1 bṭrus 1:7 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ izri fllawn mayan baš a‑tissanm is‑iṣḥa liman‑nnun. ašku iɛzza liman‑nnun bahra, uggʷar n‑uwrġ lli‑ifnnun wah̬h̬a‑da‑itṣfu s‑lɛafit. ašku ġmkan a‑s‑ra‑kʷn‑yalġ rbbi issattuy‑kʷn issimġur‑kʷn ġakud lliġ ra‑d‑yašk yasuɛ lmasiḥ ibayyn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ ءيزري فلّاون مايان باش ا‑تيسّانم ءيس‑يصحا ليمان‑نّون. اشكو ءيعزّا ليمان‑نّون باهرا، ءوگُّار ن‑وورغ لّي‑يفنّون واخّا‑دا‑يتصفو س‑لعافيت. اشكو غمكان ا‑س‑را‑كُن‑يالغ ربّي ءيسّاتّوي‑كُن ءيسّيمغور‑كُن غاكود لّيغ را‑د‑ياشك ياسوع لماسيح ءيبايّن.

1 bṭrus 1:7 Iomraidhean Croise

matta 19:28

yini‑asn yasuɛ: «lḥqq a‑rad‑awn‑iniġ, ġakud lliġ rad‑gawrġ nkki lli‑igan yus n‑bnadm f‑lɛrš l‑lmjd‑inu ġ‑ddunit l‑ljdid, ra‑tgawrm ula kunni lli‑didi‑itmunun f‑sin d‑mraw l‑lɛrš ar‑ttḥkamm f‑kullu ayt‑rbbi.

matta 25:21

yini‑as sidis ‹išwa mayad, ay‑ah̬ddam ifulkin iṣlḥn. tskrt ma‑k‑id‑iqqann s‑maylli idrusn. imma ġilad rad‑flġ ġ‑ufus‑nnk ma‑iggutn. kšm‑d tfrḥt d‑sidik.›

matta 25:23

yini‑as sidis ‹išwa mayad, ay‑ah̬ddam ifulkin iṣlḥn. tskrt ma‑k‑id‑iqqann s‑maylli idrusn. imma ġilad rad‑flġ ġ‑ufus‑nnk ma‑iggutn. kšm‑d tfrḥt d‑sidik.›

luqa 12:33

zznzat ma‑teṭṭafm tbḍum‑t i‑imẓlaḍ. skarat i‑ih̬f‑nnun iqrban lli‑ur‑ra‑imdu, yili‑awn‑wayda ġ‑ignna illiġ ur‑ra‑zgis‑ityattay yat, ula iruḥ‑t‑umh̬h̬ar, ula tšša‑t‑twukka.

luqa 17:30

ġmkan a‑ra‑d‑daġ‑yili ġ‑wass lli‑ġ‑ra‑d‑iban yus n‑bnadm.

yuḥanna 12:26

wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.

yuḥanna 5:44

mamnk a‑ra‑tamnm lliġ a‑ttirim a‑ttalġm i‑ngratun bla‑da‑tskarm f‑a‑kʷn‑yalġ rbbi lli‑igan waḥdut?

irqqasn 8:20

irar‑as bṭrus: «a‑tthlkt kiyi ula nnuqrt‑nnk, ašku tġalt izd s‑iqaridn a‑s‑tlla‑twafka n‑rbbi.

ruma 2:10

imma kullu wanna iskarn afulki, ra‑t‑issattuy rbbi issimġur‑t ifk‑as sslamt. ra‑stt‑ifk zwar i‑ayt‑yudaya ifk‑tt ula i‑ayt‑tmizar yaḍni.

ruma 2:29

a‑igan gu‑yudaya s‑lḥqq d‑walli issġusn ul‑ns. issġus‑t s‑tḥkimt n‑rruḥ lqudus urd s‑warratn n‑ššrɛ, ibddl zġ‑ugʷns‑ns urd brra‑ns. wanna iskarn ġmkad, urd bnadm a‑ra‑t‑yalġ walaynni rbbi a‑ra‑t‑yalġ.

ruma 2:7

llan kra n‑mddn ar‑bdda‑skarn afulki ar‑n‑trjun ġ‑dar rbbi a‑tn‑issattuy ar‑tn‑issimġur ifk‑asn tudrt idumn. ntni rad‑asn‑ifk rbbi tudrt l‑lih̬rt.

ruma 8:19

ašku kullu ma‑ih̬lq rbbi ġ‑ddunit‑ad ar‑itql yiri bahra ass‑an ġ‑rad‑d‑bann tarwa n‑rbbi.

1 kurintus 3:13

ra‑di‑tban‑twuri n‑tbnnayt‑ns. ašku tabnnayt n‑kud yan ra‑ttyaram s‑lɛafit ġ‑wass lli‑ġ‑ra‑d‑yašk lmasiḥ. ra‑tban is‑tdus nġd uhu.

1 kurintus 4:5

mayad a‑f‑kʷn‑ih̬ṣṣa a‑ur‑ttinim f‑yan is‑yʷh̬šn, ašku ur‑ta‑d‑ilkim‑uzmz l‑lḥukm. walaynni ġakud nna‑d‑yuška siditnnġ ra‑ifaw kullu ma‑irgsn ġ‑tillas, issbayyn‑d ula iswingimn lli‑ntlnin ġ‑uwlawn n‑mddn. ġakudan a‑ra‑ifk rbbi rrḍa‑ns i‑kud yan d‑ma‑t‑id‑yuškan.

yaɛqub 1:12

ambarki a‑iga wanna iṣbrn izgan ġ‑tasaɛt n‑tnukmut. ašku lliġ ityaram sul‑izga, rad‑as‑yili ttaj n‑tudrt idumn lli‑f‑inna rbbi ra‑t‑ifk i‑willi ranin rbbi.

1 bṭrus 1:13

f‑mayan a‑f‑rad‑awn‑iniġ, bkisat ih̬f‑nnun trarm lɛaql, tzgam bahra ġ‑rrja lli‑s‑a‑ttrjum f‑lbaraka lli‑rad‑awn‑yili ġakud lliġ ra‑d‑yašk yasuɛ lmasiḥ ibayyn.

1 bṭrus 1:5

s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

1 bṭrus 2:4

akmurad‑d ġilad s‑walli igan aẓru iddrn. luḥn‑t‑in mddn, walaynni iẓli‑t rbbi, iɛzzu dars.

1 bṭrus 2:7

mayan a‑f‑darun‑iɛzza kunni lli‑srs‑yumnn. walaynni ityara‑daġ f‑willi ur‑rinin ad‑amnn, inna rbbi fllasn: «aẓru lli‑n‑luḥn ibnnayn, nttan a‑iwrrin iga ih̬f n‑uġẓu.»

1 bṭrus 4:12

way‑aytma ɛzzanin, a‑ur‑ttɛjjabm ġ‑lɛafit n‑trfufnt lli‑kʷn‑itarmn, zund iġ‑awn‑ijra kra igan ljdid.

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

1 bṭrus 5:1

rad‑ḍalbġ imġarn ġ‑gratun, nkki‑ad igan amġar zund kunni, gġ inigi f‑urfufn l‑lmasiḥ, ṭṭafġ taġamt ġ‑lmjd lli‑ra‑d‑iban.

2 bṭrus 1:1

zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

2 bṭrus 1:4

d‑ġmkad a‑s‑aġ‑llant lbarakat hiyyanin ɛzzanin lli‑f‑inna rad‑aġ‑tnt‑ifk, baš a‑twrrim tgm ġmklli iga rbbi, tnjmm zġ‑kullu ma‑itawin ġ‑ddunit s‑lhalak f‑ssibt n‑maylli ittiri bnadm i‑ih̬f‑ns.

2 bṭrus 3:14

imma ġilad ġ‑a‑ttqlm s‑mayad, ay‑aytma ɛzzanin, gat‑n tiqqi‑nnun a‑bdda‑tili sslamt ġ‑gratun d‑rbbi, bla gigun illa kra l‑lɛib ula kra yʷh̬šnn ġ‑uwlawn‑nnun.

yahuda 1:24

imma ġwalli iẓḍarn a‑kʷn‑injja baš a‑ur‑tḍrm, isslkm‑kʷn‑in s‑lgddam l‑lmjd‑ns s‑lfrḥ iggutn bla gigun illa kra l‑lɛib, nttan a‑mi‑illa lmjd d‑tmuġra d‑tẓḍḍart d‑lquwwa ġilad ula kullu ġayd izrin ula kullu mayd‑d‑iftan. d‑ġmkad a‑f‑rad‑bdda‑ntalġ ġwalli igan rbbi anjjam‑nnġ s‑ism n‑siditnnġ yasuɛ lmasiḥ, amin.

anurẓm 1:7

hati ra‑d‑iftu ġilad ġ‑gr imdla, ẓrn‑t kullu mddn, ẓrn‑t ula ġwilli‑t‑ssyaggasnin. rad‑allant‑kullu‑tmizar n‑ddunit f‑ssibt‑ns. ġmkad a‑ra‑yili, amin.

anurẓm 2:10

imma ġilad, ad‑ur‑tiksaṭṭ tanukmut lli‑ra‑fllak‑izri. hati ra‑k‑yarm iblis iluḥ‑n kra gigun ġ‑lḥbs. ra‑trfufnt mraw‑uwssan. zga ġ‑uġaras‑inu ar lmut, fkġ‑ak ttaj n‑tudrt.

anurẓm 3:10

hati tṣbrt tzgat ġmklli‑k‑uṣṣaġ. f‑mayan a‑f‑ra‑k‑ssntalġ ġ‑tasaɛt n‑tnukmut lli‑ra‑izri f‑ddunit a‑tarm kullu willi gis zdġnin.

anurẓm 3:18

rad‑ak‑iniġ yuf‑ak a‑zġ‑dari‑tsġt urġ lli‑iṣfan s‑lɛafit f‑a‑dark‑nnit‑yili lh̬ir. tsġt zġ‑dari ula timlsa tumlilin f‑a‑tlst tdlt lɛib n‑ddat‑nnk. tsġt zġ‑dari ula asafar i‑walln‑nnk f‑a‑tisfiwt.