1 bṭrus 1:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ zġ‑bṭrus arqqas n‑yasuɛ lmasiḥ, i‑imẓlayn n‑rbbi lli‑akutnin, gn iġribn ġ‑tmizar n‑buntus ula galaṭiyya ula kabadukiyya ula asiyya ula bitiniyya.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ زغ‑بطرُس ارقّاس ن‑ياسوع لماسيح، ءي‑يمژلاين ن‑ربّي لّي‑اكوتنين، گن ءيغريبن غ‑تميزار ن‑بونتوس ءولا گالاطيّا ءولا كابادوكيّا ءولا اسيّا ءولا بيتينيّا.

1 bṭrus 1:1 Iomraidhean Croise

matta 10:2

ġmkad ad‑gan ismawn n‑irqqasn s‑sin d‑mraw: amzwaru simɛan lli‑mi‑ttinin bṭrus, ntta d‑gʷmas andraws, d‑yaɛqub yus n‑zabdi, ntta d‑gʷmas yuḥanna,

matta 24:22

mrad is‑ur‑issidrus rbbi ussan‑an ur‑ra‑injm yan. walaynni f‑ssibt n‑mddn‑ns lli‑iẓli, hati issidrus ussan‑an f‑ssibt‑nsn.

matta 4:18

iftu yasuɛ ġ‑tama n‑umda n‑jalil, iẓr sin aytmatn, simɛan lli‑mi‑ttinin bṭrus d‑gʷmas andraws. ingʷmarn n‑islman ad‑gan, grn‑in ššbkt ġ‑umda.

luqa 18:7

imma rbbi is‑ur‑ra‑ifukku mddn‑ns lli‑as‑aqranin ġ‑iyḍ ula azal? is‑ra‑imaṭl ad‑asn‑ifk maylli zġ‑gis ḍalbn?

yuḥanna 11:52

imma yasuɛ, urd ġir ayt‑tmazirt‑an a‑f‑ra‑immt, walaynni ra‑d‑issmun tarwa n‑rbbi lli‑akutnin ġ‑kullu ddunit baš ad‑kullu‑gn yan.

yuḥanna 7:35

ssmqsan ilmma mddn‑an n‑ayt‑yudaya i‑ngratsn inin: «manis ra‑iddu aylliġ ur‑ra‑t‑naf nkkʷni? is‑ira a‑iddu s‑dar ayt‑darnnġ lli‑zdġnin ġ‑tmizar yaḍni a‑ġin‑isslmad ayt‑tmizar‑an?

irqqasn 18:2

imnaggar ġin yan‑urgaz gu‑yudaya ism‑ns akila, ig laṣl‑ns zġ‑tmazirt n‑buntus. ikka‑d tamazirt n‑iṭalya ġ‑uwssan‑an, ntta d‑tmġart‑ns briskilla, ašku qayṣr kludyus yumr kullu ayt‑yudaya ad‑ffuġn tamdint n‑ruma. iddu darsn bulus s‑tgmmi,

irqqasn 18:23

iqama gis kra n‑uwssan, imuddu ilmma ar‑itkka tamazirt n‑galaṭiyya ula frijiyya ar‑issdus imḥḍarn kullutn.

irqqasn 19:10

ġmkan a‑izzri sin isggʷasn, aylliġ sfldn kullu imzdġn n‑asiyya i‑wawal n‑siditnnġ, ayt‑yudaya ula ibrraniyn.

irqqasn 6:9

walaynni nkrn srs kra n‑mddn zġ‑tgmmi n‑tẓallit lli‑mi‑ttinin ‹tigmmi n‑ismgan lli‑tyawrẓamnin›, gn ayt‑yudaya zġ‑tmdinin n‑kurini d‑iskandariyya d‑wiyyaḍ zġ‑tmizar n‑kilikiyya d‑asiyya, ar‑tmjaḥadn d‑stifanus.

irqqasn 8:4

imma ġwilli akutnin, ar‑tkkan kraygatt mani ar‑tbrraḥn s‑wawal n‑rbbi.

1 kurintus 16:19

ar‑n‑fllawn‑tsllamn imnaggarn n‑aytmatn ġ‑tmazirt n‑asiyya. ar‑n‑bahra‑fllawn‑itsllam akila d‑briskilla s‑ism n‑siditnnġ, ntni d‑umnaggar lli‑itmunun ġ‑tgmmi‑nsn.

2 kurintus 1:8

way‑aytma, nra a‑tissanm f‑tnukmut lli‑fllannġ‑izrin ġ‑tmazirt n‑asiyya. tšqa bahra, tẓẓay fllannġ aylliġ nġal is‑ur‑akkʷ‑nẓḍar a‑sul‑nddr,

گالاطيّا 1:2

zġ‑gigi nkki d‑aytmatn lli‑didi‑illan, i‑imnaggarn ġ‑tmazirt n‑galaṭiyya.

afsus 2:12

ur‑ta‑tssinm lmasiḥ ġ‑uwssan‑an, tilim ġ‑brra n‑ayt‑rbbi lli‑iẓli ad‑gn mddn‑ns. ur‑darun taġamt ġ‑id‑lɛhd lli‑s‑a‑yasn‑imala ma‑rad‑asn‑iskr. ur‑darun rrja, ula tssnm rbbi ġ‑ddunit.

afsus 2:19

ur‑sul‑tgim ibrraniyn ula iġribn, ašku teṭṭafm ula kunni ġilad taġamt ġ‑gr imẓlayn n‑rbbi, tgm zġ‑ayt‑tgmmi n‑rbbi

2 timutaws 1:15

tsfldt f‑aytmatn ġ‑tmazirt n‑asiyya mamnk ad‑ddan kullu fln‑iyi. zġ‑gisn fijalis d‑harmujanis,

iɛbrin 11:13

kullu mddn‑an umnn awal n‑rbbi aylliġ mmutn, ur‑ta‑umẓn maylli‑s‑asn‑inna rad‑asn‑t‑ifk. walaynni ẓran‑t‑in ġ‑tuggugt frḥn srs, ur‑a‑tḥšamn a‑ttinin izd ibrraniyn d‑iġribn ad‑gan ġ‑ddunit.

yaɛqub 1:1

zġ‑yaɛqub ah̬ddam n‑rbbi d‑siditnnġ yasuɛ lmasiḥ, i‑ayt‑rbbi lli‑akutnin ġ‑ddunit kullutt. ad‑awn‑tili sslamt.

1 bṭrus 2:11

way‑aytma ɛzzanin, ḍalbġ‑kʷn ġilad a‑tgm ih̬f‑nnun d‑iġribn d‑ibrraniyn ġ‑ddunit‑ad, tluḥm s‑ma‑ttiri ddat n‑bnadm, ašku tiġawsiwin n‑ddat ar‑tmmaġnt d‑uwl iṣfan.

2 bṭrus 1:1

zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

anurẓm 1:11

yini‑yyi: «ara mayd ra‑tẓrt ġ‑yan‑warra, taznt‑t s‑ssa n‑imnaggarn, i‑afsus ula smirna ula bargamus ula tyatira ula sardis ula filadalfya ula lawdikiyya.»