1 bṭrus 2:16 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ zzriyat ussan‑nnun mknna tram, walaynni a‑ur‑ttinim d‑ih̬f‑nnun: «ha‑yaġ nẓḍar a‑nskr mknna nra. nkrat a‑nskr ma‑yʷh̬šnn.» zzriyat ussan‑nnun ġmklli‑d‑iqqann ih̬ddamn n‑rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ زّريات ءوسّان‑نّون مكنّا ترام، والاينّي ا‑ور‑تّينيم د‑يخف‑نّون: «ها‑ياغ نژضار ا‑نسكر مكنّا نرا. نكرات ا‑نسكر ما‑يُخشنّ.» زّريات ءوسّان‑نّون غمكلّي‑د‑يقّانّ ءيخدّامن ن‑ربّي.

1 bṭrus 2:16 Iomraidhean Croise

matta 23:13

«taguḍi a‑rad‑awn‑yili a‑imslmdn n‑ššrɛ d‑ifarisin. ayt‑sin‑uwdmawn a‑tgam. ar‑tqqnm imi n‑tgldit n‑ignna f‑mddn, ur‑a‑di‑tkššmm kunni ula‑da‑ttadjm ġwilli ranin ad‑d‑kšmn.

yuḥanna 15:22

mrad is‑ur‑d‑uškiġ sawlġ srsn, ur‑ra‑fllasn‑ilin ddnub‑nsn. imma ġilad ġ‑d‑uškiġ ur‑ẓḍarn ad‑inin ‹ur‑nssin mayd nskr is‑yʷh̬šn.›

ruma 6:18

ifsi‑awn rbbi zġ‑iskraf n‑ddnub aylliġ twrrim tgam ismgan n‑rbbi ar‑tskarm s‑ma‑t‑irḍan.

ruma 6:22

walaynni rbbi ifsi‑awn zġ‑iskraf n‑ddnub. twrrim tgm ismgan n‑rbbi, ttyawẓlaym a‑tgm wins tili‑awn lfaytt n‑tudrt idumn.

1 kurintus 7:22

ašku wanna igan ismg ġakud lliġ‑as‑d‑iġra siditnnġ, hati iwrri iga win ih̬f‑ns ġ‑lgddam n‑siditnnġ. imma wanna igan win ih̬f‑ns ġakud lliġ‑as‑d‑iġra, iwrri iga ntta ismg l‑lmasiḥ.

گالاطيّا 5:1

irẓm‑aġ lmasiḥ baš a‑ur‑sul‑ng ismgan i‑yat. biddat ġilad tzgam a‑ur‑twrrim‑daġ s‑iskraf n‑tsmugit.

گالاطيّا 5:13

way‑aytma, iġra‑yawn rbbi a‑trẓmm zġ‑iskraf. walaynni a‑ur‑ttinim «ntyawrẓam ġilad, nẓḍar a‑nskar aynna ira ih̬f‑nnġ.» ašku illa fllawn a‑ttḥnnum ar‑ttqasam i‑ngratun.

afsus 6:6

a‑ur‑tskarm ġir baš a‑kʷn‑ẓrn mddn škrn‑kʷn, walaynni h̬dmat ġmklli‑d‑iqqann ih̬ddamn l‑lmasiḥ, ar‑bdda‑tskarm ma‑ira rbbi s‑nniyt‑nnun.

kulussi 3:24

ašku tssnm izd siditnnġ a‑rad‑awn‑ifk tiġrad‑nnun, išškšm‑kʷn s‑lwrt‑nnun ġ‑ignna. ašku siditnnġ lmasiḥ, nttan a‑mi‑tth̬damm.

1 tasaluniki 2:5

tssnm is‑ur‑a‑kʷn‑ntalġ ġ‑uwssan‑an s‑iwaliwn h̬wanin ula‑da‑nskar sin‑uwdmawn baš a‑ntamẓ kra f‑wawal‑nnġ. rbbi a‑fllannġ‑igan inigi.

yaɛqub 1:25

imma wanna itmnadn ġ‑ulmmud ifulkin lli‑irẓmn i‑mddn zġ‑iskraf, ar‑tt‑gis‑itawi ar‑srs‑iskar bla‑da‑itettu maylli mi isfld, nttan a‑ra‑ibark rbbi ġ‑kullu ma‑iskar.

yaɛqub 2:12

sawalat ar‑tskarm s‑mklli‑d‑iqqann mddn lli‑f‑ra‑iḥkam rbbi s‑luṣit lli‑aġ‑irẓmn zġ‑iskraf‑an.

2 bṭrus 2:19

ar‑ttinin rad‑asn‑fssin zġ‑iskraf, imma ntni sul gan ismgan i‑lfsad. ašku kullu wanna inra kra, iga ismg i‑ġaylli‑t‑inran.

yahuda 1:4

ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.