1 bṭrus 1:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ hati lanbiya lli‑sawlnin ġayd izrin f‑lbaraka lli‑rad‑awn‑yili, ar‑swingimn ar‑sqsan f‑ujnjm‑ad.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ هاتي لانبيا لّي‑ساولنين غايد ءيزرين ف‑لباراكا لّي‑راد‑اون‑ييلي، ار‑سوينگيمن ار‑سقسان ف‑وجنجم‑اد.

1 bṭrus 1:10 Iomraidhean Croise

matta 13:17

lḥqq a‑rad‑awn‑iniġ, ggutn lanbiya d‑mddn rḍanin rbbi ẓuẓḍn ad‑ẓrn mayd tẓrram walaynni ur‑t‑ẓrin, ẓuẓḍn ad‑sfldn i‑mayd mi tsflidm walaynni ur‑as‑sfldn.

matta 26:24

ha‑yus n‑bnadm ra‑immt ġmklli fllas ityaran, walaynni taguḍi a‑ra‑yili i‑urgaz lli‑izznzan yus n‑bnadm. yuf‑as i‑urgaz‑an mrad is‑ur‑akkʷ‑ilul.»

luqa 10:24

rad‑awn‑iniġ, ggutn lanbiya d‑igldan ẓuẓḍn ad‑ẓrn mayd tẓrram walaynni ur‑t‑ẓrin, ẓuẓḍn ad‑sfldn i‑mayd mi tsflidm walaynni ur‑as‑sfldn.»

luqa 24:44

isawl‑daġ yasuɛ yini‑asn: «ġmkad a‑s‑yuwfa maylli‑awn‑nniġ ġ‑uwssan‑an ġ‑sul‑didun‑lliġ. nniġ‑awn, iqqan‑d a‑ijru kullu ma‑flla‑ityaran ġ‑ššrɛ n‑musa ula arratn l‑lanbiya ula imurign n‑rbbi.»

yuḥanna 5:39

kunni ar‑tsiggilm ġ‑warratn n‑rbbi ašku tġalm izd gisn a‑ġ‑ra‑tafm aġaras n‑tudrt idumn. ntni a‑flla‑yakkan tugga,

yuḥanna 7:52

imma ntni rurn‑as: «izd ula kiyi gu‑jalil a‑tgit? siggil ġ‑warratn tissant is‑ur‑ra‑d‑yašk kra n‑nnabi zġ‑jalil.»

irqqasn 10:43

nttan a‑f‑sawln lanbiya kullutn ar‑akkan tugga‑nsn ar‑ttinin: s‑ism‑ns a‑s‑ra‑issitti rbbi ddnub f‑kullu wanna srs yumnn.»

irqqasn 17:11

mddn‑an n‑biriyya, ur‑qqurn ih̬fawn‑nsn zund ayt‑tasaluniki. ar‑ttirin ad‑sflidn i‑wawal n‑siditnnġ ar‑tt‑gis‑tawin bahra, ar‑siggiln ġ‑warratn n‑rbbi ass f‑wass, baš ad‑ẓrn is‑yʷġẓan maylli‑asn‑ittini bulus.

irqqasn 28:23

izzga didsn ass yaḍni baš ad‑d‑dars‑daġ‑munn. lliġ ilkm‑wass‑an, iggut ma‑d‑yuškan s‑illiġ izdġ bulus. ar‑asn‑isawal s‑lmɛqul zġ‑zikk ṣbaḥ ar iḍ f‑mamnk a‑tga‑tgldit n‑rbbi. ar‑fllasn‑yaqra zġ‑ššrɛ n‑musa d‑warratn l‑lanbiya baš ad‑asn‑iml is‑yʷġẓan ma‑ittini f‑yasuɛ.

irqqasn 7:52

is‑illa kra n‑nnabi ur‑irfufnn f‑ifassn n‑imzwura‑nnun? ntni nġan ula ġwilli‑d‑iwinin lh̬bar n‑is‑ra‑d‑yašk yan iɛmmrn s‑ufulki n‑rbbi. imma ġilad ġ‑d‑yuška, tzznzam‑t tnġm‑t

iɛbrin 11:13

kullu mddn‑an umnn awal n‑rbbi aylliġ mmutn, ur‑ta‑umẓn maylli‑s‑asn‑inna rad‑asn‑t‑ifk. walaynni ẓran‑t‑in ġ‑tuggugt frḥn srs, ur‑a‑tḥšamn a‑ttinin izd ibrraniyn d‑iġribn ad‑gan ġ‑ddunit.

iɛbrin 11:40

ašku iqṣad rbbi kra yufn mayan. yiri ad‑didnnġ‑kšmn s‑lbaraka lli‑rad‑aġ‑yili, issafu‑asn ġmkan kullu maylli‑s‑asn‑inna.

1 bṭrus 1:11

ar‑sqsan man azmz a‑ġ‑ra‑yili ula mamnk a‑ra‑ig‑uzmz lli‑f‑a‑ittini rruḥ l‑lmasiḥ lli‑gisn‑illan lliġ a‑yasn‑imala arfufn lli‑ġ‑ra‑izri lmasiḥ ula lmjd lli‑rad‑as‑yili tigira.

1 bṭrus 1:13

f‑mayan a‑f‑rad‑awn‑iniġ, bkisat ih̬f‑nnun trarm lɛaql, tzgam bahra ġ‑rrja lli‑s‑a‑ttrjum f‑lbaraka lli‑rad‑awn‑yili ġakud lliġ ra‑d‑yašk yasuɛ lmasiḥ ibayyn.