1 bṭrus 1:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ifk‑aġ yal‑lwrt lli‑ur‑ra‑ifnu ula ra‑ih̬sr ula ra‑imdu, iḥḍa‑yawn‑t ġ‑ignna.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ ءيفك‑اغ يا‑لّوورت لّي‑ور‑را‑يفنو ءولا را‑يخسر ءولا را‑يمدو، ءيحضا‑ياون‑ت غ‑يگنّا.

1 bṭrus 1:4 Iomraidhean Croise

matta 25:34

sawlġ ilmma, nkki lli‑igan agllid, s‑willi llanin f‑ufasi iniġ‑asn ‹aškad‑d a‑imbarkin n‑baba rbbi, kšmat s‑tgldit lli‑awn‑ijjujad zġ‑isizwar n‑ddunit.

marqus 10:17

inkr yasuɛ, ra‑d‑iffuġ s‑uġaras s‑d‑yuzzl yan‑urgaz iḍr f‑ifaddn ġ‑lgddam‑ns isqsa‑t: «way‑amslmd ifulkin, ma‑rad‑skrġ baš ad‑ṭṭafġ tudrt l‑lih̬rt?»

irqqasn 20:32

«imma ġilad ra‑kʷn‑flġ ġ‑ufus n‑rbbi, flġ darun awal l‑lbaraka‑ns lli‑iẓḍarn a‑kʷn‑issdus išškšm‑kʷn s‑tmih̬ar ggutnin lli‑ra‑yili i‑kullu willi iẓli ad‑gn wins.

irqqasn 26:18

ra‑k‑aznġ a‑trẓmt alln‑nsn, trart‑tn‑d zġ‑tillas s‑tifawt, ula zġ‑lquwwa n‑šiṭan s‑rbbi, baš a‑fllasn‑ittin ddnub‑nsn, wrrin ṭṭafn taġamt ġ‑gr ġwilli ẓliġ ad‑gn winu f‑ssibt n‑mad‑sri‑umnn.›

ruma 8:17

lliġ nga tarwa‑ns, nissan is‑ra‑nṭṭaf lwrt lli‑ra‑yili i‑mddn n‑rbbi, ra‑nkšm ġ‑lwrt l‑lmasiḥ. iġ‑dids‑nmun ġ‑urfufn, ra‑dids‑nili ġ‑lmjd.

1 kurintus 9:25

kullu wanna itazzaln ar‑issdus ih̬f‑ns. ar‑t‑issdus baš a‑yamẓ kra l‑lkas lli‑ur‑ra‑idum. imma nkkʷni ar‑nssdus ih̬fawn‑nnġ baš a‑namẓ lkas lli‑rad‑bdda‑idum.

گالاطيّا 3:18

ašku rbbi, mrad is‑ifka lwrt‑ns ġir i‑willi skarnin s‑ššrɛ, ikun ur‑akkʷ‑iqama ġ‑wawal lli‑s‑yad‑inna i‑ibrahim. walaynni urd ġmkan a‑iskr rbbi, ašku s‑wawal‑ns izgan a‑s‑ifka lwrt i‑ibrahim.

afsus 1:11

rbbi iẓli‑aġ d‑lmasiḥ ula nkkʷni baš a‑ng mddn‑ns, ġmklli iqṣad nttan lli‑bdda‑iskarn ma‑ira ġ‑kullu ma‑ijrrun.

afsus 1:14

iga tamatart n‑is‑ra‑issafu rbbi kullu timih̬ar lli‑f‑inna ra‑tnt‑ifk i‑mddn‑ns. matta ġunškad s‑iggut lmjd n‑rbbi, ar‑t‑ntalġ bahra.

afsus 1:18

ar‑ti‑tḍalabġ a‑irẓm alln l‑lɛaql‑nnun, baš a‑tissanm ma‑iga rrja‑yad iṣḥan lli‑mi‑kʷn‑iẓli, ula lbarakat ggutnin lli‑ra‑ifk i‑imẓlayn‑ns,

kulussi 1:12

ar‑ttfraḥm ar‑ttškarm rbbi babatnnġ lli‑awn‑ifkan taġamt ġ‑lwrt lli‑ra‑yili i‑imẓlayn‑ns ġ‑tgldit n‑tifawt.

kulussi 1:5

ašku illa darun rrja iṣḥan f‑maylli‑awn‑in‑iḥḍa rbbi ġ‑ignna. mayd‑ġ‑a‑ttrjum, tsfldm fllas ġakud lliġ‑kʷn‑in‑ilkm‑wawal l‑lḥqq lli‑igan lh̬bar ifulkin.

kulussi 3:24

ašku tssnm izd siditnnġ a‑rad‑awn‑ifk tiġrad‑nnun, išškšm‑kʷn s‑lwrt‑nnun ġ‑ignna. ašku siditnnġ lmasiḥ, nttan a‑mi‑tth̬damm.

2 timutaws 4:8

rad‑iyi‑yili ttaj ġilad n‑yan irḍan rbbi. iḥḍa‑yyi‑t siditnnġ lli‑bdda‑iḥkamn s‑lḥqq, baš ad‑iyi‑t‑ifk ġ‑wass lli‑ġ‑ra‑d‑yašk. urd ġir nkki a‑mi‑ra‑yili, walaynni ra‑t‑ifk i‑kullu willi‑n‑gis‑rjanin ar‑srs‑tqln.

iɛbrin 10:34

ar‑ttɛawanm aytmatun lli‑n‑llanin ġ‑lḥbs, tṣbrm d‑willi‑awn‑kkisnin ayda‑nnun, tfrḥm ašku tssnm is‑teṭṭafm kra yufn mayan, a‑t‑igan d‑wayda idumn.

iɛbrin 9:15

ġmkan a‑iskr lmasiḥ yal‑lɛhd l‑ljdid ġ‑gr rbbi d‑bnadm, išškšm srs ġwilli mi‑d‑iġra rbbi s‑lwrt idumn lli‑f‑asn‑inna rad‑asn‑yili. immut lmasiḥ baš a‑ifru mddn zġ‑ddnub lli‑skrn lliġ sul llan ġ‑lɛhd amzwaru.

yaɛqub 1:11

ar‑di‑taqlay tafukt s‑trġi‑ns iḥrran, tjdr tuga iḍr‑ujddig‑ns laḥ afulki‑ns. ġmkan a‑s‑rad‑laḥ bu‑wayda lliġ a‑sul‑itsala tawuri‑ns.

1 bṭrus 3:9

iġ‑illa mad‑awn‑iskrn kra yʷh̬šnn, ad‑as‑ur‑trarm s‑lh̬ʷšant. iġ‑illa ma‑kʷn‑irgmn, ad‑as‑ur‑trarm s‑trggam, walaynni iniyat‑as: «a‑k‑ibark rbbi.» ašku iġra‑yawn‑d rbbi ad‑awn‑tili lbaraka.

1 bṭrus 5:4

ġakud lliġ ra‑d‑yašk‑umksa imqqurn rad‑awn‑ifk ttaj l‑lmjd lli‑ur‑ra‑sar‑imdu.

anurẓm 21:27

walaynni ur‑ra‑srs‑ikšm ma‑ijlh̬n ula ma‑issrkawn ula ma‑isskirkisn. ur‑ra‑srs‑ikšm abla ġwilli mi tyaran ismawn‑nsn ġ‑warra n‑tudrt n‑ulqqaġ.