1 bṭrus 2:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² skarat afulki ġ‑gr‑willi ur‑ssinnin rbbi. wah̬h̬a iġ‑a‑gigun‑rggmn rad‑ẓrn is‑ifulki kullu ma‑tskarm, inin ilmma izd rbbi ad‑dar lḥqq ġ‑wass lli‑ġ‑ra‑d‑yašk a‑yut lḥukm.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

1 bṭrus 2:12 Iomraidhean Croise

matta 10:25

ra‑iqnɛu‑umḥḍar iġ‑irwas amslmd‑ns, iqnɛu‑uh̬ddam iġ‑irwas sidis. walaynni iġ‑a‑ttinin mddn f‑bu‑tgmmi ‹bɛl‑zabul› (šiṭan), ur‑rad‑ḥšmn a‑t‑inin f‑ayt‑tgmmi‑ns.

matta 5:11

imbarkin a‑tgam iġ‑kʷn‑rgmn mddn ssrfufnn‑kʷn inin fllawn kullu ma‑yʷh̬šnn s‑tkrkas f‑ssibt n‑ma‑tgam winu.

matta 5:16

ġmkad a‑s‑d‑iqqan tifawt‑nnun a‑tisfiw ġ‑lgddam n‑mddn, baš ad‑ẓrn afulki lli‑tskarm alġn babatun lli‑illan ġ‑ignna.

matta 9:8

lliġ‑t‑ẓran, ġuwḍn mddn‑an kullutn ar‑talġn rbbi lli‑ifkan taẓḍḍart‑ad iggutn i‑bnadm.

luqa 1:68

«ad‑bahra‑nalġ sidi rbbi n‑ayt‑darnnġ, ašku yakmur‑d s‑mddn‑ns ad‑aġ‑ifukku.

luqa 19:44

ra‑km‑h̬lun d‑tarwa‑nnm gim, ur‑ra‑gim‑fln aẓru f‑wayyaḍ, ašku ur‑trit a‑tissant izd ġ‑uzmz‑ad a‑ġ‑iskr rbbi f‑a‑km‑ijjnjm.»

luqa 6:22

imbarkin a‑tgam iġ‑kʷn‑kurhan mddn ssufġn‑kʷn rgmn‑kʷn ar‑fllawn‑ttinin ‹kunni tʷh̬šnm› f‑ssibt n‑ma‑tgam win yus n‑bnadm.

yuḥanna 13:31

lliġ iffuġ yahuda yini‑asn yasuɛ: «ġilad a‑ra‑itmjjd yus n‑bnadm, iban‑d lmjd n‑rbbi gigi.

irqqasn 15:14

inna‑yaġ simɛan f‑mamnk ad‑aġ‑imla rbbi ġ‑isizwar is‑ira a‑iẓli zġ‑gr ibrraniyn kra n‑mddn ad‑gn wins.

irqqasn 24:13

ġaylli‑s‑a‑sri‑taštkkan, ur‑ẓḍarn a‑t‑zzgan.

irqqasn 25:7

ikšm‑d bulus sutln‑as ayt‑yudaya lli‑d‑uškanin zġ‑urušalim, ar‑srs‑taštkkan s‑tġawsiwin mqqurnin walaynni ur‑ẓḍarn a‑tnt‑zzgan.

irqqasn 28:22

walaynni nra ad‑aġ‑tmlt iswingimn‑nnk, ašku nsfld is‑a‑ttinin mddn ġ‑kraygatt mani ur‑išwi‑uġaras‑an.»

ruma 12:17

iġ‑illa mad‑awn‑iskrn ma‑yʷh̬šnn ad‑as‑t‑ur‑trarm s‑lh̬ʷšant, walaynni tawiyat‑stt ġ‑ih̬f‑nnun a‑tskarm ma‑f‑rad‑akkan kullu mddn tugga n‑is‑ifulki.

ruma 13:13

yili fllannġ a‑nskar ġmklli‑d‑iqqann ayt‑uzal. a‑ur‑ttmunum f‑tillay ʷh̬šnnin ula‑da‑tssnufulm ih̬fawn‑nnun s‑tissi. a‑ur‑ttšthum ula‑da‑ttfsadm. a‑ur‑ttmmaġm ula‑da‑ttnuwwašm.

ruma 14:18

wanna ith̬damn i‑lmasiḥ ġmkad, ra‑fllas‑irḍu rbbi ar‑ti‑talġn mddn.

ruma 15:9

iskr ġmkad baš ad‑ẓrn ayt‑tmizar yaḍni rrḥmt n‑rbbi alġn‑t ula ntni. ġmklli ityaran: «mayad a‑f‑ra‑ki‑tškarġ ġ‑gr ayt‑tmizar aggugnin, alġġ ism‑nnk s‑imurign l‑lfrḥ.»

1 kurintus 14:25

iban kullu ma‑intln ġ‑uwl‑ns. ra‑iḍr s‑wakal yalġ rbbi yini «s‑ṣṣaḥt illa rbbi ġ‑wammas‑nnun.»

2 kurintus 1:12

nfrḥ ġilad ašku imla‑yaġ‑uwl‑nnġ izd s‑ufulki n‑rbbi a‑s‑a‑nskar d‑kullu mddn s‑nniyt iṣfan. ula kunni, ġmkan a‑didun‑nskr, urd ġir s‑lɛaql n‑bnadm walaynni s‑lbaraka n‑rbbi.

2 kurintus 13:7

imma ġilad ar‑ntḍalab rbbi fllawn a‑ur‑tskarm kra yʷh̬šnn. ur‑a‑t‑ntḍalab f‑ih̬f‑nnġ a‑ginnġ‑iban is‑nskr kra, wah̬h̬a iġ‑ġaln kra n‑mddn ur‑nskir yat. walaynni ar‑t‑ntḍalab fllawn baš a‑iban is‑tskrm afulki.

2 kurintus 8:21

nrar‑bdda lɛaql baš a‑nskar afulki ġ‑iẓri n‑siditnnġ ula win mddn.

afsus 2:3

nkka‑ttin kullwaġ ar‑didsn‑nttidu ġ‑uġaras‑an ar‑nskar s‑kullu ma‑ira bnadm i‑ih̬f‑ns ar‑tt‑ntawi ġir ġ‑iswingimn‑nnġ ula ššhwat‑nnġ. ula nkkʷni ġ‑uwssan‑an, illa fllannġ lġaḍab n‑rbbi zund kullu mddn.

afsus 4:22

tlmdm is‑kʷn‑ih̬ṣṣa a‑tbddlm zġ‑ugʷns‑nnun, a‑ur‑sul‑tgm ġmklli tgam ġayd izrin lliġ ttin‑tkkam ar‑tskarm ma‑ira ih̬f‑nnun, tġalm is‑išwa, ur‑tssinm is‑a‑kʷn‑itawi s‑lhalak.

filibbi 1:27

walaynni illa fllawn a‑tskarm s‑ma‑d‑imšaškan d‑lh̬bar ifulkin l‑lmasiḥ. ašku riġ a‑bdda‑fllawn‑sflidġ is‑kullu‑tzgam ġ‑yan‑uġaras, iġ‑d‑fllawn‑aggugġ nġd iġ‑n‑darun‑uškiġ, ar‑kullu‑tth̬damm s‑yat‑tnbaṭṭ baš a‑tsslmadm lḥqq l‑lh̬bar ifulkin ġmklli iga

filibbi 4:8

way‑aytma, awal‑inu iggʷran a‑t‑igan: a‑tswingimm ġ‑ma‑igan lḥqq ula ma‑ġ‑illa ma‑ttuqqarm ula ma‑yʷġẓann ula ma‑iġusn ula ma‑imimn ula ma‑išwan. iġ‑illa kra ifulkin ula kra‑ġ‑illa ma‑ttalġm, swingimat ġ‑tġawsiwin‑ad.

1 tasaluniki 4:12

ġmkad a‑f‑ra‑kʷn‑tuqqarn mddn lli‑ur‑ginin win lmasiḥ, ur‑ra‑tḥtajjam yan.

1 timutaws 2:2

illa fllasn ad‑tẓallan f‑igldan ula kullu willi tḥkamnin, baš a‑nddr s‑lhna d‑sslamt nskr afulki ula kullu ma‑ira rbbi.

1 timutaws 4:12

ad‑ur‑tadjt yan a‑k‑iḥgr f‑ssibt n‑ma‑sul‑tmẓẓit, walaynni skar‑bdda f‑ufulki s‑iwaliwn‑nnk d‑iskkirn‑nnk, ar‑ttḥnnut ġ‑wiyyaḍ ar‑ttamnt awal n‑rbbi s‑uwl iġusn, baš ad‑ẓrn imumnn mamnk a‑tskart irin ad‑skarn ula ntni ġmkan.

1 timutaws 5:10

ar‑tti‑talġn mddn f‑lh̬ir lli‑tskar, trbbu tarwa‑ns f‑ma‑ifulkin, ar‑tssmrḥba s‑willi tmuddunin ar‑ttqasa imẓlayn n‑rbbi, ar‑ttɛawan winna llanin ġ‑tnukmut, ar‑n‑bdda‑ttgga tiqqi‑ns a‑tskar afulki d‑kullu mddn.

iɛbrin 13:18

ẓẓallat ar‑ttḍalabm rbbi f‑ssibt‑nnġ nkkʷni. nssn is‑iġus‑uwl‑nnġ, niri a‑nskar afulki ġ‑kullu ma‑ntnawal.

iɛbrin 13:5

zriyat tudrt‑nnun bla‑da‑ttḥubbum iqaridn, tqnɛum s‑unšk nna‑darun‑illan. ašku inna rbbi: «ur‑sar‑k‑in‑flġ ula wrriġ‑d fllak.»

yaɛqub 3:13

manwa gigun ad‑dar taḥkimt yissan ma‑illan? illa fllas a‑iml taḥkimt‑ns s‑ma‑iskar, ar‑itfulki d‑mddn ar‑iẓẓimẓay ih̬f‑ns s‑tḥkimt lli‑iṣḥan.

1 bṭrus 2:15

ašku rbbi ira gigun a‑bdda‑tskarm ma‑ifulkin, baš a‑ur‑afn mddn fssusnin ssibt ma‑s‑a‑gigun‑sawaln s‑tnuwwašt‑nsn ih̬wan.

1 bṭrus 3:16

walaynni sawlat dids s‑ṣṣbr d‑luqr ula s‑uwl iġusn zġ‑kullu kra igan lɛib, baš ad‑tḥšamn inuwwašn‑nnun iġ‑a‑gigun‑rggmn f‑ufulki lli‑tskarm s‑ism l‑lmasiḥ.

1 bṭrus 4:11

wanna isawaln, illa fllas a‑isawal s‑mad‑as‑imala rbbi. wanna itɛawann, illa fllas a‑itɛawan wiyyaḍ s‑tẓḍḍart lli‑as‑yakka rbbi. ġmkad a‑s‑rad‑kullu‑alġn mddn rbbi f‑ma‑tskarm s‑ism n‑yasuɛ lmasiḥ. nttan a‑mi‑illa lmjd d‑lquwwa ġilad ula kullu mayd‑d‑iftan, amin.

2 bṭrus 3:11

ra‑ityawhlak kullu ma‑illan. f‑mayan a‑f‑ra‑kʷn‑sqsaġ: man mddn zġ‑ra‑tgm? is‑ur‑ra‑ttirim a‑tskarm afulki ar‑ttrḍum rbbi