1 bṭrus 1:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² walaynni issbayyn‑asn‑d rbbi is‑urd f‑ssibt n‑ih̬f‑nsn a‑f‑a‑sawaln f‑tġawsiwin‑ad walaynni f‑ssibt‑nnun. imma ġilad tsfldm f‑kullu mayad f‑imi n‑willi‑awn‑in‑iwinin lh̬bar ifulkin, ar‑darun‑tbrraḥn s‑tḥkimt n‑rruḥ lqudus lli‑d‑ityazann zġ‑ignna. imma tiġawsiwin‑ad, ula lmalayka ar‑bahra‑ttirin ad‑issann mamnk ad‑gant.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² والاينّي ءيسّبايّن‑اسن‑د ربّي ءيس‑ورد ف‑سّيبت ن‑يخف‑نسن ا‑ف‑ا‑ساوالن ف‑تغاوسيوين‑اد والاينّي ف‑سّيبت‑نّون. ءيمّا غيلاد تسفلدم ف‑كولّو ماياد ف‑يمي ن‑ويلّي‑اون‑ين‑يوينين لخبار ءيفولكين، ار‑دارون‑تبرّاحن س‑تحكيمت ن‑رّوح لقودوس لّي‑د‑يتيازانّ زغ‑يگنّا. ءيمّا تيغاوسيوين‑اد، ءولا لمالايكا ار‑باهرا‑تّيرين اد‑يسّانّ مامنك اد‑گانت.

1 bṭrus 1:12 Iomraidhean Croise

matta 11:25

iẓẓall yasuɛ ġ‑tasaɛt‑an yini: «wa‑baba, sidis n‑ignna d‑wakal, ulġġ‑k ašku tssntlt tiġawsiwin‑ad f‑ayt‑lɛaql d‑lfhmt tssmlt‑tnt i‑ibujadiyn.

matta 11:27

yini ilmma: «ġ‑ddu‑ufus‑inu a‑ġ‑iga baba kullu ma‑illan. ur‑illi ma‑issnn yus n‑rbbi abla babas, ula illa ma‑issnn baba abla nkki lli‑igan yus d‑willi qṣadġ ad‑asn‑t‑mlġ.

matta 16:17

yini‑as yasuɛ: «ambarki a‑tgit a‑simɛan yus n‑yuna, ašku urd bnadm ad‑ak‑imlan mayad, walaynni imla‑yak‑t baba rbbi lli‑illan ġ‑ignna.

marqus 16:15

yini‑asn ġakudan: «ffuġat ar‑ttidum s‑ddunit kullutt, ar‑ttbrraḥm s‑lh̬bar‑ad ifulkin i‑kullu mddn.

luqa 15:10

ġmkad a‑s‑rad‑awn‑iniġ, ar‑tfraḥn lmalayka n‑rbbi s‑yan‑n‑ifln kullu ma‑iskar yʷh̬šn iwrri‑d s‑uġaras n‑rbbi.»

luqa 2:26

imla‑yas rruḥ lqudus is‑ur‑ra‑immt ard iẓr lmasiḥ n‑sidi rbbi.

luqa 9:6

ġakudan ad‑ftan imḥḍarn ar‑tkkan iduran ar‑tbrraḥn s‑lh̬bar ifulkin ar‑jjujjin mddn ġ‑kraygatt mani.

yuḥanna 15:26

«walaynni rad‑d‑srun‑yašk rruḥ l‑lḥqq lli‑d‑iffuġn zġ‑baba, a‑t‑igan d‑waɛwin lli‑rad‑awn‑d‑aznġ zġ‑baba. nttan a‑ra‑flla‑yakka tugga.

irqqasn 10:44

sul a‑isawal bṭrus s‑d‑igguz rruḥ lqudus f‑kullu willi‑as‑sflidnin.

irqqasn 16:10

lliġ iẓra bulus tawargit‑an, nskr f‑a‑nddu ġakudan s‑tmazirt n‑makiduniyya, ašku nssn is‑aġ‑n‑iġra rbbi ġmkan ad‑asn‑nawi lh̬bar ifulkin.

irqqasn 2:33

ityalal ilmma s‑ufasi n‑rbbi babatnnġ, yamẓ zġ‑dars rruḥ lqudus lli‑f‑inna rad‑aġ‑t‑ifk. izzugz‑t‑id fllannġ ġilad ġmkad tẓram ar‑as‑tsflidm.

irqqasn 4:31

lliġ kmmln taẓallit‑ad, tmmass‑tgmmi lli‑ġ‑llan, ɛmmrn kullutn s‑rruḥ lqudus ar‑sawaln s‑zzɛamt s‑wawal n‑rbbi.

irqqasn 4:8

iɛmmr bṭrus s‑rruḥ lqudus yini‑asn: «wa‑imġarn l‑lmḥkama d‑imġarn n‑tmazirt,

irqqasn 8:25

izayd bṭrus d‑yuḥanna fkn tugga‑nsn sawln i‑mddn‑an s‑wawal n‑siditnnġ. wrrin ilmma s‑urušalim. lliġ ftan ġ‑uġaras ar‑tbrraḥn s‑lh̬bar ifulkin ġ‑iduran ggutnin n‑samira.

ruma 1:15

mayad a‑f‑riġ bahra ad‑tbrraḥġ s‑lh̬bar ifulkin ġ‑darun ula kunni lli‑zdġnin ġ‑ruma.

ruma 1:17

ar‑aġ‑imala lh̬bar‑ad mamnk a‑s‑a‑iskar rbbi sslamt ġ‑gras d‑willi umnnin, ar‑tt‑iskar f‑ssibt l‑liman‑nsn ġmklli ityaran, inna rbbi: «wanna yumnn, nttan a‑f‑rad‑rḍuġ fkġ‑as tudrt.»

ruma 10:15

mamnk a‑ra‑n‑awin lh̬bar iġ‑ur‑illi ma‑tn‑yuznn? ġmklli ityaran: «mnšk a‑s‑ifulki a‑nẓr ġwid‑d‑iwinin lh̬bar išwan.»

1 kurintus 2:10

imma ġilad issbayyn‑aġ‑t‑id rbbi s‑tḥkimt n‑rruḥ‑ns. ašku rruḥ lqudus ar‑isiggil kullu ma‑illan, yissan ula tiġawsiwin n‑rbbi lli‑ntlnin.

2 kurintus 1:22

iml‑aġ is‑nga wins, ig rruḥ‑ns ġ‑uwl‑nnġ baš a‑ig tamatart n‑is‑ra‑issafu kullu maylli‑s‑aġ‑inna.

2 kurintus 6:6

walaynni iban ginnġ is‑iġus‑uwl‑nnġ nissan ma‑yʷġẓann nṣbr bahra, ar‑ntɛawan wiyyaḍ, nɛmmr s‑rruḥ lqudus, ar‑ntḥnnu ġ‑mddn s‑nniyt iṣfan,

گالاطيّا 1:12

ašku ur‑t‑umẓġ dar mddn ula sslmdn‑iyi‑t mddn, walaynni issbayyn‑iyi‑t‑id yasuɛ lmasiḥ.

گالاطيّا 1:16

issbayyn‑iyi yus, baš ad‑dduġ ar‑fllas‑tbrraḥġ ġ‑dar ayt‑tmizar aggugnin. ur‑sqsaġ kra n‑bnadm

afsus 3:10

ašku ġilad f‑ufus n‑umnaggar n‑imẓlayn‑ns a‑f‑ira rbbi a‑issbayyn i‑ssulṭat ula lquwwat n‑ignwan mnšk a‑bahra‑tggut‑tḥkimt‑ns

1 tasaluniki 2:9

way‑aytmatnnġ, is‑ur‑di‑tswangmm mnšk a‑nth̬dam ar‑ntnhataf ġ‑gratun? nkka‑ttin ar‑nth̬dam ġ‑iyḍ ula azal baš a‑fllawn‑ur‑nẓẓay lliġ a‑yawn‑ntbrraḥ s‑lh̬bar ifulkin n‑rbbi.

1 timutaws 3:16

maylli‑aġ‑d‑imla rbbi, ar‑kullu‑gis‑ntɛjjab: iban‑d ġ‑ssift n‑bnadm, inru s‑tḥkimt n‑rruḥ, ẓrn‑t lmalayka. ilkm lh̬bar‑ns timizar aggugnin, amnn srs ġ‑kullu ddunit, ityalal s‑lmjd.

iɛbrin 11:13

kullu mddn‑an umnn awal n‑rbbi aylliġ mmutn, ur‑ta‑umẓn maylli‑s‑asn‑inna rad‑asn‑t‑ifk. walaynni ẓran‑t‑in ġ‑tuggugt frḥn srs, ur‑a‑tḥšamn a‑ttinin izd ibrraniyn d‑iġribn ad‑gan ġ‑ddunit.

iɛbrin 2:4

izzga‑t rbbi s‑lmɛjizat d‑lɛjayb d‑lquwwat ggutnin ula s‑twafkiw n‑rruḥ lqudus lli‑ifka i‑mddn ġmklli ira.

iɛbrin 4:2

ašku lh̬bar n‑usunfu‑ad lli‑mi‑nsfld, sfldn‑as‑yad imzwura‑nnġ walaynni ur‑uminn awal lli‑mi‑sfldn. mayan a‑f‑ur‑zgis‑umẓn kra l‑lfaytt.

1 bṭrus 1:25

imma awal n‑siditnnġ izga‑bdda.» awal‑ad iga lh̬bar ifulkin lli‑mi‑tsfldm.

1 bṭrus 4:6

mayan a‑f‑idda lmasiḥ a‑yawi lh̬bar ifulkin i‑willi mmutnin ula ntni lli‑f‑iḍr lḥukm l‑lmut n‑ddat ġmklli iṭṭar f‑kullu mddn, baš ad‑wrrin ddrn s‑tudrt n‑rruḥ ġmklli iddr rbbi.

anurẓm 5:11

ssmaqqlġ‑n‑daġ s‑sfldġ i‑waqqur n‑wafḍan n‑wafḍan d‑id‑walf n‑id‑walf l‑lmalayka, sutln i‑lɛrš d‑lmh̬luqat d‑imġarn.