1 bṭrus 2:9 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

1 bṭrus 2:9 Iomraidhean Croise

matta 4:16

han ġwin gawrnin ġ‑tillas a‑iẓran tifawt iggutn. ġwin zdġnin ġ‑tmazirt n‑umalu l‑lmut, ntni a‑f‑tsfaw tifawt.»

matta 5:16

ġmkad a‑s‑d‑iqqan tifawt‑nnun a‑tisfiw ġ‑lgddam n‑mddn, baš ad‑ẓrn afulki lli‑tskarm alġn babatun lli‑illan ġ‑ignna.

luqa 1:79

yisfiw f‑willi zdġnin ġ‑tillas d‑umalu l‑lmut, isslkm iḍarn‑nnġ s‑uġaras n‑sslamt.»

yuḥanna 17:19

f‑ssibt‑nsn a‑f‑ẓẓliġ ih̬f‑inu i‑uġaras‑nnk baš ad‑ẓẓlin ula ntni ih̬fawn‑nsn i‑uġaras‑nnk s‑lḥqq.

irqqasn 20:28

awiyat‑stt ġilad ġ‑ih̬f‑nnun, tawim‑tt ula ġ‑tuwrut kullutt lli‑f‑kʷn‑irur rruḥ lqudus ad‑as‑tgm ingabaln, tksm amnaggar n‑rbbi lli‑isġa s‑idammn‑ns.

irqqasn 26:18

ra‑k‑aznġ a‑trẓmt alln‑nsn, trart‑tn‑d zġ‑tillas s‑tifawt, ula zġ‑lquwwa n‑šiṭan s‑rbbi, baš a‑fllasn‑ittin ddnub‑nsn, wrrin ṭṭafn taġamt ġ‑gr ġwilli ẓliġ ad‑gn winu f‑ssibt n‑mad‑sri‑umnn.›

irqqasn 26:28

isawl ilmma agribbas s‑bulus yini‑as: «is‑trit a‑yyi‑trart ad‑gġ amasiḥi ġ‑yat tasaɛt igzzuln?»

ruma 9:24

a‑tn‑igan d‑nkkʷni lli‑mi‑iġra zġ‑gr ayt‑yudaya ula‑daġ zġ‑gr ayt‑tmizar yaḍni. ġmklli inna rbbi ġ‑warra n‑nnabi hušaɛ:

1 kurintus 3:17

walaynni tigmmi n‑rbbi, iġ‑tt‑ihlk kra n‑yan ra‑t‑ihlk rbbi. ašku ttyawẓlay‑tgmmi n‑rbbi a‑tg tin rbbi, d‑kunni tigmmi‑ns a‑tgam.

afsus 1:14

iga tamatart n‑is‑ra‑issafu rbbi kullu timih̬ar lli‑f‑inna ra‑tnt‑ifk i‑mddn‑ns. matta ġunškad s‑iggut lmjd n‑rbbi, ar‑t‑ntalġ bahra.

afsus 1:6

ar‑t‑bahra‑ntalġ f‑lḥnant‑ad iggutn lli‑s‑aġ‑ibark f‑uwdm n‑yus iɛzzan

afsus 3:21

ad‑as‑yili lmjd ġ‑umnaggar ula ġ‑lmasiḥ yasuɛ ġ‑kud tasut n‑tasutin, ġilad ula kullu mayd‑d‑iftan, amin.

filibbi 3:14

ar‑tazzalġ ad‑ruḥġ ttmi, baš ad‑amẓġ lkas lli‑igan tudrt n‑uflla lli‑s‑iyi‑d‑iġra rbbi f‑uwdm l‑lmasiḥ yasuɛ.

kulussi 1:13

ijjnjm‑aġ‑d kullu zġ‑tgldit n‑tillas, išškšm‑aġ‑d s‑tgldit n‑yus iɛzzan

2 timutaws 1:9

ijjnjm‑aġ rbbi zġ‑ddnub‑nnġ iġr‑aġ a‑ng imẓlayn‑ns, urd f‑ssibt n‑kra nskar nkkʷni walaynni f‑ssibt n‑ma‑iqṣad nttan ad‑aġ‑ibark f‑uwdm l‑lmasiḥ yasuɛ ur‑ta‑ih̬lq ddunit.

tiṭus 2:14

ifka ih̬f‑ns ad‑aġ‑ifru zġ‑kullu ma‑yʷh̬šnn, issġus‑aġ baš a‑ng mddn‑ns lli‑bahra‑ittirin ad‑skarn ma‑ifulkin.

1 bṭrus 1:2

iẓli‑kʷn rbbi babatnnġ s‑tḥkimt n‑rruḥ lqudus ġmklli iqṣad zġ‑isizwar, baš a‑tskarm s‑iwaliwn n‑yasuɛ lmasiḥ tġusm s‑idammn‑ns. ad‑awn‑tigat lbaraka d‑sslamt.

1 bṭrus 2:5

fkat ih̬f‑nnun i‑lmasiḥ zund iẓran ddrnin, baš a‑srun‑ibnnu yat‑tgmmi n‑rruḥ, a‑n‑gis‑tsrasm ġ‑lgddam n‑rbbi tiwafkiw n‑rruḥ lli‑s‑ra‑itrḍu ašku ar‑as‑tnti‑takkam s‑ism n‑yasuɛ lmasiḥ.

1 bṭrus 4:11

wanna isawaln, illa fllas a‑isawal s‑mad‑as‑imala rbbi. wanna itɛawann, illa fllas a‑itɛawan wiyyaḍ s‑tẓḍḍart lli‑as‑yakka rbbi. ġmkad a‑s‑rad‑kullu‑alġn mddn rbbi f‑ma‑tskarm s‑ism n‑yasuɛ lmasiḥ. nttan a‑mi‑illa lmjd d‑lquwwa ġilad ula kullu mayd‑d‑iftan, amin.

anurẓm 1:6

irar‑aġ a‑ng ayt‑tgldit n‑rbbi babas f‑a‑n‑nsras ġ‑lgddam‑ns tiwafkiw ma‑s‑a‑itrḍu. nttan a‑mi‑illa lmjd d‑lquwwa, ġilad ula kullu mayd‑d‑iftan, amin.

anurẓm 20:6

imbarkin d‑imẓlayn ad‑gan ġwilli‑d‑nkrnin ġ‑tnkra tamzwarut. ur‑ra‑tiẓḍar lmut tis snat a‑tn‑tlkm. rad‑gn inmġurn n‑rbbi d‑lmasiḥ, ra‑dids‑ḥkamn alf n‑usggʷas.

anurẓm 5:10

tskrt zġ‑gisn ayt‑tgldit n‑rbbi‑nnġ f‑a‑n‑srasn ġ‑lgddam‑ns tiwafkiw ma‑s‑a‑itrḍu. d‑ntni a‑ra‑iḥkam ġ‑ddunit.»