1 bṭrus 2:11 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ way‑aytma ɛzzanin, ḍalbġ‑kʷn ġilad a‑tgm ih̬f‑nnun d‑iġribn d‑ibrraniyn ġ‑ddunit‑ad, tluḥm s‑ma‑ttiri ddat n‑bnadm, ašku tiġawsiwin n‑ddat ar‑tmmaġnt d‑uwl iṣfan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ واي‑ايتما عزّانين، ضالبغ‑كُن غيلاد ا‑تگم ءيخف‑نّون د‑يغريبن د‑يبرّانيين غ‑دّونيت‑اد، تلوحم س‑ما‑تّيري دّات ن‑بنادم، اشكو تيغاوسيوين ن‑دّات ار‑تمّاغنت د‑وول ءيصفان.

1 bṭrus 2:11 Iomraidhean Croise

luqa 21:34

«awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

irqqasn 15:20

walaynni ad‑asn‑nazn yat‑tbrat nini‑asn ad‑tanfn i‑irkan l‑laṣnam ula lfsad, ula‑da‑šttan tifiyi n‑ma‑iqajjin ula idammn.

irqqasn 15:29

a‑ur‑tšttam ma‑ityawġrasn i‑laṣnam ula idammn ula tifiyi n‑ma‑iqajjin, taggugm zġ‑lfsad. afulki a‑rad‑awn‑yili, iġ‑a‑ttanfm i‑tġawsiwin‑ad. a‑kʷn‑iɛawn rbbi.»

ruma 12:1

mayad a‑f‑ra‑kʷn‑ḍalbġ ay‑aytma, f‑ssibt n‑rrḥmt n‑rbbi lli‑iggutn, ad‑as‑tfkm ih̬f‑nnun zund tiġrsi iddrn iẓlin lli‑s‑ra‑irḍu, ašku ġmkan a‑s‑kʷn‑d‑iqqan a‑ti‑ttɛbadm.

ruma 7:23

walaynni ġ‑ugʷns‑inu ar‑n‑tafaġ kra n‑tnbaḍin yaḍni ar‑tmmaġnt d‑tnbaḍin l‑lɛaql‑inu. ar‑iyi‑kkrfnt‑tnbaḍin n‑ddnub lli‑llanin ġ‑ugʷns‑inu.

ruma 8:13

iġ‑a‑tskarm s‑ma‑tra ddat, rad‑awn‑tili lmut. walaynni iġ‑a‑tnqqam iskkirn n‑ddat s‑tḥkimt n‑rruḥ, rad‑awn‑tili tudrt.

2 kurintus 5:20

nkkʷni‑ad nga imazann l‑lmasiḥ. f‑imi‑nnġ a‑f‑a‑srun‑isawal rbbi. ar‑kʷn‑ntḍalab ġilad s‑ism l‑lmasiḥ a‑twrrim s‑rbbi baš ad‑awn‑tili sslamt ġ‑gratun dids.

2 kurintus 6:1

s‑ism n‑rbbi lli‑d‑nh̬dm, nḍalb‑kʷn a‑ur‑tadjm rrḥmt‑ns lli‑s‑tumnm a‑tḍr bla lfaytt ġ‑darun.

2 kurintus 7:1

way‑aytma ɛzzanin, lliġ‑aġ‑inna rbbi rad‑aġ‑iskr kullu mayad ifulkin, yili fllannġ a‑nġus naggug zġ‑kullu ma‑ra‑issrku ul‑nnġ ula ddat‑nnġ. yili fllannġ a‑ntyawẓlay i‑rbbi s‑ufulki ikmmln, ar‑bahra‑nttiri a‑t‑nrḍu.

گالاطيّا 5:24

ašku kullu wanna igan win lmasiḥ yasuɛ, iga ih̬f‑ns d‑wad immutn f‑uggjdi baš a‑gis‑immt kullu ma‑ittiri bnadm i‑ih̬f‑ns ula kullu ma‑yʷh̬šnn.

afsus 2:19

ur‑sul‑tgim ibrraniyn ula iġribn, ašku teṭṭafm ula kunni ġilad taġamt ġ‑gr imẓlayn n‑rbbi, tgm zġ‑ayt‑tgmmi n‑rbbi

afsus 4:1

imma ġilad ra‑kʷn‑ḍalbġ bahra, nkki‑ad igan aḥbbas f‑ism n‑siditnnġ. ḍalbġ‑kʷn a‑tskarm ġmklli illa f‑willi iẓli rbbi ad‑gn wins.

2 timutaws 2:22

aggug zġ‑ššhwat n‑iɛyyaln, tirit a‑tɛmmrt s‑ufulki lli‑s‑irḍa rbbi ar‑ttamnt awal‑ns ar‑ttḥnnut ġ‑wiyyaḍ ar‑tzrayt s‑sslamt, kiyi ula kullu winna aqranin i‑siditnnġ s‑uwl iġusn.

iɛbrin 11:13

kullu mddn‑an umnn awal n‑rbbi aylliġ mmutn, ur‑ta‑umẓn maylli‑s‑asn‑inna rad‑asn‑t‑ifk. walaynni ẓran‑t‑in ġ‑tuggugt frḥn srs, ur‑a‑tḥšamn a‑ttinin izd ibrraniyn d‑iġribn ad‑gan ġ‑ddunit.

iɛbrin 6:9

way‑aytma ɛzzanin, wah̬h̬a srun nsawl ġmkad, nssn is‑gigun‑illa ma‑yufn ġayan, ašku tgam wid ijjnjm rbbi.

yaɛqub 4:1

mah̬ aylliġ a‑ttmmaġm ar‑ttẓim i‑ngratun? is‑urd f‑ssibt n‑ma‑gigun‑tmmaġn iswingimn n‑ma‑ittiri ih̬f‑nnun?

1 bṭrus 1:1

zġ‑bṭrus arqqas n‑yasuɛ lmasiḥ, i‑imẓlayn n‑rbbi lli‑akutnin, gn iġribn ġ‑tmizar n‑buntus ula galaṭiyya ula kabadukiyya ula asiyya ula bitiniyya.

1 bṭrus 1:17

tmyarm kunni a‑ttinim: «wa‑rbbi babatnnġ,» walaynni a‑ur‑tettum izd nttan a‑itraran i‑kraygatt yan f‑ma‑iskar, ur‑a‑itmnad udmawn. awiyat‑stt gis bahra kullu ussan‑ad tzzraym zund iġribn ġ‑ddunit.

1 bṭrus 4:12

way‑aytma ɛzzanin, a‑ur‑ttɛjjabm ġ‑lɛafit n‑trfufnt lli‑kʷn‑itarmn, zund iġ‑awn‑ijra kra igan ljdid.

1 bṭrus 4:2

ur‑sul‑a‑izzray ussan‑ns ġ‑ma‑ittiri bnadm i‑ih̬f‑ns, walaynni ar‑izzray mad‑as‑iqaman ġ‑ddunit‑ad ġ‑ma‑irḍan rbbi.

2 bṭrus 3:1

way‑aytma ɛzzanin, tabrat‑ad tga tis snat‑tbratin lli‑awn‑in‑uriġ. ssktiġ‑awn‑d srsnt tiġawsiwin‑ad baš a‑tswingimm ġ‑ma‑yʷġẓann.