1 bṭrus 1:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ س‑تحكيمت‑نس ءيتجهّدن ا‑س‑ا‑كُن‑يسّنتال كونّي لّي‑سرس‑ومنّين، ارد تنجمّ س‑وجنجم ءيكمّلن لّي‑راد‑اون‑ييلي غ‑يسيگُّرا ن‑دّونيت.

1 bṭrus 1:5 Iomraidhean Croise

yuḥanna 12:48

imma wanna‑yyi‑iḥgrn yagʷi a‑isfld s‑wawal‑inu, rad‑as‑sul‑yili ma‑fllas‑itḥkamn. ašku awal lli‑s‑nniġ, nttan a‑ra‑fllas‑iḥkam ġ‑wass iggʷran n‑ddunit.

yuḥanna 17:15

ur‑a‑k‑tḍalabġ a‑tn‑tssittit zġ‑ddunit walaynni a‑tn‑tssntalt zġ‑iblis.

yuḥanna 4:14

imma wanna iswan zġ‑waman lli‑rad‑as‑fkġ nkki, ur‑sar‑irufi. ašku aman lli‑rad‑as‑fkġ ra‑zgis‑ngin zund yat talɛint n‑tudrt idumn.»

yuḥanna 5:24

«lḥqq ayad, lḥqq a‑rad‑awn‑iniġ. wanna isfldn s‑wawal‑inu yamn ġwalli‑yyi‑d‑yuznn, ra‑iddr tudrt idumn. ur‑ra‑fllas‑ittut lḥukm, ašku izri zġ‑lmut s‑tudrt.

ruma 11:20

tʷġẓant, ibbi‑tnt ašku ur‑rint ad‑amnnt, tilit gis ašku tumnt, walaynni ad‑ur‑tškrt ih̬f‑nnk f‑mayad. illa fllak a‑trart lɛaql.

ruma 8:18

ssnġ nkki tarfufnt n‑uwssan‑ad ur‑tswi yat ġ‑lgddam l‑lmjd lli‑rad‑aġ‑ifk rbbi ġ‑mayd‑d‑yuškan.

1 kurintus 1:21

ašku rbbi s‑tḥkimt‑ns a‑s‑iqṣad ġ‑mddn n‑ddunit‑ad a‑ur‑iẓḍarn ad‑wrrin issann rbbi s‑lɛaql‑nsn, walaynni irḍa a‑ijjnjm winna umnnin s‑tbrraḥt‑nnġ lli‑f‑a‑ttinin «tga anufl.»

2 kurintus 1:24

ur‑nri nkkʷni a‑nḥkam ġ‑liman‑nnun, walaynni nra a‑didun‑ntmɛawan baš a‑ttfraḥm, ašku nssn is‑tzgam ġ‑uġaras l‑lmasiḥ.

گالاطيّا 2:20

ha‑yyi mmutġ d‑lmasiḥ f‑uggjdi‑ns. urd sul nkki a‑iddrn walaynni lmasiḥ a‑gigi‑iddrn. kullu mad‑skarġ ġilad, ar‑t‑skarġ f‑ssibt n‑mad‑umnġ s‑yus n‑rbbi lli‑gigi‑iḥnnan ifk tudrt‑ns flla.

afsus 2:8

hati f‑lḥnant‑ns a‑f‑tnjmm lliġ srs tumnm. urd f‑ssibt n‑kra tskarm kunni, walaynni tga tawafka ifka‑yawn‑tt rbbi.

afsus 3:17

baš a‑izdġ lmasiḥ ġ‑uwl‑nnun ġmklli srs tumnm. ḍalbġ‑t a‑kʷn‑iẓẓu ġ‑lḥnant izzga‑kʷn gis,

filibbi 1:6

hati ssnġ mayad bahra: rbbi lli‑gigun‑igran afulki ra‑t‑issafaw ard ikmml ġ‑wass lli‑ġ‑ra‑d‑iwrri lmasiḥ yasuɛ.

filibbi 4:7

ġmkad a‑s‑rad‑awn‑tili sslamt n‑rbbi lli‑yugʷrn iswingimn n‑bnadm, ra‑tgabl ul‑nnun ula lɛaql‑nnun ġ‑tamunt l‑lmasiḥ yasuɛ.

2 timutaws 3:15

kiyi zġ‑mẓẓiy‑nnk a‑zġ‑tssnt arratn n‑rbbi lli‑ẓḍarnin a‑k‑ssfhmn mamnk a‑tamnt s‑lmasiḥ yasuɛ tnjmt.

tiṭus 2:13

ar‑ntql ar‑ntrju ass‑an ambarki lli‑ġ‑ra‑d‑iban lmjd n‑rbbi‑nnġ imqqurn yasuɛ lmasiḥ lli‑aġ‑ijjnjmn.

iɛbrin 6:12

a‑ur‑ttrmaym tflm ma‑kʷn‑d‑iqqann, walaynni skarat zund kullu willi umnnin ṣbrn aylliġ kšmn s‑tmih̬ar lli‑f‑asn‑inna rbbi.

iɛbrin 9:28

ġmkan a‑s‑ifka lmasiḥ ula ntta ih̬f‑ns yat‑twal baš a‑yasi ddnub n‑mddn ggutnin. ra‑d‑iwrri tis snat‑twal, urd baš a‑yasi ddnub walaynni baš a‑ijjnjm kullu winna srs tqlnin rjun‑in gis.

1 bṭrus 1:13

f‑mayan a‑f‑rad‑awn‑iniġ, bkisat ih̬f‑nnun trarm lɛaql, tzgam bahra ġ‑rrja lli‑s‑a‑ttrjum f‑lbaraka lli‑rad‑awn‑yili ġakud lliġ ra‑d‑yašk yasuɛ lmasiḥ ibayyn.

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

1 bṭrus 5:1

rad‑ḍalbġ imġarn ġ‑gratun, nkki‑ad igan amġar zund kunni, gġ inigi f‑urfufn l‑lmasiḥ, ṭṭafġ taġamt ġ‑lmjd lli‑ra‑d‑iban.

2 bṭrus 1:3

s‑tḥkimt‑ns itjhhdn a‑s‑aġ‑d‑ifka rbbi kullu ma‑nḥtajja baš a‑nddr ġ‑ddunit ar‑t‑ntrḍu. ašku nwrri nssn ġwalli‑aġ‑d‑iġran a‑nkšm s‑lmjd‑ns d‑ufulki‑ns.

1 yuḥanna 3:2

way‑aytma ɛzzanin, nga tarwa n‑rbbi ġilad. ur‑ta‑yaġ‑issbayyn ma‑ra‑ng ġ‑mayd‑d‑iftan, walaynni nssn mayad: ġakud lliġ ra‑d‑yašk lmasiḥ ra‑ng zund nttan, ašku ra‑t‑nẓr ġmklli iga.

yahuda 1:1

zġ‑uh̬ddam n‑yasuɛ lmasiḥ, yahuda gʷmas n‑yaɛqub. i‑willi‑f‑iḥnna rbbi babatnnġ iġr‑asn‑d, ar‑tn‑issntal yasuɛ lmasiḥ.

yahuda 1:24

imma ġwalli iẓḍarn a‑kʷn‑injja baš a‑ur‑tḍrm, isslkm‑kʷn‑in s‑lgddam l‑lmjd‑ns s‑lfrḥ iggutn bla gigun illa kra l‑lɛib, nttan a‑mi‑illa lmjd d‑tmuġra d‑tẓḍḍart d‑lquwwa ġilad ula kullu ġayd izrin ula kullu mayd‑d‑iftan. d‑ġmkad a‑f‑rad‑bdda‑ntalġ ġwalli igan rbbi anjjam‑nnġ s‑ism n‑siditnnġ yasuɛ lmasiḥ, amin.