1 bṭrus 2:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ f‑mayad a‑f‑rad‑awn‑iniġ, luḥat‑n s‑kullu ma‑igan tanuwwašt ula tikrkas. a‑ur‑tskarm ġ‑lgddam n‑mddn ma‑ur‑tgim. ad‑awn‑ur‑ṭiyyr f‑wiyyaḍ ṭṭafnin kra tram i‑ih̬f‑nnun, ula‑da‑trggmm ġ‑yan.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ف‑ماياد ا‑ف‑راد‑اون‑ينيغ، لوحات‑ن س‑كولّو ما‑يگان تانوّاشت ءولا تيكركاس. ا‑ور‑تسكارم غ‑لگدّام ن‑مدّن ما‑ور‑تگيم. اد‑اون‑ور‑طيّر ف‑وييّاض طّافنين كرا ترام ءي‑يخف‑نّون، ءولا‑دا‑ترگّمّ غ‑يان.

1 bṭrus 2:1 Iomraidhean Croise

matta 15:7

wa‑id‑bu‑sin‑uwdmawn, s‑lḥqq a‑s‑fllawn‑inna rbbi f‑imi n‑nnabi išaɛya, inna

matta 23:28

ha‑kunni tbanm zġ‑brra is‑tfulkim, imma agʷns‑nnun iɛmmr s‑ddnub d‑lh̬ʷšant lli‑gigun‑irgsn.

matta 24:51

ġakudan ra‑t‑ibri sidis, ig‑t‑in d‑ayt‑sin‑uwdmawn ġ‑illiġ allan ar‑tgẓaẓn uh̬san‑nsn.»

matta 7:5

wa‑bu‑sin‑uwdmawn, ssitti zwar taggjdit zġ‑tiṭ‑nnk, baš a‑tẓrt mamnk a‑di‑tssittit arftus zġ‑tiṭ n‑gʷmak.

marqus 12:15

a‑stt‑nakka nġd uhu?» imma yasuɛ issn mad‑ran ġ‑lḥilt‑nsn, yini‑asn: «mah̬ a‑yyi‑ttarmm? arayat‑iyi‑d yan‑uqarid a‑t‑ẓrġ.»

luqa 11:44

taguḍi a‑rad‑awn‑yili bahra, ašku tgam zund imḍḍaln lli‑mi‑ur‑ibidd ifir. ar‑fllasn‑ttidun mddn, ašku ur‑ssinn mad‑gan.

luqa 12:1

munn‑d kigan d‑id‑walf n‑mddn ġ‑tasaɛt‑an, aylliġ a‑takʷln f‑ingratsn. igr yasuɛ ar‑isawal s‑imḥḍarn‑ns yini‑asn: «rarat lɛaql‑nnun zġ‑th̬mirt n‑ifarisin, ašku ntni sin‑uwdmawn ad‑skarn.

luqa 6:42

mamnk a‑trit a‑tinit i‑gʷmak ‹adj‑iyi a‑gʷma, ad‑ak‑d‑ssittiġ arftus‑an a‑k‑illan ġ‑tiṭ,› imma kiyi ur‑akkʷ‑tẓrit taggjdit lli‑illan ġ‑tiṭ‑nnk? wa‑bu‑sin‑uwdmawn, ssitti‑zwar taggjdit zġ‑tiṭ‑nnk baš a‑tẓrt mamnk a‑tssittit arftus zġ‑tiṭ n‑gʷmak.

yuḥanna 1:47

yasuɛ iẓra‑n natanayl ifta‑d s‑dars, yini fllas: «ġwad a‑igan s‑ṣṣaḥt zġ‑ayt‑rbbi, iṣfu‑uwl‑ns.»

ruma 1:29

ɛmmrn s‑kullu ma‑igan lh̬ʷšant d‑tšiṭant d‑ṭṭmaɛ d‑lɛar. ar‑tnuwwašn ġ‑kullu ma‑tn‑yufn, ujadn‑bdda ad‑nqqan. ar‑tmmaġn ar‑tknadn ar‑tẓin. ar‑bahra‑sawaln ġ‑wiyyaḍ,

1 kurintus 14:20

way‑aytma, a‑ur‑tswingimm zund tarwa mẓẓinin. illa fllawn a‑tmẓẓim ġ‑ma‑yʷh̬šnn, walaynni imġurat ġ‑lɛaql‑nnun.

1 kurintus 5:8

yili fllannġ a‑nmun f‑lɛid s‑urh̬ṣiṣ n‑ufulki d‑lḥqq, urd aġrum iktin s‑th̬mirt taqdimt n‑tnuwwašt d‑lh̬ʷšant.

2 kurintus 12:20

walaynni ksuḍġ a‑kʷn‑in‑afġ ur‑tgim ġmklli riġ ġakud nna‑n‑darun‑uškiġ, tafm‑iyi‑n ula nkki ur‑giġ ġmklli tram. ur‑riġ a‑kʷn‑in‑afġ ar‑tẓim i‑ngratun ula‑da‑ttirim ma‑igan win wiyyaḍ ula‑da‑ttqlaqalm ula‑da‑ikkat kud yan ġir f‑ih̬f‑ns ula‑da‑trggmm ula‑da‑tsawalm ġ‑wiyyaḍ ula‑da‑tssimġurm ih̬fawn‑nnun ula‑da‑tssrwaym mad‑darun‑illan.

afsus 4:31

a‑ur‑ttẓim ula‑da‑ttmmaġm ula‑da‑ttkrhum yan. a‑ur‑trggmm ula‑da‑ttġuwwatm ula‑da‑ttnuwwašm ġ‑yan.

1 tasaluniki 2:3

ašku ur‑a‑nsskirkis f‑mddn lliġ a‑tn‑ntḍalab ad‑aġ‑sflidn, ula‑da‑nttiri ma‑igan winsn ula‑da‑nttiri a‑stt‑fllasn‑nzzri.

1 timutaws 3:11

ula timġarin, iqqan‑tnd‑d ad‑gnt tid zganin ġ‑ufulki, ar‑tnbaḍnt ġ‑ih̬f‑nsnt, ar‑skarnt s‑lḥqq. a‑ur‑gnt tid sawalnin ġ‑mddn.

tiṭus 2:3

ini ula i‑tmġarin mqqurnin ad‑skarnt ġmklli‑d‑iqqann h̬tilli tuqqarnin rbbi. tinit‑asnt a‑ur‑sawalnt ġ‑mddn ula‑da‑ttblunt s‑tissi iktin. illa fllasnt ad‑sslmadnt timġarin mẓẓinin f‑ma‑ifulkin

iɛbrin 12:1

imma ġilad ġ‑aġ‑tlulli‑tmdlut‑ad n‑inagan, illa fllannġ a‑nluḥ kullu mad‑aġ‑iẓẓuẓẓayn, nfl ddnub lli‑bdda‑ttirinin ad‑aġ‑ssmukrusn, baš a‑ntazzal bla‑da‑ntrmay ġ‑uġaras lli‑irẓmn ġ‑lgddam‑nnġ.

yaɛqub 1:21

kkisat zġ‑gigun iskkirn rkanin ula lh̬ʷšant lli‑iggutn ġ‑mddn. tadrat i‑ih̬f‑nnun ar‑ttqbalm awal lli‑gigun‑itẓẓu rbbi, ašku iẓḍar‑wawal‑an a‑kʷn‑ijjnjm.

yaɛqub 3:14

walaynni iġ‑tlla‑tnuwwašt ġ‑uwl‑nnun nġd ar‑ttirim a‑tagʷrm tzwurm wiyyaḍ, a‑ur‑talġm ih̬f‑nnun ula tsskarksm f‑lḥqq.

yaɛqub 4:11

way‑aytma, a‑ur‑trggmm i‑ngratun. ašku wanna irgmn ġ‑gʷmas, nġd inna fllas is‑yʷh̬šn, hati iga ih̬f‑ns d‑wad yugʷrn luṣiyat n‑rbbi, irar‑tnt zund iġ‑ur‑gint yat. iġ‑tgit ih̬f‑nnk f‑iggi n‑ššrɛ n‑rbbi, ur‑sul‑tgit wad srs iskarn walaynni wad fllas itḥkamn.

yaɛqub 4:5

is‑tġalm is‑ur‑yʷġẓan maylli ityaran ġ‑warra n‑rbbi inna: «ul lli‑ginnġ‑iga rbbi ar‑ittiri kigan»?

yaɛqub 5:9

way‑aytma, a‑ur‑ttngmugm i‑ngratun a‑ur‑fllawn‑ittut lḥukm. ha‑lqaḍi imqqurn ibidd‑d ġ‑imi.

1 bṭrus 2:16

zzriyat ussan‑nnun mknna tram, walaynni a‑ur‑ttinim d‑ih̬f‑nnun: «ha‑yaġ nẓḍar a‑nskr mknna nra. nkrat a‑nskr ma‑yʷh̬šnn.» zzriyat ussan‑nnun ġmklli‑d‑iqqann ih̬ddamn n‑rbbi.

1 bṭrus 2:22

ityara fllas: «ur‑akkʷ‑iskir kra n‑ddnb. ur‑jju‑kkint‑tkrkas imi‑ns.»

1 bṭrus 3:10

ityara: «wanna iran a‑izzri tudrt‑ns s‑lfrḥ iẓr ussan l‑lh̬ir, illa fllas a‑ikkis ma‑yʷh̬šnn zġ‑ils‑ns, ikkis tikrkas zġ‑imi‑ns.

1 bṭrus 4:2

ur‑sul‑a‑izzray ussan‑ns ġ‑ma‑ittiri bnadm i‑ih̬f‑ns, walaynni ar‑izzray mad‑as‑iqaman ġ‑ddunit‑ad ġ‑ma‑irḍan rbbi.

1 bṭrus 4:4

ar‑gigun‑tɛjjabn ar‑kʷn‑rggmn, ašku ur‑a‑ttirim a‑didsn‑ttmunum f‑tillay‑nsn.

anurẓm 14:5

kra n‑tkrkist ur‑tkki imi‑nsn. kra yʷh̬šnn ur‑gisn‑illi.