1 bṭrus 3:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ ġmkan ula kunninti a‑timġarin, illa fllawnt a‑tsflidmt s‑irgazn‑nnunt. ašku iġ‑ur‑iri‑urgaz awal n‑rbbi, ra‑srs‑iwrri bla‑yas‑tnnit yat lliġ a‑itmnad mamnk a‑tskart,

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ غمكان ءولا كونّينتي ا‑تيمغارين، ءيلّا فلّاونت ا‑تسفليدمت س‑يرگازن‑نّونت. اشكو ءيغ‑ور‑يري‑ورگاز اوال ن‑ربّي، را‑سرس‑يوورّي بلا‑ياس‑تنّيت يات لّيغ ا‑يتمناد مامنك ا‑تسكارت،

1 bṭrus 3:1 Iomraidhean Croise

matta 18:15

«iġ‑gik‑iskr gʷmak kra yʷh̬šnn, ddu s‑dars tinit‑as ma‑iskr ġ‑grak dids waḥdukn. iġ‑srk‑isfld, hati trurd‑d gʷmak.

ruma 10:16

walaynni ur‑a‑ttirin kullutn ad‑sflidn s‑lh̬bar ifulkin. inna‑daġ išaɛya: «wa‑sidi rbbi, ma‑iran a‑yamn awal lli‑asn‑d‑niwi?»

ruma 6:17

imma ġilad illa fllannġ a‑bahra‑ntalġ rbbi, ašku kunni lli‑sttin‑ikkan tgam ismgan n‑ddnub, hati twrrim ar‑tskarm s‑nniyt n‑uwl‑nnun s‑tnbaḍin n‑ulmmud lli‑mi‑tsfldm.

ruma 7:2

ġmkad a‑ra‑yili‑urgaz tamġart‑ns kullu ma‑ikka iddr, walaynni iġ‑immut‑urgaz tfsi‑tmġart zġ‑iskraf l‑lɛqd lli‑stt‑dids‑ikrfn.

1 kurintus 11:3

walaynni riġ a‑tissanm mayad: iga lmasiḥ ih̬f n‑kraygatt argaz, ig‑urgaz ih̬f n‑tmġart‑ns, ig rbbi ih̬f l‑lmasiḥ.

1 kurintus 14:34

illa f‑tmġarin ad‑tfssant ġ‑darun ġmklli tfssant ġ‑kullu imnaggarn n‑imẓlayn. ur‑asnt‑ityawfka ad‑sawalnt. ġmklli ittini ššrɛ n‑musa, ur‑izri a‑ttḥkamnt f‑wiyyaḍ.

1 kurintus 7:16

walaynni swangm a‑tamġart tamumnt, is‑tssnt is‑ur‑ra‑tjjnjmt argaz‑nnm? swangm ay‑argaz amumn, is‑tssnt is‑ur‑ra‑tjjnjmt tamġart‑nnk?

afsus 5:33

walaynni imla‑yaġ‑daġ is‑illa f‑kraygatt yan gigun a‑bdda‑itḥnnu ġ‑tmġart‑ns zund ih̬f‑ns, yili f‑tmġart a‑bdda‑tsflid s‑urgaz‑ns.

kulussi 3:18

wa‑timġarin, illa f‑kraygatt yat a‑tsflid s‑urgaz‑ns ġmklli ira siditnnġ.

kulussi 4:5

skarat s‑tḥkimt d‑kullu willi ur‑ginin win rbbi, ar‑tskarm afulki nna‑mi‑tufam kraygatt tasaɛt.

2 tasaluniki 1:8

ġakudan a‑ra‑yut rbbi lɛqubit f‑willi srs rurnin tiġurdin‑nsn, agʷin ad‑sflidn s‑lh̬bar ifulkin n‑siditnnġ yasuɛ.

iɛbrin 11:8

ula ibrahim, f‑ssibt n‑ma‑yumn awal n‑rbbi a‑f‑iskr s‑maylli‑as‑inna lliġ‑as‑iġra a‑iffuġ s‑tmazirt lli‑ra‑ig tins. inkr iffuġ wah̬h̬a ur‑issin manis a‑ittidu.

iɛbrin 5:9

walaynni lliġ ikmml kullu ma‑fllas‑illan, ijjnjm ġwilli skarnin s‑wawal‑ns s‑ujnjm idumn,

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

1 bṭrus 3:2

ašku ra‑iẓr mamnk a‑iġus‑uwl‑nnm s‑luqr iggutn.

1 bṭrus 3:7

ġmkan ula kunni a‑irgazn, illa fllawn a‑tswingimm ġ‑tmġarin‑nnun, tzdġm didsnt bla‑da‑tettum is‑ur‑bahra‑dusnt zund kunni, ar‑tnti‑ttuqqarm ašku wrtnt ula ntnti didun lbaraka n‑tudrt idumn. skarat ġmkan baš a‑ur‑darun‑yili ma‑itḥṣarn tiẓulla‑nnun i‑rbbi.

1 bṭrus 4:17

hati ġilad ilkm‑d‑uzmz lli‑ġ‑ra‑yut rbbi lḥukm, ra‑t‑yut zwar f‑ayt‑tgmmi‑ns. walaynni iġ‑srnnġ‑ibda nkkʷni, ma‑s‑ra‑tggʷru i‑willi agʷinin lh̬bar ifulkin n‑rbbi?