1 bṭrus 1:2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² iẓli‑kʷn rbbi babatnnġ s‑tḥkimt n‑rruḥ lqudus ġmklli iqṣad zġ‑isizwar, baš a‑tskarm s‑iwaliwn n‑yasuɛ lmasiḥ tġusm s‑idammn‑ns. ad‑awn‑tigat lbaraka d‑sslamt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءيژلي‑كُن ربّي باباتنّغ س‑تحكيمت ن‑رّوح لقودوس غمكلّي ءيقصاد زغ‑يسيزوار، باش ا‑تسكارم س‑يواليون ن‑ياسوع لماسيح تغوسم س‑يدامّن‑نس. اد‑اون‑تيگات لباراكا د‑سّلامت.

1 bṭrus 1:2 Iomraidhean Croise

matta 24:22

mrad is‑ur‑issidrus rbbi ussan‑an ur‑ra‑injm yan. walaynni f‑ssibt n‑mddn‑ns lli‑iẓli, hati issidrus ussan‑an f‑ssibt‑nsn.

matta 24:24

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar mqqurnin d‑lmɛjizat iġ‑ufan ad‑jllun ula ġwilli ganin win rbbi.

matta 24:31

ra‑ittut nnffar itjhhdn, aznġ lmalayka‑nu ad‑ssmunn ġwilli ganin winu zġ‑kraygatt tasga, zġ‑ttmi n‑ddunit ar ttmi yaḍni.

marqus 13:20

mrad is‑ur‑issidrus siditun ussan‑an ur‑ra‑injm yan. walaynni f‑ssibt n‑willi iẓli ad‑gn wins, hati issidrus ussan‑an f‑ssibt‑nsn.

marqus 13:22

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar d‑lmɛjizat iġ‑ufan ad‑jllun ula ġwilli ganin win rbbi.

marqus 13:27

ġakudan rad‑aznġ lmalayka ad‑ssmunn ġwilli ganin winu zġ‑kraygatt tasga, zġ‑ttmi n‑wakal ar ttmi n‑ignwan.

luqa 18:7

imma rbbi is‑ur‑ra‑ifukku mddn‑ns lli‑as‑aqranin ġ‑iyḍ ula azal? is‑ra‑imaṭl ad‑asn‑ifk maylli zġ‑gis ḍalbn?

irqqasn 15:18

ġmkad a‑s‑inna sidi rbbi lli‑iskarn kullu mayad, ityawssan dars zġ‑isizwar.›»

irqqasn 2:23

imma kunni tnġam‑t lliġ‑ti‑tdḥim s‑gr ifassn n‑mddn ʷh̬šnnin a‑t‑agʷln f‑uggjdi. imma rbbi, issn mayad iqṣad‑t ur‑ta‑ijri,

irqqasn 20:32

«imma ġilad ra‑kʷn‑flġ ġ‑ufus n‑rbbi, flġ darun awal l‑lbaraka‑ns lli‑iẓḍarn a‑kʷn‑issdus išškšm‑kʷn s‑tmih̬ar ggutnin lli‑ra‑yili i‑kullu willi iẓli ad‑gn wins.

ruma 1:5

f‑uwdm‑ns a‑f‑aġ‑ibark rbbi ifk‑aġ tarqqast‑ad s‑ism‑ns, baš ad‑amnn mddn ġ‑kraygatt tamazirt skrn s‑wawal‑ns.

ruma 1:7

i‑kullu willi‑ġ‑iḥnna rbbi ġ‑tmdint n‑ruma lli‑mi‑iġra ad‑gn imẓlayn‑ns. ad‑awn‑tili lbaraka d‑sslamt zġ‑rbbi babatnnġ d‑siditnnġ yasuɛ lmasiḥ.

ruma 11:2

rbbi ur‑n‑iluḥ mddn‑ns lli‑issn zġ‑isizwar. is‑ur‑tssinm ma‑ityaran f‑nnabi iliyya ġ‑warra n‑rbbi? ar‑issmummʷi iliyya f‑rbbi f‑lh̬ʷšant lli‑skarn ayt‑rbbi yini‑as:

ruma 11:28

imma ntni iga‑tn rbbi d‑inuwwašn‑ns f‑ssibt‑nnun ašku agʷin ad‑sflidn s‑lh̬bar ifulkin. walaynni iga‑tn sul d‑imddukkʷal‑ns f‑ssibt n‑imzwura‑nsn lli‑iẓli ġayd izrin.

ruma 15:16

ig‑iyi d‑uh̬ddam l‑lmasiḥ yasuɛ ġ‑gr ayt‑tmizar aggugnin. ar‑th̬damġ zund yan‑unmġur n‑tgmmi n‑rbbi, ar‑ssakmurġ mddn n‑ayt‑tmizar i‑rbbi s‑tbrraḥt l‑lh̬bar ifulkin, baš a‑fllasn‑irḍu rbbi iẓli‑tn i‑ih̬f‑ns s‑usġus n‑rruḥ lqudus.

ruma 16:19

imma kunni, frḥġ f‑ssibt‑nnun ašku sfldn kullu mddn f‑mamnk a‑tumẓm ġ‑lmasiḥ. walaynni riġ a‑twrrim tissanm kullu ma‑ifulkin, tanfm i‑kullu ma‑yʷh̬šnn.

ruma 16:26

ašku maylli intln kullu ġayd izrin, issbayyn‑t‑id rbbi ġilad, iml‑aġ‑t ġ‑warratn l‑lanbiya, baš ad‑wrrin amnn mddn ġ‑kullu timizar n‑ddunit ar‑skarn s‑wawal‑ns, ġmklli yuṣṣa rbbi lli‑bdda‑illan.

ruma 8:13

iġ‑a‑tskarm s‑ma‑tra ddat, rad‑awn‑tili lmut. walaynni iġ‑a‑tnqqam iskkirn n‑ddat s‑tḥkimt n‑rruḥ, rad‑awn‑tili tudrt.

ruma 8:33

ma‑iẓḍarn a‑yaštkka s‑imẓlayn n‑rbbi? han rbbi a‑fllannġ‑irḍan.

1 kurintus 1:30

nttan ad‑awn‑ifkan a‑tgm win lmasiḥ. ifk‑aġ taḥkimt l‑lmasiḥ, ifk‑aġ afulki l‑lmasiḥ, iẓli‑aġ s‑uẓlay l‑lmasiḥ, ifukku‑aġ f‑uwdm l‑lmasiḥ.

1 kurintus 6:11

ula kunni, kra gigun ikka‑ttin ar‑iskar ġmkan, walaynni isird‑kʷn siditnnġ yasuɛ lmasiḥ s‑rruḥ n‑rbbi‑nnġ, iẓli‑kʷn iskr sslamt ġ‑gratun d‑rbbi.

2 kurintus 10:5

ar‑nssgriwil iswingimn n‑bnadm, ar‑nh̬llu iwaliwn n‑kullu ma‑italln ih̬f‑ns a‑iḍaḍḍ tawassna n‑rbbi, ar‑nkkrs kullu tinbaḍin n‑mddn baš ad‑wrrin s‑tnbaḍin l‑lmasiḥ.

2 kurintus 13:14

ad‑awn‑tili lbaraka n‑siditnnġ yasuɛ lmasiḥ ula lḥnant n‑rbbi ula tamunt n‑rruḥ lqudus kullukn.

kulussi 3:12

kunni, imẓlayn n‑rbbi a‑tgam. ira‑kʷn iẓli‑kʷn a‑tgm wins. f‑mayan a‑f‑kʷn‑d‑iqqan a‑tɛmmrm s‑lḥnant, ar‑ttmɛawanm ar‑tẓẓimẓaym ih̬f‑nnun, ar‑ttrh̬um ar‑ttṣbarm i‑ngratun

2 tasaluniki 2:13

walaynni iqqan‑aġ‑d a‑bdda‑ntškar rbbi fllawn ay‑aytmatnnġ lli‑f‑iḥnna siditnnġ, ašku iẓli‑kʷn zġ‑isizwar a‑tnjmm, issġus‑kʷn s‑rruḥ lqudus baš a‑tgm wins f‑ssibt n‑ma‑tumnm lḥqq.

2 timutaws 2:10

mayad a‑f‑a‑kullu‑tṣbarġ, baš ad‑tnjamn imẓlayn n‑rbbi f‑uwdm l‑lmasiḥ yasuɛ, kšmn s‑lmjd idumn.

tiṭus 1:1

zġ‑bulus ah̬ddam n‑rbbi d‑urqqas n‑yasuɛ lmasiḥ lli‑yyi‑iẓlin ad‑malaġ i‑imẓlayn n‑rbbi mamnk ad‑tamnn s‑wawal‑ns, issann kullu ma‑igan lḥqq n‑uġaras‑ns

iɛbrin 10:22

illa fllannġ a‑n‑nakmur s‑rbbi s‑nniyt ikmmln, namn rad‑aġ‑iqbl, nġus zġ‑kullu ddnub lli‑s‑a‑issḥssa‑uwl n‑bnadm, tarud ula ddat‑nnġ s‑waman ġusnin.

iɛbrin 11:28

f‑ssibt n‑ma‑yumn rbbi a‑f‑yuṣṣa ayt‑rbbi f‑wass n‑usurf, yini‑asn ad‑truššn tigʷmma‑nsn s‑idammn, baš a‑ur‑inġ lmalak l‑lmut iwitsn ih̬fddi zund ih̬fdditn n‑ayt‑miṣr.

iɛbrin 12:24

takmurm‑d s‑yasuɛ lli‑iskrn lɛhd l‑ljdid ġ‑gr rbbi d‑bnadm, ula s‑urušš n‑idammn‑ns lli‑ifkan rrja uggʷar n‑idammn n‑habil.

iɛbrin 5:9

walaynni lliġ ikmml kullu ma‑fllas‑illan, ijjnjm ġwilli skarnin s‑wawal‑ns s‑ujnjm idumn,

1 bṭrus 1:14

skarat s‑wawal n‑rbbi, ġmklli skarn tarwa s‑wawal n‑ayt‑darsn. a‑ur‑sul‑ttlhum s‑ġaylli sttin tkkam ar‑ttirim i‑ih̬f‑nnun lliġ ur‑ta‑tssinm lḥqq.

1 bṭrus 1:19

walaynni s‑idammn ɛzzanin l‑lmasiḥ zund idammn n‑yan‑ulqqaġ iġusn bla lɛib.

1 bṭrus 1:20

mayad, iqṣad‑t srs rbbi lliġ ur‑ta‑ih̬lq yat, yazn‑t‑id ilmma ibayyn‑d f‑ssibt‑nnun ġ‑uwssan‑ad ggʷranin.

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

1 bṭrus 2:9

imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

2 bṭrus 1:2

a‑fllawn‑tigat lbaraka d‑sslamt ġilad ġ‑tssnm rbbi ula siditnnġ yasuɛ.

2 yuḥanna 1:1

zġ‑umġar i‑tmġart tamẓlayt d‑tarwa‑ns. tɛzzam dari s‑lḥqq, nkki ula kullu willi ssnnin lḥqq.

2 yuḥanna 1:13

ar‑n‑fllam‑tsllamn tarwa n‑uwlltmam‑ad tamẓlayt.

yahuda 1:2

ad‑awn‑tigat rrḥmt d‑sslamt d‑lḥnant.