. ašku ntta ar‑itfulki d‑willi‑t‑ur‑tškarnin d‑willi skarnin ma‑yʷh̬šnn.

luqa 6:9

izayd yasuɛ isqsa mddn‑an: «iniyat‑iyi, ma‑iḥllan ġ‑wass n‑usunfu? a‑nskar ma‑ifulkin nġd a‑nskar ma‑yʷh̬šnn? izd a‑njjnjm yan nġd a‑t‑nhlk?»

yuḥanna 17:15

ur‑a‑k‑tḍalabġ a‑tn‑tssittit zġ‑ddunit walaynni a‑tn‑tssntalt zġ‑iblis.

ruma 12:18

gat‑n tiqqi‑nnun a‑tskarm kullu ma‑mi‑tẓḍarm a‑bdda‑tili sslamt ġ‑gratun d‑kullu mddn.

ruma 14:17

ašku tagldit n‑rbbi ur‑tgi amššu nġd tissi, walaynni afulki d‑sslamt d‑lfrḥ a‑tga, s‑tḥkimt n‑rruḥ lqudus.

ruma 14:19

imma ġilad illa fllannġ a‑bdda‑nttiri ma‑d‑itawin sslamt ula mad‑aġ‑issdusn i‑ngratnnġ.

ruma 5:1

imma ġilad tlla‑yaġ sslamt ġ‑gratnnġ d‑rbbi f‑uwdm n‑siditnnġ yasuɛ lmasiḥ, ašku iga‑yaġ d‑wid‑f‑irḍa f‑ssibt n‑ma‑srs‑numn.

ruma 7:19

ur‑a‑skarġ afulki lli‑riġ, walaynni lh̬ʷšant lli‑ur‑riġ, nttat ad‑skarġ.

ruma 7:21

hati ġmkad a‑bdda‑giġ: akud nna‑riġ ad‑skrġ afulki ar‑n‑tafaġ ih̬f‑inu ur‑ẓḍarġ ġir i‑lh̬ʷšant.

ruma 8:6

wanna itlhun ih̬f‑ns s‑ma‑tra ddat rad‑as‑tili lmut. wanna itlhun s‑ma‑ira rruḥ lqudus rad‑as‑tili tudrt d‑sslamt.

گالاطيّا 5:22

imma lġllt n‑rruḥ tga lḥnant d‑lfrḥ d‑lhna d‑ṣṣbr, ar‑ntɛawan wiyyaḍ ar‑didsn‑ntfulki ar‑didsn‑ntbddad

گالاطيّا 6:10

illa fllannġ a‑nskar afulki ġ‑kullu mddn ġakud nna‑nufa, s‑uggʷar ġ‑aytmatnnġ lli‑umnnin s‑lmasiḥ.

kulussi 3:15

adjat sslamt l‑lmasiḥ a‑tmala i‑uwlawn‑nnun kullu ma‑gigun‑ira. ašku iġra‑yawn‑d rbbi a‑kullu‑tgm yan ġ‑tamunt n‑sslamt‑ad. yili fllawn a‑bdda‑ttškarm rbbi.

1 timutaws 6:18

ini‑asn ad‑skarn afulki, igatn darsn iskkirn šwanin, ar‑tɛawann ar‑akkan i‑wiyyaḍ.

iɛbrin 12:14

gat‑n tiqqi‑nnun a‑tgm sslamt i‑kullu mddn, tɛmmrm s‑ufulki ašku yan ġ‑ur‑illi ur‑sar‑ra‑iẓr siditnnġ.

iɛbrin 13:16

a‑ur‑tettum a‑tskarm afulki ar‑tmɛawanm i‑ngratun, ašku wan tiwafkiw‑an a‑s‑a‑itrḍu rbbi.

yaɛqub 4:17

imma yan issnn a‑iskr afulki ur‑t‑iskir, ddnub ad‑as‑iga ġayan.

1 bṭrus 3:12

ašku siditnnġ ar‑itgabal ġwilli‑f‑irḍa, ar‑isflid i‑mad‑as‑ttinin. imma ġwilli skarnin ma‑yʷh̬šnn, ar‑tn‑itḍaḍḍa.»

3 yuḥanna 1:11

wa‑gʷma iɛzzan, a‑ur‑tskart zund mddn ʷh̬šnnin walaynni zund ġwilli šwanin. wanna iskarn afulki, win rbbi a‑iga. imma wanna iskarn ma‑yʷh̬šnn, ur‑issin rbbi.