1 bṭrus 2:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ ityara‑daġ: «aẓru‑ad ra‑ig tabayḍḍrt i‑mddn, ig ifir lli‑ra‑tn‑issknuki.» ntni ar‑ṭṭarn ġilad ašku agʷin ad‑skarn s‑wawal n‑rbbi. ġmkan a‑tn‑d‑iqqann.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ءيتيارا‑داغ: «اژرو‑اد را‑يگ تابايضّرت ءي‑مدّن، ءيگ ءيفير لّي‑را‑تن‑يسّكنوكي.» نتني ار‑طّارن غيلاد اشكو اگُين اد‑سكارن س‑واوال ن‑ربّي. غمكان ا‑تن‑د‑يقّانّ.

1 bṭrus 2:8 Iomraidhean Croise

luqa 2:34

izayd simɛan iḍalb rbbi a‑tn‑ibark, isawl ilmma s‑maryam innas n‑wazzan, yini‑as: «azzan‑ad, iga‑t rbbi d‑wad‑s‑rad‑ḍrn kigan d‑mddn n‑ayt‑rbbi, nkrn kigan f‑ssibt‑ns. ig‑t d‑yat‑tmatart lli‑rad‑agʷin mddn ggutnin,

ruma 9:22

ġmkad a‑iskr rbbi. ira a‑issbayyn i‑mddn lġaḍab‑ns ula taḥkimt‑ns itjhhdn, walaynni ira sul a‑iṣbr d‑tmkilin lli‑f‑illa lġaḍab wah̬h̬a ur‑gint ġir i‑lhalak.

1 kurintus 1:23

imma nkkʷni ar‑asn‑ntbrraḥ f‑lmasiḥ lli‑immutn f‑uggjdi. awal‑ad iga tabayḍḍrt i‑ayt‑yudaya, ig anufl dar ayt‑tmizar yaḍni.

2 kurintus 2:16

tg tujjut‑an aḍu l‑lmut i‑willi tyawhlaknin, tg aḍu n‑tudrt i‑willi njmnin. walaynni is‑illa ma‑iẓḍarn i‑twuri‑ad ihiyyan?

گالاطيّا 5:11

way‑aytma, urd nkkin a‑ittinin i‑mddn «iqqan‑kʷn‑d a‑tẓẓallm i‑ddat‑nnun». mayad a‑f‑a‑yyi‑sul‑ssrfufunn. ašku mrad is‑a‑yasn‑ttiniġ ġmkan, ur‑ra‑yyi‑itẓi yan ġakud nna‑tbrraḥġ f‑uggjdi l‑lmasiḥ.

1 tasaluniki 5:9

ašku ur‑iqṣad rbbi a‑fllannġ‑yut lɛqubit, walaynni iqṣad ad‑aġ‑ijjnjm f‑uwdm n‑siditnnġ yasuɛ lmasiḥ.

1 bṭrus 2:6

ġmklli ityaran, inna rbbi: «hati ra‑n‑zzugzġ ġ‑gr mddn‑inu yan‑uẓru imqqurn igan win‑uġẓu. ẓliġ‑t iɛzzu dari. wanna srs yumnn ur‑sar‑ti‑tʷgraẓ.»

1 bṭrus 2:7

mayan a‑f‑darun‑iɛzza kunni lli‑srs‑yumnn. walaynni ityara‑daġ f‑willi ur‑rinin ad‑amnn, inna rbbi fllasn: «aẓru lli‑n‑luḥn ibnnayn, nttan a‑iwrrin iga ih̬f n‑uġẓu.»

2 bṭrus 2:3

ra‑kʷn‑šttan s‑iwaliwn h̬wanin, ašku ar‑bdda‑ttirin ma‑igan win wiyyaḍ. walaynni zġ‑isizwar a‑gisn‑itmnad ġwalli ra‑fllasn‑yut lḥukm. ur‑a‑igan ġwalli ra‑tn‑ihlk.

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.