1 bṭrus 1:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ nttan, wah̬h̬a ur‑jju‑ti‑tẓrim, iɛzza darun bahra. wah̬h̬a ur‑a‑ti‑ttmnadm ġilad, tumnm srs. ar‑srs‑ttfraḥm s‑lfrḥ iggutn aylliġ ur‑akkʷ‑tufim iwaliwn mad‑as‑ttinim.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ نتّان، واخّا ءور‑جّو‑تي‑تژريم، ءيعزّا دارون باهرا. واخّا ءور‑ا‑تي‑تّمنادم غيلاد، تومنم سرس. ار‑سرس‑تّفراحم س‑لفرح ءيگّوتن ايلّيغ ءور‑اكُّ‑توفيم ءيواليون ماد‑اس‑تّينيم.

1 bṭrus 1:8 Iomraidhean Croise

matta 10:37

wanna ittirin babas nġd innas uggʷar‑inu ur‑isthlla a‑ig winu. wanna ittirin iwis nġd illis uggʷar‑inu ur‑isthlla a‑ig winu.

yuḥanna 14:15

«iġ‑a‑yyi‑ttirim, ra‑tskarm s‑luṣiyat‑inu.

yuḥanna 14:21

wanna isflidn s‑luṣiyat‑inu ar‑srsnt‑iskar, nttan a‑yyi‑ittirin. d‑wanna‑yyi‑ittirin, ra‑t‑yiri baba. ra‑t‑iriġ ula nkki, ssbayynġ‑as ih̬f‑inu.»

yuḥanna 14:24

imma wanna ur‑iyi‑ittirin, ur‑ra‑iskar s‑wawal‑inu. hati iwaliwn‑ad mi tsflidm ur‑gin ġir winu, gan win baba lli‑yyi‑d‑yuznn.

yuḥanna 16:22

ula kunni, taġ‑kʷn‑tguḍi ġilad, walaynni ra‑kʷn‑daġ‑ẓrġ, tfrḥm s‑uggʷar. ur‑illi ma‑rad‑awn‑ikkis lfrḥ‑nnun.

yuḥanna 20:29

imma yasuɛ inna‑yas: «is‑tumnt ġilad ġ‑iyi‑tẓrit? imbarkin ad‑gan winna sri umnnin bla‑yyi‑ẓran.»

yuḥanna 8:42

yini‑asn yasuɛ: «mrad is‑iga rbbi babatun ra‑yyi‑tirim nkki, ašku uškiġ‑d zġ‑rbbi kġ‑d dars. ur‑d‑uznġ ih̬f‑inu walaynni nttan a‑yyi‑d‑yuznn.

irqqasn 16:34

išškšm‑tn s‑tgmmi isrs‑asn‑in mad‑šttan, ifrḥ bahra ntta d‑kullu ayt‑tgmmi‑ns ašku wrrin umnn s‑rbbi.

ruma 14:17

ašku tagldit n‑rbbi ur‑tgi amššu nġd tissi, walaynni afulki d‑sslamt d‑lfrḥ a‑tga, s‑tḥkimt n‑rruḥ lqudus.

ruma 15:13

ḍalbġ rbbi lli‑yakkan rrja, a‑kʷn‑iɛmmr s‑lfrḥ d‑sslamt iggutn ġilad ġ‑srs‑tumnm, baš a‑bahra‑gigun‑ittigat rrja‑yad s‑tḥkimt n‑rruḥ lqudus.

1 kurintus 16:22

a‑ittut lḥukm n‑rbbi f‑wanna ur‑ittirin siditnnġ. ‹maranata›. (ašk‑id a‑siditnnġ.)

2 kurintus 1:22

iml‑aġ is‑nga wins, ig rruḥ‑ns ġ‑uwl‑nnġ baš a‑ig tamatart n‑is‑ra‑issafu kullu maylli‑s‑aġ‑inna.

2 kurintus 12:4

imma ntta isfld i‑kra n‑tġawsiwin, ur‑yufi iwaliwn ma‑s‑a‑tnt‑yaddr ula zrint i‑bnadm a‑srsnt‑isawl.

2 kurintus 4:18

hati ur‑a‑stt‑ntawi ġ‑maylli nẓrra, walaynni ar‑tt‑ntawi ġ‑maylli ur‑a‑iẓrra yan. ašku maylli nẓrra ur‑ra‑iqama, imma maylli ur‑a‑nẓrra rad‑bdda‑yili.

2 kurintus 5:7

imma nkkʷni ar‑tt‑ntawi ġ‑maylli‑s‑numn, urd ġ‑maylli nẓrra.

2 kurintus 9:15

imma ġilad, a‑bahra‑nškr rbbi lli‑aġ‑d‑ifkan ma‑yugʷrn kullu iswingimn n‑bnadm.

گالاطيّا 5:22

imma lġllt n‑rruḥ tga lḥnant d‑lfrḥ d‑lhna d‑ṣṣbr, ar‑ntɛawan wiyyaḍ ar‑didsn‑ntfulki ar‑didsn‑ntbddad

گالاطيّا 5:6

ašku yan igan win lmasiḥ, han taẓallit n‑ddat ur‑dars‑tgi yat, zund iġ‑as‑iẓẓulla zund iġ‑as‑ur‑iẓẓulli. ašku illa dars mad‑bahra‑yufn mayan. hati yumn s‑lmasiḥ, iɛmmr s‑lḥnant‑ns.

afsus 3:19

tssḥssum ġ‑uwl‑nnun s‑lḥnant‑ns lli‑bahra‑yugʷrn tawassna n‑bnadm, ard twrrim tɛmmrm kullu s‑ufulki n‑rbbi.

afsus 6:24

a‑tili lbaraka i‑kullu willi ittirin siditnnġ yasuɛ lmasiḥ s‑tayri idumn.

filibbi 1:25

ssnġ bahra is‑yuf ġmkad. rad‑sulġ qamaġ didun kullukn baš a‑ttzayadm ar‑ttfraḥm ġ‑uġaras n‑siditnnġ.

filibbi 3:3

imma ayt‑tẓallit iṣḥan, a‑tn‑igan d‑nkkʷni urd ntni. ar‑ntɛbad rbbi s‑tḥkimt n‑rruḥ‑ns, ar‑ntzɛam f‑ssibt l‑lmasiḥ yasuɛ. ur‑a‑nbnnu f‑ma‑igan win ddat n‑bnadm.

filibbi 4:4

frḥat‑bdda ġ‑siditnnġ. ra‑t‑daġ‑iniġ, frḥat.

iɛbrin 11:1

yan yumnn awal n‑rbbi, hati issn rad‑as‑yili maylli‑n‑itrju. ur‑a‑itškku ġ‑maylli ur‑iẓri.

iɛbrin 11:27

f‑ssibt n‑ma‑yumn awal n‑rbbi a‑f‑iffuġ zġ‑miṣr, ur‑iksuḍ lġaḍab n‑ugllid. izga ntta ġ‑maylli iqṣad zund iġ‑a‑iẓrra rbbi lli‑ur‑jju‑iẓri yan.

1 bṭrus 1:6

frḥat s‑kullu mayad, wah̬h̬a iġ‑d‑iqqan ad‑awn‑ṭiyyr yat‑tasaɛt f‑ssibt n‑tnukmut ula tassast lli‑kʷn‑itarmn.

1 bṭrus 2:7

mayan a‑f‑darun‑iɛzza kunni lli‑srs‑yumnn. walaynni ityara‑daġ f‑willi ur‑rinin ad‑amnn, inna rbbi fllasn: «aẓru lli‑n‑luḥn ibnnayn, nttan a‑iwrrin iga ih̬f n‑uġẓu.»

1 bṭrus 5:4

ġakud lliġ ra‑d‑yašk‑umksa imqqurn rad‑awn‑ifk ttaj l‑lmjd lli‑ur‑ra‑sar‑imdu.