Zaki 3:1 - Sénoufo Nyarafolo

¹ Nɛ siinyɛninɛ, ye fǎga puu nìʔɛnɛ bèri ki caa bè puu tɛnmɛfɔlilɔ bèleʔ. Yeli 'ki cɛ́n weli tɛnmɛfɔlilɔ bèle, weli kàyuʔu ki bága gbɛ̀n bè tóri.

Zaki 3:1 Iomraidhean Croise

Leviiyé 10:3

A Misa 'ki juu Arawɔn mɛ́ nɛ́ jo: «Dàa tire dī Yewe cé juu lɛ̀lɛ líì nī wi 'jo, ‹Bàli pe 'sìʔɛrɛ nɛ̀ kpɔni mi nɛ̄ wè, pe 'yɛli bè ki cɛ́n dí mi yē tiɛlɛ fùn, bà kpuʔɔrɔ bè taʔa mi nɛ̄ siɛnnɛ pe mìɛni nyaamɛ nɛ̄ bè.› » A Arawɔn 'pìiri.

Matiye 10:24

«Pìtɛnmɛwɛ wiì kpúʔɔ nɛ̀ tóri wi tɛnmɛfɔli nɛ̄ wèʔ, nɛ̀ pínɛ baakuɔwɔ wiǐ gbɛ̀ kpúʔɔ wi kàfɔli nɛ̄ wèʔ.

Matiye 23:13

«Yawuʔɔ yē yeli nɛ̄ yeli bèle Fànʔa Siɛnrɛ sɛbɛcɛ́nminɛ bèle nɛ́ Fariziɛnnɛ ní bèle, nɛ̀ taʔa gíi nɛ̄, jànvaafɔlilɔ bīɛlɛ yeli bèle. Ki 'nyaa yeli nɛ Nyìʔɛnɛ Kùlofɔligɔ tɔ́ngi gè siɛnnɛ mɛ́ bèle wī. Yeli wè jíin baaʔ, bìli sí pe caa bè jíin bèle yeli nɛ̌ ní pe yaʔa pe jíinʔ.

Matiye 23:14

«[Yawuʔɔ yē yeli nɛ̄ yeli bèle Fànʔa Siɛnrɛ sɛbɛcɛ́nminɛ yeli bèle, yeli nɛ́ Fariziɛnnɛ ní bèle; jànvaafɔlilɔ bīɛlɛ yeli bèle. Nɛ̀ taʔa gíi nɛ̄, yeli sí ye nyɛ́ni lakicɛlilɛ saaya fùʔuró yè nɛ pe yɛrɛ líi dè nɛ waa nɛ́ ti ní, níɛ̀ nɛ Kulocɛliɛ náari wè nɛ mɔgi siɛnnɛ peri yeli nyaʔa. Yeli kàyuʔu ki bága sa puu gbɛ̀ligɛ bè tóri sɛnminɛ nɛ̄ bèle  !]

Matiye 9:11

Bà Fariziɛnnɛ pe 'kire nyaa gè, a pe 'Zezi wi pìtɛnmɛnɛ yɛ bèle: «Gáa nɛ̄ yeli tɛnmɛfɔli wi 'tɛ́ni nɛ líi nɛ́ lanbosuɔlɔ ní bèle, peli nɛ́ kapiigbiʔilile ní bèle ?»

Luku 16:2

A lɔrifɔli wi sí wi yeri nɛ̀ pɛ́nì wi yúgo: ‹Siɛnrɛ díì pe nyu muɔ wori nɛ̄ dè, kiī mɛni wī ? Ma sí kàa juu mi mɛ́ wêli mi wali wi cògɛnmɛ nī bè. Miì cɛ́n ga muɔ bé ní gbɛ̀ri mi wali kele cuɔnri gèleʔ.›

Luku 6:37

«Ye fǎri kàyuʔu nyu siɛn nɛ̄ʔ, bɛ̀ Kulocɛliɛ míɛni sǐ ga kàyuʔu juu yeli nɛ̄ʔ. Ye fǎri kàyuʔu cáanri pàli nɛ̄ʔ, bɛ̀ Kulocɛliɛ míɛni sǐ ga kàyuʔu cáan yeli nɛ̄ʔ. Yeri ki yɛri siɛnnɛ nɛ̄ bèle, bɛ̀ Kulocɛliɛ míɛni wi bága ki yaʔa yeli nɛ̄.

Zezi Kirisi Kataanna Siɛnrɛ dè Zan juumɔ nɛ̄ bè 3:10

A Zezi wi 'wi yɛ: «Muɔ wī Isirayɛli kùlo tɛnmɛfɔli wè, nɛ́ kò muɔ sì kire cɛ́n léʔ ?

Kakpiʔiligele 13:1

Baa Antiyɔsi tɛ́ngɛfɔlilɔ gboli nī lè, Kulocɛliɛ siɛnjuulo 'puu baa nɛ́ tɛnmɛfɔlilɔ ní, pe míɛyɛ yi n'yɛ: Barinabasi nɛ́ Simɛyɔ ŋáà pe ye Nawuɔ wè, nɛ́ Lusiyɔsi ŋáà wi 'kɔ́n Siirɛni kàʔa mɛ́ gè, nɛ́ Manayɛni wire ŋáà wi cé wúɔ nɛ̀ pìire pùrɔ nɛ́ kùlofɔli Erodi ní wè, nɛ́ Sɔli.

Korɛntiyé 1 12:28

Bìli Kulocɛliɛ wi 'tɛ́ngɛ tɛ́ngɛfɔlilɔ gbuʔulo nī gèle, pe m'bɛlɛ: pélile bèle, Zezi tundunminɔ, bìli pe taʔa bèle, Kulocɛliɛ siɛnjuulo, nɛ̀ yɛ̀ nɛ̀ tɛnmɛfɔlilɔ taʔa, nɛ̀ kakpoliyo kpíʔilefɔlilɔ taʔa, nɛ̀ yaabuʔɔlɔ kpuʔɔrɔ kɛn pàli mɛ́, nɛ̀ sáʔafɔlilɔ taʔa, nɛ̀ yiɛgininɛ taʔa, nɛ̀ kpuʔɔrɔ kɛn pàli mɛ́ pe gbɛ̀nɛ nyu siɛnrɛ felide táà nī.

Korɛntiyé 2 5:10

Nɛ́ ki cɛ́n ki 'kàri fànʔa we mìɛni bèle we ga sa yéri Kirisi kàyuʔujuudiʔɛ ki yiʔɛ mɛ́ gè, dí we mìɛni nigbe nigbe sí we liʔɛlɛ taa gèle bè yɛli nɛ́ we kakpiʔiligele ní gèle, gìi we 'puu nɛ kpínʔini nɛ́ weli cetinnɛ ní lè, a ki yē cɛ̀ngɛ yo, a ki yē sìpiʔi yo.

Efɛziyé 4:11

Nɛ̀ pínɛ wire wi 'pàli kpíʔile Zezi tundunminɔ, nɛ̀ pàli kpíʔile Kulocɛliɛ siɛnjuulo, nɛ̀ pàli kpíʔile Kataanna Siɛnrɛ jáarifɔlilɔ, nɛ̀ pàli kpíʔile tɛ́ngɛfɔlilɔ gbuʔulo nàʔavɔlilɔ, nɛ̀ pàli kpíʔile tɛnmɛfɔlilɔ.

Timote 1 1:7

Peli yē nɛ ki caa bè puu Misa Fànʔa Siɛnrɛ sɛbɛcɛ́nminɛ, nɛ̀ ki yaʔa piyè ti kɔri cɛ́nʔ dàa pe nyu dèʔ, piyè cɛ́nì kele ke kɔri cɛ́nʔ gàli pe nyu nɛ láʔala gèleʔ.

Timote 1 2:7

Kire kɛnmɛ nɛ̄ Kulocɛliɛ 'mi tɛ́ngɛ mi- puu wi siɛnjaariwɛ nɛ́ Zezi Kirisi tundunwɔ, mi de kùlogolo kálì siɛnnɛ tɛnmɛ bèle tɛ́ngɛlɛ wuʔu nɛ̄ gè nɛ́ kányiʔɛ ní gè. Mi wè nɛ finɛnɛ wīʔ; kányiʔɛ mi nɛ nyu.

Timote 2 1:11

Bèri Kataanna Siɛnrɛ jáari dè, kire kɛnmɛ nɛ̄ Kulocɛliɛ wi 'mi tɛ́ngɛ wi siɛnjuuwo, nɛ́ wi tundunwɔ, nɛ́ tɛnmɛfɔli.

Eburulo 13:17

Yeri lúru yeli yiɛgininɛ mɛ́ bèle, ye sí yìye cɛ́rigɛ pe mɛ́; piyē nɛ yeli wéli nɛ́ ki cɛ́n cɛngɛ káà Kulocɛliɛ bè pe yúgo yeli wuʔu nɛ̄ gè. Yeri kire kpínʔini kire ga buu peri baara kúu dè nɛ́ fundaanra ní, ki fǎga buu nɛ́ kúnʔɔrilɔ níʔ; kire bé sí ki yaʔa yeli sǐ tɔ̀ni taaʔ.

Zaki 1:16

Mi siinyɛninɛ yeli bálì ye 'mi dɛ́ni bèle, ye fǎga tí siɛn- yeli fáanni bè yeli pùunniʔ.

Zaki 1:19

Nɛ siinyɛninɛ yeli bálì ye 'mi dɛ́ni bèle, yeli 'yɛli bè dàa cɛ́n dè: siɛn ó siɛn wi- puu sícaʔawa wiri lúru, wí sí nyígi juulo kɔli mɛ́ gè, wi- puu wi fungo ki fǎri yɛ̀gí fáari fáariʔ.

Zaki 3:10

Nyuɔ nugo nī gè diba siɛnrɛ ti nàa nyu, dɛ́ngɛ siɛnrɛ míɛni ti nàa nyu. Nɛ siinyɛninɛ, bà bɛ̀ʔ ki 'yɛli bè puu kire kɛnmɛ nɛ̄ bèʔ.

Piɛri 1 5:3

Bàli Kulocɛliɛ 'kɛn yeli mɛ́ yeli de pe nári bèle, ye fǎri ki kpínʔini kàfɔlilɔ pálì tíɛlɛ bàli pe 'gbɛ̀n bèleʔ. Yeli tánʔagɛnmɛ pi 'yɛli bè puu fìɛ cɛ̀nwɛ, ŋàa tɛ́ngɛfɔlilɔ pe béri tɛnmɛ wè.