1 bṭrus 1:18 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁸ ašku tssnm is‑kʷn‑d‑ifra zġ‑tnbaḍin h̬wanin lli‑awn‑d‑fln imzwura‑nnun. ašku urd s‑ma‑ifnnun zund nnuqrt nġd urġ a‑s‑kʷn‑d‑ifra,

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁸ اشكو تسّنم ءيس‑كُن‑د‑يفرا زغ‑تنباضين خوانين لّي‑اون‑د‑فلن ءيمزوورا‑نّون. اشكو ءورد س‑ما‑يفنّون زوند نّوقرت نغد ءورغ ا‑س‑كُن‑د‑يفرا،

1 bṭrus 1:18 Iomraidhean Croise

marqus 8:37

ma‑ra‑ifk bnadm baš a‑ijjnjm ih̬f‑ns?

ruma 1:21

walaynni wah̬h̬a ssnn mddn mamnk a‑iga rbbi, ur‑t‑uqqirn ġmklli‑tn‑d‑iqqann ula‑da‑ti‑tškarn. jlan ntni s‑iswingimn‑nsn h̬wanin, iwrri illas lɛaql‑nsn aylliġ ur‑fhimn yat.

1 kurintus 3:20

ityara‑daġ: «issn siditnnġ is‑h̬wan iswingimn n‑ayt‑lɛaql.»

1 kurintus 6:20

ašku nttan a‑kʷn‑isġan, ifk fllawn atig‑nnun. illa fllawn ġilad a‑tmjjdm rbbi s‑ddat‑nnun.

1 kurintus 7:23

isġa‑kʷn lmasiḥ ifk fllawn atig‑nnun. imma ġilad a‑ur‑tfkm ih̬fawn‑nnun a‑tgm ismgan i‑bnadm.

گالاطيّا 1:4

nttan a‑ifkan ih̬f‑ns, immt baš ad‑aġ‑ijjnjm zġ‑ddnub‑nnġ. ifukku‑aġ zġ‑ddunit‑ad yʷh̬šnn ġmklli ira rbbi babatnnġ.

afsus 4:17

imma ġilad ra‑kʷn‑uṣṣaġ s‑ism n‑siditnnġ, iniġ‑awn a‑ur‑sul‑tskarm zund ġwilli ur‑ssinnin rbbi. ntni jlan‑tn iswingimn‑nsn bahra,

tiṭus 2:14

ifka ih̬f‑ns ad‑aġ‑ifru zġ‑kullu ma‑yʷh̬šnn, issġus‑aġ baš a‑ng mddn‑ns lli‑bahra‑ittirin ad‑skarn ma‑ifulkin.

iɛbrin 9:12

ġir yat‑twal a‑srs‑ikšm ntta, urd s‑idammn n‑waġaḍn ula win imugayn walaynni s‑idammn n‑ddat‑ns. ġmkad a‑s‑aġ‑ifra zġ‑ddnub‑nnġ s‑ujnjm idumn.

1 bṭrus 1:7

izri fllawn mayan baš a‑tissanm is‑iṣḥa liman‑nnun. ašku iɛzza liman‑nnun bahra, uggʷar n‑uwrġ lli‑ifnnun wah̬h̬a‑da‑itṣfu s‑lɛafit. ašku ġmkan a‑s‑ra‑kʷn‑yalġ rbbi issattuy‑kʷn issimġur‑kʷn ġakud lliġ ra‑d‑yašk yasuɛ lmasiḥ ibayyn.

1 bṭrus 4:3

ġayd izrin tkkam‑ttin ar‑tskarm ma‑iɛzzan dar ġwilli ur‑ssinnin rbbi, imma ġilad yuwda‑kʷn ġ‑ma‑yʷh̬šnn. han ntni ar‑tfsadn ar‑tšthun, ar‑ssnufuln ih̬f‑nsn s‑tissi, ar‑tmunun f‑lh̬ʷšant, ar‑skarn lɛib i‑ngratsn, ar‑tɛbadn ilahat n‑ddunit‑ad s‑tjlh̬it‑nsn.

1 yuḥanna 3:5

tssnm kunni is‑d‑yuška lmasiḥ baš a‑fllannġ‑issitti ddnub‑nnġ, tissanm is‑ur‑jju‑iskir kra n‑ddnub ntta.